အဆိုး၀ါးဆုံးနဲ့ အရက်စက်ဆုံးအဖြစ် သတ်မှတ်ထားရတဲ့ အကျဉ်ထောင်များ

မည်သူမဆို တရားဥပဒေကို ချိုးဖောက်ခဲ့ရင် ဥပဒေရဲ့အပြစ်ပေးခြင်းကို ခံရမှာပါ။ အဲ့လိုအပြစ်ကျူးလွန်သူ များအား အကျဉ်းထာင်ကိုပို့ကြပါတယ်။ အကျဉ်းထောင်ဆိုတာ မည်သူမျှမသွားချင်ဆုံး နေရာတစ်ခုဖြစ်ပြီး အနိဋ္ဌာအာရုံများနဲ့ ပြည့်နှက်နေတဲ့နေရာဆိုလည်း မမှားပါဘူး။ ဒီတစ်ခါဖော်ပြပေးမှာကတော့ ကမ္ဘာပေါ်မှာ အဆိုးဝါးဆုံးနဲ့ အရက်စက်ဆုံး အကျဉ်းထောင်တွေ ပဲဖြစ်ပါတယ်။

ဗင်နီဇွဲလားနိုင်ငံမှာရှိတဲ့ ထောင်ဟာ ကမ္ဘာပေါ်မှာ ထောင်တွင်းသတ်ဖြတ်မှုနှုန်း ဒုတိယအများဆုံးဖြစ်ပါတယ်။ စာရင်းဖော်ပြချက်တွေအရ အကျဉ်းထောင်သားအများစုရဲ့ ၈၀ ရာခိုင်နှုန်းဟာ လက်နက်ကိုင်ဆောင်ပီး တိုက်ခိုက်တဲ့ အကျဉ်းသားတချို့ရဲ့ ရန်ကိုကြောက်လန်နေရတယ်လို့ သိရပါတယ်။

၂။ Rikers Island

Rikers ကျွန်းမှာရှိတဲ့ အဆိုပါထောင်ဟာ အမေရိကန်နိုင်ငံမှာ တတိယအကြီးဆုံးထောင်လည်းဖြစ်ပါတယ်။ လက်နက်ကိုင်ဆောင်ထားတဲ့ ထောင်သားတွေအုပ်စုဖွဲ့ကာ နေထိုင်ကြခြင်း ၊ မကြာခဏ ထောင်တွင်း ဂိုဏ်းအဖွဲ့အချင်းချင်း အပြန်အလှန် သတ်ဖြတ် တိုက်ခိုက်ခြင်းများကြောင့် အဆိုး၀ါးဆုံးထောင်အဖြစ် နာမည်ကျော်ကြားနေပါတယ်။

၃။ Bang Kwang Prison

Bang Kwang ထောင်ဟာ ထိုင်းနိုင်ငံ ဘန်ကောက်မှာ ရှိတဲ့ အကျဉ်းထောင်တစ်ခုပါ ။ အဆိုပါထောင်ထဲမှာဆိုရင် အကျဉ်းသားတွေဟာ ပထမ (၃) လလောက်အထိ ခြေကျင်းနဲ့လက်ထိပ် တွေကို အမြဲဝတ်ထားရပါတယ်။ စစ်တမ်းများအရ အကျဉ်းသားတွေရဲ့ ၁၀ရာခိုင်နှုန်း ခန့်ဟာ အဆိုပါခြေကျင်း ၀တ်ထားရတဲ့ ဒဏ်ကြောင့် သေဆုံးရတယ်လို့ သိရပါတယ်။ အစားအသောက်အနေနဲ့ ထမင်းတစ်ပွဲနဲ့ ဟင်းရည်တစ်ခွက်သာပေးပြီး အခြားဟင်းလျာများကို စားချင်လျှင် ထောင်ထဲက ကန်တင်းမှာ ပိုက်ဆံပေးပြီး ၀ယ်စားရပါတယ်။

၄။ Petak Island Prison

Petak ကျွန်းမှာရှိတဲ့ ထောင်ဟာ ရုရှားနိုင်ငံမှာ အဆိုး၀ါးဆုံး ထောင်တစ်ခုလည်း ဖြစ်ပါတယ်။ ထောင်သားများအတွက် နှစ်ယောက်အိပ်ခန်း တစ်ခုစီ ပေးထားပြီး တစ်နှစ်လုံး ဧည်တွေ့ချိန် နှစ်ကြိမ်သာ ခွင့်ပြုပေးထားပါတယ်။ အဆိုပါထောင်မှ လွတ်မြောက်နိုင်ခြေအလွန်နည်းပြီး အကယ်၍ လွတ်မြောက်ခဲ့လျှင်လည်း အေးခဲလွန်းတဲ့ ရာသီဥတုကြောင့် အသက်ရှင်နိုင်ခြေ အလွန်နည်းပါတယ်။

၅။ USP Florence ADMAX

USP Florence ADMAX ထောင်ဟာ အမေရိကတိုက်မှာ ရက်စက် အကြမ်းကြုတ်ဆုံး ထောင်ဖြစ်ပြီး အမေရိကန်နိုင်ငံမှာ တည်ရှိပါတယ်။ လူဆိုးဂိုဏ်းခေါင်းဆောင်များ ၊ နိုင်ငံခြားသား အကြမ်းဖက် အဖွဲ့ဝင်များ ၊ နိုင်ငံတွင်းက အကြမ်းဖက်သူ များကို စုပေါင်းပြီး အကျဉ်းချထားတာပဲ ဖြစ်ပါတယ်။ ထောင်တွင်း အကျဉ်းခန်းများမှာ မည်သည့် လျှပ်စစ်မီးအလင်းမျှမရှိပဲ သဘာဝအလင်းရောင် တစ်ခုပဲရှိပါတယ်။ အကျဉ်းသားတွေဟာ အဆိုပါအကျဉ်းခန်းထဲမှာ တစ်နေ့ကို ၂၃ နာရီ နီးပါး နေရပါတယ်။

သတင်း အရင်းအမြစ်៖ Itr