ထွန်းတောက်နေတဲ့ ငွေကြယ်ပွင့် အဒဲလ်ရဲ့ နောက်ခံဇာတ်ကြောင်း

သူမကိုတော့ အထူးတလည် မိတ်ဆက်ပေးနေစရာတောင် မလိုလောက်ဘူးမလား။ သူမကလည်းအောင်မြင်တဲ့ ငွေကြယ်ပွင့်တွေထဲက တစ်ဦးအပါအဝင်ပါပဲ။ သူမကတော့ အသက်(၂၇)နှစ်အရွယ် အဆိုတော်မလေး Adele ပါပဲ။ Rolling In the Deep သီချင်းလေးဆိုပြလိုက်ရင်တောင် အဒဲလ် ကိုပဲမျက်လုံးထဲပြေးမြင်လိုက်မိမှာပါ။

ဒါပေမယ့် သာမန်အားဖြင့် လူတော်တော်များများကအဲ့လိုတောက်ပနေတဲ့ ငွေကြယ်ပွင့်တွေအကြောင်းကိုအပေါ်ယံလောက်သာသိထားကြမှာပါ။ သူတို့တွေ အောင်မြင်မှုမရရှိခင်မှာဘယ်လို ဖြတ်သန်းခဲ့လဲဆိုတာကျမစာရေးသူကိုယ်တိုင်လည်းအမှတ်တမဲ့ပါပဲ။

(၂၀၀၈)ခုနှစ်ကနေစပြီး (၂၀၁၆)ခုနှစ် အထိအနုပညာခရီးလမ်းပေါ်ကဂီတနဲ့အတူထိန်းထားနိုင်ပြီးအရည်အချင်းတွေပြည့်ဝတယ်လို့ သတ်မှတ်ခံရထားတယ်။ဒါ့ကြောင့်အဒဲလ် ရဲ့ သီချင်းလေးတွေကိုနားထောင် ဖူးနေကျ သူတွေဆိုရင်တော့ သူမရဲ့ အသံအားဘယ်လောက်ကောင်းလဲသိကြမယ်ထင်ပါတယ်။

သူမကို (၁၉၈၈)ခုနှစ် မေလ(၅)ရက်ကအင်္ဂလန်နိုင်ငံမှာမိခင်ဖြစ်သူPenny Adkins နဲ့ ဖခင် Mark Evans တို့ကမွေးဖွားခဲ့တာပါ။ စိတ်မကောင်းစရာကတော့ သူမအသက်(၄)နှစ်မှာဖခင်ဖြစ်သူကသူမတို့သားအမိကိုထားသွားခဲ့ပါတယ်။ 

သူမဖခင်ကအရက်အလွန်အကျွံသောက်သုံးတာကြောင့် အိမ်ထောင်ရေးကအဆင်မပြေဘဲကွာရှင်းခဲ့ကြပါတယ်။ ဒါပေမယ့် အဒဲကတော့ အဆို၀ါသနာပါသူဖြစ်တာကြောင့် အနုပညာနဲ့ဖျော်ဖြေရေးတက္ကသိုလ် BRIT ကိုတက်ရောက်ခဲ့ပြီး(၂၀၀၆)ခုနှစ်မှာဘွဲ့ရရှိခဲ့တာပါ။ သူမရဲ့ရည်မှန်းချက်ကအဆိုတော်ကောင်းတစ်ယောက်ဖြစ်ချင်တာကြောင့် အနုပညာပိုးပါတဲ့ အဒဲတစ်ယောက် Myspace မှာသူမရဲ့ အသံပရိုင်ဂရမ်တစ်ခုကိုသူမသူငယ်ချင်းဖြစ်သူကတင်ခဲ့ရာကနေသူမကို XL Recordings အဖွဲ့အစည်းကနေစာချုပ်ချုပ်ဖို့ ကမ်းလှမ်းခဲ့ပါတယ်။အဲ့နောက်ပိုင်းအဒဲက (၁၉) နှစ် နဲ့ (၂၁)နှစ် အရွယ်ရောက်တဲ့အချိန်မှာတကိုယ်တော် သီချင်းအယ်ဘမ် နှစ်ခုကိုစတင်ဖြန့်ချိခဲ့တယ်။

(၂၀၁၁) ခုနှစ်ကဒုတိယသီချင်းခွေထွက်တဲ့အချိန်မှာအသက်(၂၁)သာရှိသေးပြီး Rolling In The Deep သီချင်းနဲ့ ဆုရရှိခဲ့သလိုအသက်အငယ်ဆုံး ၀င်ငွေကောင်းတဲ့ အဆိုတော်မလေးအဖြစ်လည်းဂင်းနစ်စံချိန်တွေချိုးခဲ့ပါတယ်။ သူမသီဆိုထားတဲ့ သီချင်းခွေတွေအများဆုံးရောင်းထွက်ခဲ့ပြီးပရိသတ်တွေကသူမကိုတခဲနက်အားပေးခဲ့ပါတယ်။ဒါကြောင့်မို့ အဒဲကတော့ နိုင်ငံတကာမှာရောင်းအားအများဆုံးနဲ့ ၀င်ငွေအကောင်းဆုံးအဆိုတော်တစ်ဦးအဖြစ် ဂရမ်မီဆုတွေလည်းအများကြီးချီးမြှင့်ခံရသူပါ။

ဒါ့ပြင် ဂျိမ်းစ်ဘွန်းဇာတ်ကားမှာ ဇာတ်ဝင်တေးအဖြစ် သူမကိုယ်တိုင် ရေးစပ် သီဆိုခဲ့တဲ့ Sky Fall သီချင်းနဲ့ အကောင်းဆုံးတေးရေးဆရာအော်စကာဆုကိုဆွတ်ခူးခဲ့နိုင်တာပါ။အိမ်ထောင်ကျပြီးနောက် မိခင်တစ်ဦးဖြစ်လာခဲ့တဲ့နောက်မှာ 25 အမည်ရတဲ့ သီချင်းခွေကို ဖြန့်ချိခဲ့ပြီးလက်တလောထိHeLLoသီချင်းကအွန်လိုင်းမှာလူကြိုက်များနေတဲ့ သီချင်းလေးပါ။ 

Stella (Myanmarload)