မြန်မာယူ-18မိတ်ဆက်
ပရိသတ်ကြီးအနေနဲ့အောင်သူတို့ရဲ့မြန်မာယူ-22အသင်းကို
ရင်းနှီးကျွမ်းဝင်ပြီးဖြစ်ပေမယ့်ဝင်းနိုင်ထွန်းတို့ရဲ့ယူ-18ကိုတော့
အနည်းငယ်စိမ်းနေနိုင်တာကြောင့်ယူ-18အသင်း
ကိုအနည်းငယ်မိတ်ဆက်ပေးပရစေ။မြန်မာယူ-18
အသင်းကို 2016ခုနှစ်မှာစတင်ဖွဲ့စည်းခဲ့တာဖြစ်ပြီး
နည်းပြကဦးညီညီလတ်ပါ။အခုU-16နည်းပြပေါ့။
2016ဒီဇင်ဘာမှာတရုတ်မှာရှိတဲ့
ကမ္ဘာ့အကြီးဆုံးဘောလုံးသင်တန်းကျောင်းကိုသွားရောက်
လေ့ကျင့်ခဲ့ပါတယ်။
2017ဒီဇင်ဘာမှာဖီးနစ် A နဲ့ဖီးနစ်B ဆိုပြီးနှစ်သင်းခွဲပြီး
MNL-2မှာဖီးနစ်Aနဲ့MNL-U-18မှာဖီးနစ်Bကဝင်ကန်ပါတယ်။
2017 Aprilမှာဗီယက်နမ်ဖိတ်ခေါ်ဖလားပွဲ
သွားရောက်ယှဉ်ပြိုင်ပြီးရလဒ်မကောင်းတာကြောင့်
ဦးညီညီလတ်နေရာမှာပြင်သစ်နည်းပြမစ္စတာ
ဘန်လာဘီနဲ့အစားထိုးခဲ့ပါတယ်။
မစ္စတာဘန်လာဘီလက်အောက်မှာတရိပ်ရိပ်
တိုးတက်လာတဲ့မြန်မာယူ-18(သို့မဟုတ်)ဖီးနစ်ဟာ
အင်တာမီလန်ယူ-18ကိုတောင်သရေ
ကစားနိုင်ခဲ့ပါတယ်
နောက်ပြီးမနိုင်တာကြာပြီဖြစ်တဲ့
ထိုင်းယူ-18ကိုသူ့မြေသူ့ရေမှာပဲအနိုင်ကစားပြခဲ့ပြန်ပါတယ်။
လွန်ခဲ့တဲ့ဇူလိုင်လကတည်းကGoal Hotel
မှာနေထိုင်ရင်းစခန်းသွင်းလေ့ကျင့်နေတဲ့ယူ-18ရဲ့
အဓိကမျှော်မှန်းချက်ကဒီနေ့စတင်ကျင်းပနေပြီ
ဖြစ်တဲ့အာဆီယံယူ-18ပြိုင်ပွဲမှာဗိုလ်စွဲဖို့နဲ့နောက်တစ်ကြိမ်
ကမ္ဘာ့ဖလားအောင်မြင်ဖို့ပင်။အောင်သူတို့ကို
အားပေးကြသလိုပဲဝင်းနိုင်ထွန်းတို့ကိုလည်းအားပေး
ကြပါဦးစို့.....
Source-MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
