မျက်နှာပြုပြင်ထားတာမျိုး မရှိပါဘူးဆိုတဲ့ ယွန်းယွန်း

ငယ်စဉ်ကတည်းက ပရိသတ်အားပေးမှုကို ရရှိခဲ့တဲ့ ကလေးသရုပ်ဆောင် ယွန်းယွန်းကတော့ ဆယ်ကျော်သက် အရွယ်ကို ရောက်ရှိလို့လာပါပြီ။ အသက်အရွယ်နဲ့ လိုက်ဖက်တဲ့ အနုပညာလှုပ်ရှားမှုလေးတွေ လုပ်ကိုင်နေပြီး တက္ကသိုလ် ပထမနှစ်ကိုလည်း ရန်ကုန်တက္ကသိုလ်မှာ တက်ရောက်နေတယ်လို့ သိရပါတယ်။

လတ်တလောလူမှုကွန်ယက်ပေါ်မှာ ပရိသတ်စိတ်ဝင်စားခံနေရတဲ့ သူမရဲ့ အချစ်ရေးကိစ္စနဲ့ ပတ်သတ်ပြီးလည်း သူမကိုယ်တိုင် သူမရဲ့ အကောင့်မှ ရှင်းလင်းဖြေကြားထားပါတယ်။ ယခုတစ်ခါမှာလည်း မျက်နှာ V shape ဖြစ်နေတဲ့ ဓာတ်ပုံနဲ့ပတ်သတ်ပြီး သူမကတော့ ယခုလို ဖြေကြားထားတာတွေ့ရပါတယ်။ 

အခုကတော့ ညီမအရွယ်နဲ့လိုက်မယ့် အနုပညာလှုပ်ရှားမှုလေးတွေ လုပ်ဖြစ်တယ်။ ညီမ ဆယ်တန်းတုန်းကကျ လှုပ်ရှားမှုမရှိဘူး အိမ်မှာပဲစားတယ် စာကျက်တယ်ဆိုတော့ လူကအရမ်းလှုပ်ရှားမှုမရှိဘဲ ဝသွားတာပေါ့နော်။ အခုကျ ဆယ်တန်းပြီးသွားတော့ အပြင်မှာသင်တန်းတွေကော ကျောင်းကောဆိုတော့ လှုပ်လှုပ်ရှားရှားပြန်ဖြစ်ပြီး ကိုယ်ရည်ပြန်ဆစ် သွားတဲ့သဘောပါပဲ။ Gym ကတော့ မဆော့ဖြစ်ပါဘူး။ ညီမမျက်နှာ V shape ဖြစ်သွားတာက ကင်မရာမန်းက ယူလိုက်တဲ့ angle ကြောင့်ပါ။ တချို့ကျတော့ "ကလေးသရုပ်ဆောင် ယွန်းယွန်းလည်း အချိန်တန်တော့ ပြင်တာပဲ" လို့ ပြောကြတာပေါ့နော်။ အမှန်တကယ်ဆော့ ညီမ ဘာမှ မပြင်ထားပါဘူး" ဆိုပြီး ယွန်းယွန်းက Myanmar Celebrities သို့ ဖြေဆိုထားပါတယ်။

Source: Myanmar Celebrities