နောက်ကျဂိုးနဲ့ အဝေးကွင်းမှာ အနိုင် ၃မှတ်ရရှိခဲ့တဲ့ ဘာစီလိုနာ

မနေ့ကယှဉ်ပြိုင်ကစားခဲ့တဲ့ လာလီဂါပွဲစဉ်မှာ ဂီတာဖေးအသင်းကို ဘာစီလိုနာအသင်းက ၂ ဂိုး ၁ ဂိုးနဲ့ အနိုင်ရရှိခဲ့ပြီး အဝေးကွင်းမှာ အနိုင် ၃ မှတ်ကိုရယူနိုင်ခဲ့တာလည်းဖြစ်ပါတယ်။နောက်ကျသွင်းဂိုးကြောင့် ဘာစီလိုနာအသင်း အသက်ရှုချောင်ခဲ့ရတာလည်းဖြစ်ပါတယ်။ယခုပွဲနိုင်ပွဲကြောင့် ဘာစီလိုနာအသင်းဟာ အဆင့် ၁ နေရာမှာသာ ဆက်လက်ရပ်တည်နေခဲ့တာလည်းဖြစ်ပါတယ်။

ဂီတာဖေးအသင်းရဲ့ပွဲထွက်လူစာရင်းမှာတော့ မိုလီနာ၊ ဖာဂျာ ၊ရှီဗာစကီး ၊ အမက် ၊ အာရန်ဘာရီ၊ ဘာဂါရာ တို့ကိုထည့်သွင်းအသုံးပြုခဲ့တာလည်းဖြစ်ပါတယ်။ဘာစီလိုနာအသင်းရဲ့ ပွဲထွက်လူစာရင်းမှာတော့ ဆွာရက် ၊မက်ဆီ၊ ဒမ်ဘီလီ၊ အင်နီယေစတာ၊ ရာကီတစ်၊ ဘက်စကွက် တို့ကိုထည့်သွင်းအသုံးပြုခဲ့တာလည်းဖြစ်ပါတယ်။ဘာစီလိုနာအသင်းဟာ သူတို့အသင်းရဲ့ပုံစံအတိုင်း တစ်ဖက်သက်ဖိအားပေးကစားနိုင်ခဲ့ပေမဲ့ အိမ်ရှင်အသင်းရဲ့ မာမာထန်ထန် တုံ့ပြန်မှုကြောင့် နိုင်ပွဲရရှိဖို့ ခက်ခက်ခဲခဲ ကစားခဲ့ရတာလည်းဖြစ်ပါတယ်။

ပထမပိုင်း ၃၉ မိနစ်မှာပဲ ဂီတာဖေးအသင်းအဖွင့်ဂိုးစတင်ရရှိခဲ့တာလည်းဖြစ်ပါတယ်။ဒီဂိုးကိုတော့ ရှီဗာစကီးကသွင်းယူပေးခဲ့တာလည်းဖြစ်ပါတယ်။ပထမပိုင်းပွဲပြီးဆုံးတဲ့အချိန်မှာတော့ ဂီတာဖေးအသင်းက ၁ ဂိုးအသာနဲ့ ဦးဆောင်ခဲ့တာလည်းဖြစ်ပါတယ်။ဒုတိယပိုင်းပြန်စလို့ ၆၂ မိနစ်မှာပဲ ဘာစီလိုနာအသင်းအတွက် ချေပဂိုးကို ဆွာရက်က သွင်းယူပေးခဲ့တာလည်းဖြစ်ပါတယ်။ဘာစီလိုနာအသင်းအတွက် အနိုင်၃ မှတ်ရစေမဲ့ ဂိုးကိုတော့ လူစားဝင်ကစားသမား ပေါ်လင်ဟိုက ၈၄ မိနစ်မှာသွင်းယူပေးခဲ့တာလည်းဖြစ်ပါတယ်။