အကယ်ဒမီများရှင် ရန်အောင်

ခုချိန်ထိပရိတ်သတ်အသည်းစွဲကတော့ အကယ်ဒမီရွှေစင်ရုပ်ထု ခြောက်ဆုထိ ပိုင်ဆိုင် ထားတဲ့ ကိုရန်လေး (ခ) ရန်အောင်ပဲဖြစ်ပါတယ်။ ၁၉၈၆ ခုနှစ်လောက်ကစပြီး ယခု ၂၀၁၇ အထိ ရုပ်ရှင်တွေ မပြတ်ရိုက်လာပြီး ပရိတ်သတ်ကိုဖျော်ဖြေနေတာပဲဖြစ်ပါတယ်။ ကိုရန်လေး ဆိုတာက သူ့ခေတ်သူ့အခါက ရုပ်ချောချောနဲ့ Star တစ်ယောက်ပေါ့။ ခုချိန်ထိလဲ ခန့်ညားပြီး ဆွဲဆောင်မှုရှိနေတုန်းပါပဲ။

၁၉၈၆ ဝန်းကျင်လောက်ကရိုက်ကူးခဲ့တဲ့ “ အချစ်ချင်းတူရင်မောင်မောင်အရှုံးပေးလိုက်မယ်” ဆိုတဲ့ဇာတ်ကားကို ခိုင်ခင်ဦး၊ တင်နီလာဝင်းတို့နဲ့တွဲဖက်သရုပ်ဆောင်ခဲ့ပြီးနောက်ပိုင်း ဇာတ်ကားတွေဆက်တိုက်ဆိုသလို ထွက်ရှိလာခဲ့ပါတယ်။ ၁၉၈၇ မှာ “ သူ့ခြေသူ့လက် သူ့မျက်ဝန်း ” “ ခြိမ်း၍မရွာသောမိုး ” “ ပန်းရိုင်း ” “ နွေဦးရောက်ပြီ ကိုကို ” “ ကို့ကိုချစ်လို့ ” အစရှိသ၍ ဇာတ်ကားတွေများစွာရိုက်ကူးခဲ့ပါတယ်။ 80 Born လူကြီးတွေကြားမှာတော့ အရမ်းကိုရေပန်းစားခဲ့တာပေါ့။ ၁၉၉၀ နောက်ပိုင်းတွေမှာလဲ “ ရှိန်းသူ ” “ ချစ်မွှေး” "မယ်သီတာလိုမိန်းကလေး ”အစရှိတဲ့ဇာတ်ကားတွေကို မို့မို့မြင့်အောင်နဲ့တွဲဖက် သရုပ်ဆောင်ခဲ့ပြီး 90 Born တွေကြားကိုလဲ ဆက်လက်ပြီးဆွဲဆောင်နိုင်ခဲ့သူပေါ့။

၂၀၀၀ ခုနှစ်နောက်ပိုင်းမှာလဲ “ မောဟမျဉ်းပြိုင်များ ” ဇာတ်ကားကို ထက်ထက်မိုးဦးနဲ့ တွဲဖက်သရုပ်ဆောင်ခဲ့ပြီး “ အချစ်ကိုမွေးဖွားခြင်း ” “ ကောင်းကင်ထက်က ပန်းတစ်ပွင့် ” “ ငါ သူတစ်ပါး ယောကျာ်း မိန်းမ ” စတဲ့ဇာတ်ကားတွေကို ထွန်းအိန္ဒြာဗိုလ် ၊ စိုးမြတ်သူဇာ ၊ အိန္ဒြာကျော်ဇင် စတဲ့နာမည်ကျော်မင်းသမီးတွေနဲ့ တွဲဖက်သရုပ်ဆောင်ခဲ့ပြီး အောင်မြင်မှု တွေလဲအများကြီးရရှိခဲ့တဲ့ လျှမ်းလျှမ်းတောက် သရုပ်ဆောင်တစ်ဦးလဲဖြစ်ခဲ့ပါတယ်။ နောက်ပိုင်း Video ဇာတ်ကားတွေထဲမှာလဲ မြင့်မြတ်နဲ့အတူတွဲဖက်သရုပ်ဆောင်ထားတဲ့ “ ဆွဲစားမယ် ” ဆိုတဲ့ဇာတ်ကားဟာလဲ ပရိတ်သတ်တွေကြားမှာ အတော်လေးရေပန်းစားခဲ့တဲ့ ဇာတ်ကားတစ်ကားပဲဖြစ်ပါတယ်။