အောင်သူရဲ့အရှုံးတွေရပ်တန့်မရသေး
မြန်မာတို့ရဲ့ဘောလုံးမင်းသားအောင်သူရဲ့
အရှုံးကျိန်စာဟာပျက်ပြယ်မသွားသေးပါဘူး။
ဆီးဂိမ်းပြိုင်ပွဲကနေအရှံုးတွေနဲ့နှုတ်ဆက်ခဲ့ရတဲ့
အောင်သူဟာမြန်မာနေရှင်နယ်လိဂ်မှာလည်း
ခါးသီးတဲ့အရှံုးပွဲတစ်ခုကိုရင်ဝယ်
ပိုက်လိုက်ရပြန်ပါတယ်။ရတနာပုံအသင်းဟာ
နေရှင်နယ်လိဂ်ရဲ့လက်ရှိချန်ပီယံအသင်းပါ။
ဒီနှစ်နေရှင်နယ်လိဂ်ရဲ့ပွဲစဉ်တွေဟာပြီးဆုံးဖို့
နီးကပ်လာနေပါပြီ။ဒီအချိန်မှာတန်းစီးဇယားထိပ်ဆုံးမှာ
ချန်ပီဆုအတွက်အပြိုင်ဖြစ်နေတဲ့သုံးသင်းက
ရတနာပုံ၊ရန်ကုန်နဲ့ရှမ်းအသင်းတို့ဖြစ်ပါတယ်။
ရတနာပုံအသင်းဟာဒီအပါတ်ဆောက်သမ်းမြန်မာ
ကိုမော်လမြိုင်မှာရှုံးပွဲတွေ့ခဲ့ခြင်းကချန်ပီယံလမ်းကြောင်းကနေ
သွေဖယ်သွားစေခဲ့တယ်လို့ဆိုရမှာပါ။
ရတနာပုံဟာအရင်အပါတ်ကလည်းရခိုင်အသင်းကို
အနိုင်ရခဲ့သင့်ပါရက်နဲ့သရေကျခဲ့တာကလည်း
သူ့ရဲ့နှစ်ကြိမ်ဆက်ချန်ပီယံမျှော်လင့်ချက်ကိုပိုမိုမှေးမှိန်
စေခဲ့ပါတယ်။တန်းဆင်းဇုံအထက်နားမှာရှိတဲ့ဆောက်သမ်းဟာ
အသင်းကြီးရတနာပုံကိုအိမ်ကွင်းမော်လမြိုင်မှာ2ဂိုးတစ်ဂိုး
နဲ့အနိုင်ယူပြခဲ့ပါတယ်။ရတနာပုံမှာအောင်သူ၊
လှိုင်းဘိုဘိုတို့လိုလက်ရွေးစင်ကစားသမားတွေပါဝင်လာခဲ့ပေမယ့်ပွဲပန်းနေမှုကြောင့်ထင်သလောက်မလုပ်ပြနိုင်ခဲ့ပါဘူး။
ရတနာပုံရဲ့ဒီအရှုံးကြောင့်နေရှင်နယ်လိဂ်ဖလားကြီး
မန်းတောင်ရိပ်ခိုဖို့ကတော့မျှော်လင့်ချက်နည်းသွားခဲ့ပါပြီ။
Source-MNL
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
