ကမ္ဘာကြီးပေါ်မှာဆိုရင် ယနေ့တိုင် ထူးဆန်းပြီး ရှားပါးတဲ့ တိရစ္ဆာန်တွေရှိနေကြတုန်းပါပဲ။ အဲ့ထဲက တချို့တိရစ္ဆာန်တွေကိုတော့ အောက်မှာဖော်ပြလိုက်ပါတယ်။
Dumbo Octopus
ဒန်ဘိုလို့အမည်ရတဲ့ အဆိုပါေရသတ္တဝါလေးတွေဟာ ရေဘဝဲမျိုးစိတ်ဝင်အကောင်လေးတွေပဲ ဖြစ်ပါတယ်။ သူတို့ကိုတွေ့မြင်ဖို့ အလွန်ခဲယဉ်းပြီး အကြောင်းရင်းကတော့ ဒန်ဘိုလေးတွေဟာ ပင်လယ်ရေမျက်နှာပြင်ကြမ်းပြင်အောက် ပေပေါင်း ၁၃၀၀၀မှာ နေထိုင်ရှင်သန်နေကြလို့ပဲဖြစ်ပါတယ်။ ပင်လယ်ကြမ်းပြင်ရဲ့အောက်ခြေမှာရှိတဲ့ ခရုအပြင် အခြားသောရေသတ္တဝါသေးလေးတွေကိုလည်း စားသောက်ကြပါတယ်။
Thorny Dragon
ရုပ်ရှင်ကားတွေထဲမှာတွေ့ရတဲ့ ဒီအကောင်လေးတွေကို ဒဏ္ဍာရီထဲကအကောင်လေးတွေလို့ ထင်ခဲ့ပေမယ့် လက်တွေ့အပြင်လောကမှာ အမှန်အကန်တည်ရှိနေတယ်ဆိုတာ သိခဲ့ရပါတယ်။ အဲ့ဒီအကောင်လေးတွေကို ဩစတေးလျမှာ အတွေ့များပြီး ပုတ်သင်ညိုမျိုးနွယ်ဝင်အကောင်လေးတွေလည်း ဖြစ်ပါတယ်။ အကောင်လေးတွေဟာ အပူချိန်အလိုက် အရောင်ပြောင်းလဲတတ်ပြီး အစားအစာအဖြစ်ပုရွက်ဆိတ်တစ်မျိုးတည်းကိုသာစားသုံးကြပါတယ်။
Okapi
အမှတ်မထင်ကြည့်လိုက်ရင် မြင်းကျားလို့ ထင်ရပေမယ့် တကယ်တော့ မြင်းကျားမဟုတ်ပါဘူး။ အဆိုပါအကောင်ကိုတော့ Okapiလို့ခေါ်ပါတယ်။ မြင်းကျားမျိုးနွယ်ထဲမှာပါဝင်ပြီး မြင်းကျားတွေလိုတကိုယ်လုံးအစင်းကျားပါရှိခြင်းမဟုတ်ပဲ ခြေထောက်တွေနဲ့ အနောက်ဘက်တင်အောက်ပိုင်းတွေမှာသာ ပါရှိခြင်းဖြစ်ပါတယ်။ သူရဲ့လျှာပာာလည်း မျက်စိအထိလျက်နိုင်စွမ်းရှိအောင် ရှည်ကြပါတယ်။
Jaguarundi
ဒီထူးဆန်းတဲ့Jaguarundi ပာာ တောင်အမေရိကမှာရှိတဲ့ တောရိုင်းကြောင်အမျိုးအစားဖြစ်ပြီးခန္ဓာကိုယ်ပာာ ရှည်လမျောပုံစံရှိပါတယ်။ မျက်နှာကပြားပြားနဲ့ တခြားကြောင်တွေလိုအစင်းကျားအကွက်တွေ အရောင်တွေမပါဝင်ပါဘူး။ အိမ်မွေးလို့ လုံးဝမသင့်တော်ပဲ လူကိုအန္တရာယ်ပေးနိုင်တဲ့ ကြောင်မျိုးစိတ်တစ်ခုဖြစ်ပါတယ်။
India Purple Frog
အိန္ဒိယခရမ်းရောင်ဖားကတော့ တခြားဖားနဲ့မတူပါဘူး။ ပြောင်ပြောင်ချောချောနဲ့ မြင်တာတောင်အသည်းယားဖို့ကောင်းပါတယ်။ အဲ့ဒီဖားကိုမြင်တွေ့နိုင်ဖို့အတော်ခဲယဉ်းတာဖြစ်ပြီး ပုံထဲကဖားဟာ အိန္ဒိယအနောက်ဘက်တောင်ပိုင်းဒေသ Ghats မှာ ပထမဆုံး စတင်တွေ့ရှိခဲ့ခြင်း ဖြစ်ပါတယ်။
သတင်း အရင်းအမြစ်៖ Wonderlist