ကလေးတွေကို စိတ်ထိခိုက်စေသော အပြုအမူများ

ကလေးတွေဟာအဖြူစင်ဆုံးပန်းပွင့်လေးတွေပါ။ စိတ်နှလုံးဟာလဲနူးညံ့လွန်းလို့ ထိခိုက်ဖို့အလွယ်ကူဆုံးပါပဲ။ သူတို့စိတ်ထဲမှာ စားမယ် အိပ်မယ် တီတီတာတာချွဲမယ်ဆိုတာပဲသိပါတယ်။ ဒီလိုဖြူစင်တဲ့ကလေးငယ်လေးတွေရဲ့စိတ်ကို ဘယ်အရာတွေကညစ်နွမ်းသွားစေနိုင်သလဲဆိုတာမေမေဖေဖတို့သိဖို့ပြောပြပေးလိုက်ပါတယ်။

၁။ တစ်ခုခုနဲ့ခြောက်လှန့်တာ

ကလေးတစ်ယောက်ဟာကိုယ်သဘောမကျတဲ့လုပ်ရပ်မျိုးကိုလုပ်မိတာဖြစ်စေ၊လုပ်အံ့ဆဲဆဲဖြစ်စေ ကလေးရဲ့စိတ်ကိုခြောက်လှန့်ပြီးရပ်တန့်စေတဲ့လုပ်ရပ်မျိုးကိုမိဘတို့အနေနဲ့မပြုမူသင့်ပါဘူး။ ဥပမာ - “ ငါနင့်ကိုထားခဲ့တော့မယ်” “ လမ်းပေါ်မှာနင့်ကိုသွားပစ်ထားမယ်” “ နင့်ကိုသူများကိုပေးပစ်မယ်”စတဲ့စကားလုံးတွေဟာကလေးငယ်ရဲ့စိတ်ကိုအမြဲခြောက်လှန့်နေမှာပါ။ တစ်ခုခုအမှားမလုပ်မိစေဖို့ဆိုကလေးရဲ့စိတ်ကိုခြောက်လှန့်တာထက် သူလိုချင်တာတစ်ခုခုနဲ့ချော့မြူသင့်ပါတယ်။ “ ဒီလိုလုပ်ရင်လိုချင်တာမပေးတော့ဘူးနော် ” ဆိုရင်ကလေးစိတ်လဲကြောက်လန့်မှုမရှိသလိုသူလုပ်မယ့်ကိုယ်မကြိုက်တဲ့အရာလဲရပ်တန့်သွားမှာပါ။

၂။ ကလေးကိုတခြားသူစီမှာအပ်ထားပြီး ကြာရှည်စွာအပြင်ထွက်ခြင်း

ကလေးတွေဟာငယ်ရွယ်တုန်းမှာမိဘရင်ခွင်ကိုပိုပြီးတပ်မက်ကြပါတယ်။ မိဘဖြစ်သူကအပြင်သွားပြီးသားသမီးဖြစ်သူကိုနီးရာဆွေမျိုး (သို့မဟုတ်)မိတ်ဆွေစီအပ်ထားခဲ့မယ်ဆိုရင်ကလေးကိုအထီးကျန်မှုပေးသလိုဖြစ်တတ်ပါတယ်။ မည်မျှပင်တခြားသူကဂရုစိုက်စေကာမူ မိဘရင်ငွေ့နဲ့မတူတဲ့အတွက်ကြောင့် ကလေးဟာအထီးကျန်မှုကိုခံစားရပါလိမ့်မယ်။ဖေဖေမေမေတို့ကလည်း သားသမီးလေးတွေနောင်ရေးအတွက်ငွေရှာနေရပေမယ့်ကိုယ့်သားသမီးလေးတွေနဲ့ တီတီတာတာချော့မြူကစားဖို့အချိန်တစ်ခုသပ်သပ်ထားပေးရပါမယ်။

၃။ ကလေးကိုရိုက်နှက်ခြင်း

ဒါကတော့အနည်းစုမှာဖြစ်တတ်ကြပါတယ် ကလေးငယ် ၃နှစ် ၅နှစ်အရွယ်လောက်ဆိုအပြည့်အဝမဟုတ်တောင်အနည်းငယ်သိတတ်တဲ့အရွယ်ဖြစ်နေတာမို့ ကလေးကအမှားတစ်စုံတခုလုပ်မိတဲ့အခါမိဘတွေအနေနဲ့ရိုက်နှက်ဆုံးမတတ်တာမျိုးတွေ မြင်တွေ့ဖူးပါတယ်။ကလေးငယ်တွေဟာချစ်ဖို့ပါ ရိုက်ဖို့မဟုတ်ပါဘူး။ ကလေးကိုရိုက်နှက်ဆုံးမတာထက် နားဝင်အောင်ပြောဆိုဆုံးမတဲ့အခါ ကလေးရဲ့စိတ်ထဲမှာကျေနပ်ပြီး မိဘပြောသမျှကိုနာခံတတ်သွားပါလိမ့်မယ်။ ကလေးအရွယ်ဆိုတာဖယောင်းပျော့ပျော့လေးလိုပါပဲ လိုသလိုပုံသွင်းလို့ရတာမို့ ဖေဖေမေမေတို့အနေနဲ့ ကိုယ့်ရဲ့အဖိုးတန်းကလေးလေးတွေကို လိမ္မာယဉ်ကျေးသူဖြစ်အောင်သွန်သင်တတ်ဖို့ပဲအရေးကြီးတာပါ။

၄။ အပြင်ပေးမထွက်ပဲ အိမ်ထဲမှာပဲနေခိုင်းခြင်း

ကလေးတွေအပြင်ထွက်ဆော့လိုက်ရင်အလွန်ဆုံးညစ်ပတ်ရင်သူတို့ရဲ့ခန္တာကိုယ်နဲ့ အဝတ်အစားပါပဲ။ စိတ်တွေကတော့အင်မတန်ကိုပျော်ရွှင်လန်းဆန်းနေမှာပါ။ ပျော်ရွှင်နေတဲ့ကလေးလေးတွေဟာ အရာရာကိုသင်ယူလွယ် တတ်မြောက်လွယ်ကြပါတယ်။ ကစားကွင်းတွေပို့တာဟာ ငွေကုန်ကြေးကျလည်းများပြီး ပင်လဲပင်ပန်းသလို အမြဲတမ်းသွားဖို့လဲအဆင်မပြေနိုင်ပါဘူး။ဒီလိုအချိန်တွေမှာကလေးကိုအိမ်ပြင်ထွက်ဆော့ခိုင်းပြီး မိမိကစောင့်ကြည့်ပေးလိုက်ခြင်းအားဖြင့် ငွေကုန်လဲသက်သာပြီး မိမိကလေးလဲပျော်ရွှင်ရမယ်ဆိုတာအသေအချာပါပဲ။ တစ်ချက်ခုတ်ရင်အချက်တွေအများကြီးပြတ်ပါတယ် ဖေဖေမေမေတို့ရေ၊

ဒီစာလေးကိုဖတ်ပြီးတော့ မိမိတို့ရင်သွေးလေးတွေရဲ့ပျော်ရွှင်မှုကို ရှာဖွေလိုက်ကြပါဦး ဖေဖေမေမေတို့ရေ