၁၁နှစ်တောင်ကြာခဲ့ပေမယ့် အကိုနဲ့ အမှတ်တရတွေကိုလွမ်းနေတုန်းပဲဆိုတဲ့သားညီ

ပြည်သူချစ် သူရုပ်ဆောင်တစ်ဦးဖြစ်တဲ့ သားညီဟာ လက်ရှိမှာတော့ သရုပ်ဆောင်အလုပ်ကိုနားထားပြီး ဒါရိုက်တာအနေနဲ့ရိုက်ကူးရေးတွေလုပ်နေပါတယ်။

သရုပ်ဆောင်သားညီ လို့ပြောလိုက်လိုက်တဲ့ သားညီရဲ့အကိုဖြစ်သူ တစ်နိုင်ငံလုံးကအားပေးချစ်ခင်ခဲ့ကြတဲ့ ကိုသားကြီး (ခေါ်)သူရုပ်ဆောင် ဒွေး ကိုလွမ်းစွတ်တမ်းတသတိရမိကြမယ်လို့ထင်ပါတယ်။ ဒါရိုက်တာ/သရုပ်ဆောင် သားညီလဲ ပရိသတ်နဲ့ထပ်တူ အကိုနဲ့ရှိခဲ့တဲ့ အမှတ်တရများကိုလွမ်းဆွတ်နေရပါတယ်လို့ဆိုပါတယ်။

ပြီးခဲ့တဲ့ အောက်တိုဘာ ၁၀ ရက်နေ့က သားညီးတို့ ဇနီးမောင်နှံရဲ့ ၁၁နှစ်ပြည့် မင်္ဂလာအထိမ်းမှတ်နေ့လေးဖြစ်ပါတယ်။ ထူးထူးခြားခြား လွန်ခဲ့တဲ့ ၁၁ နှစ်တာကာလအချိန် အဲ့ဒီနေ့လေးမှာပဲ

''ကျွန်တော်ဇနီးမောင်နှံ၂ယောက်လက်မှတ်ထိုးခဲ့တဲ့နေလေး'''ဖြစ်ပြီး အကိုနဲ့ အမကတော့ ကျွန်တော့်ဘက်က အသိသက်သေတွေပေါ့ဗျာလို့ဆိုပါတယ်။ အမှတ်တရတွေအများကြီးရှိခဲ့နေ့လေးတစ်နေ့ပါ။လက်ထပ်စာချုပ်ရိုက်နေရင်း ကိုသားကြီးနာမည်အရင်းကို ရုတ်တရက်မေ့သွားပါတယ်လို့ဆိုပါတယ်။ပြီးတော့လက်မှတ်ထိုးဖို့ ဖောင်တိန်လဲမေ့လာခဲ့ပြီး တရားသူကြီးကိုကျွေးမွှေးဖို့ဘားမှမစီစဉ်ခဲ့မိလို့ ကိုသားကြီး ဆူတာခံခဲ့ရပါတယ်လိုပြောပါတယ်။ 

လက်မှတ်ထိုးပြီးပြီးချင်းကိုညိုမင်းလွင် Shooting ကိုတန်းပြေးခဲ့ရပါသေးတယ်လို့လဲဆိုပါတယ်။အဲ့ဒီနေ့လေးက ကျွန်တော်နဲ့ အကိုအတွက် အမှတ်တရတွေအများကြီးရှိခဲ့တဲ့နေလေးဖြစ်ပြီ ''အကိုရေလွမ်းလိုက်တာဗျာ

၁၁ နှစ်တောင်ရှိသွားခဲ့ပြီး'' လို့ သားညီ ဟာသူ့ရဲ့ လူမှုကွန်ယက်မှာ သတိရခြင်းများစွာနဲ့ရေးသားထားတာကိုတွေ့ရပါတယ်။အဲ့ဒီနေ့ကရိုက်ခဲ့တဲ့ ကိုသားကြီးတို့ ဇနီးမောင်နှံ၂ယောက်နဲ့ သားညီတို့ ဇနီးမောင်နှံ၂ယောက် တို့ရဲ့မိသားစုဓာတ်ပုံလေးကို ပရိသတ်တွေ ပြန်လည်တမ်းတသတိရမိစေရန်မျှဝေပေးလိုက်ပါတယ်။

သတင္းအရင္းအျမစ္ - Thar Nyi Facebook.