ဆန်းဆက်နိုင်၊အောင်သူတို့ပြန်ရောက်ပါပြီ
ကာဂျစ်စတန်နဲ့အာရှဖလားခြေစစ်ပွဲကို
ရွှေ့ဆိုင်းခဲ့လို့ပြည်တော်ပြန်လာတဲ့မြန်မာအသင်းဟာ
မနေ့ညနေကရန်ကုန်ကိုရောက်ရှိလာခဲ့ပါတယ်။
ပြန်ရောက်လာခဲ့ကြတယ်ဆိုပေမယ့်
အားလုံးတော့ပြန်ရောက်လာကြတာမဟုတ်ပါဘူး။
ရုတ်တရက်ထပြန်ရတာဖြစ်လို့လေယာဉ်လက်မှတ်
ကြိုတင်ဘွတ်မထားမိတဲ့အတွက်အခက်အခဲအနည်းငယ်
ရှိခဲ့ပြီးအသင်းသားတစ်ဝက်လောက်ကဘစ်ရှက်မှာ
ကျန်နေခဲ့တာပါ။
ပြန်ရောက်လာကြတဲ့ပထမအသုတ်အသင်းသား
တွေထဲမှာပရိသတ်အချစ်တော်တွေဖြစ်တဲ့ဆန်းဆက်နိုင်၊
အောင်သူတို့ပါဝင်လာခဲ့လို့သူတို့ကိုစိတ်ပူနေတဲ့
ပရိသတ်တွေကတော့စိတ်အေးရပါပြီ။
ဆန်းဆက်နိုင်တို့နဲ့အတူကျော်ကိုကို၊ဟိန်းသီဟဇော်၊
သီဟထက်အောင်၊သိန်းသန်းဝင်း၊လှိုင်းဘိုဘိုစတဲ့ကစား
သမားတွေလည်းဘေးအန္တရာယ်ကင်းစွာပြန်ရောက်လာခဲ့
ကြပါပြီ။
ကျန်ရှိနေသေးတဲ့သန်းပိုင်၊သီဟစည်သူ၊ကျော်ဇင်ထက်၊
ကျော်ဇင်လွင်၊ရန်နိုင်ဦးစတဲ့ကစားသမားတွေဟာလည်း
အခုဆိုရင်ကာဂျစ်လေဆိပ်ကနေထွက်ခွာလာကြပြီး
ဒီနေ့ညနေ5နာရီခွဲမှာရန်ကုန်ကိုပြန်လည်ရောက်
ရှိလာကြမှာပါ။မြန်မာနဲ့ကာဂျစ်တို့ရဲ့ပွဲကို
ဒီလဆယ်ရက်နေ့မတိုင်မီကြားကွင်းတစ်ကွင်း
မှာကစားဖို့စီစဉ်နေတယ်လို့AFCကပြောပါတယ်
Photo-MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။