အခွင့်ရေးကိုအသုံးမချနိုင်ခဲ့တဲ့ အက်သလက်တီကို

မနေ့ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ ကွာရာဘတ်အသင်းနဲ့ အက်သလက်တီကိုအသင်းတို့ဟာ ဂိုးမရှိသရေရလဒ်နဲ့သာပြီးဆုံးခဲ့တာလည်းဖြစ်ပါတယ်။အုပ်စုတွင်း ပြိုင်ဘက်ဖြစ်တဲ့ ချဲလ်ဆီးအသင်းနဲ့ ရိုးမားအသင်းထိပ်တိုက်တွေ့ဆုံနေတဲ့ အချိန်မှာ အိမ်ဖြည့်အသင်းဖြစ်တဲ့ ကွာရာဘတ်အသင်းကို အက်သလက်တီကိုအသင်းဟာ အနိုင်ရရှိအောင် ကန်ယူနိုင်ခဲ့ခြင်းမရှိတာလည်းဖြစ်ပါတယ်။ဒါ့ကြောင့် အက်သလက်တီကိုအသင်းဟာ ချဲလ်ဆီးနဲ့ ၅ မှတ်ကွာဟနေပြီး ရိုးမားအသင်းနဲ့ ၃ မှတ်ကွာဟနေသေးတာလည်းဖြစ်ပါတယ်။

ကွာရာဘတ်အသင်းရဲ့ ပွဲထွက်လူစာရင်းမှာတော့ ဟင်းနရစ်၊ မီချယ်၊ မာဒါတော့၊ ကွာရာရက်၊ အယ်မန်ဒါ၊ ဒီနို တို့ကို ထည့်သွင်းကစားစေခဲ့တာလည်းဖြစ်ပါတယ်။အက်သလက်တီကိုအသင်းရဲ့ ပွဲထွက်လူစာရင်းမှာတော့ ဂရက်စမန်း၊ ဂါမဲရိုး၊ ကာရက်စကို၊ ဂါဘီ၊ ဆောလ်၊ ဂိုင်တန် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဒီပွဲမှာ အံအားသင့်ဖွယ်လက်စွမ်းပြကာကွယ်သွားတဲ့ ကွာရာဘတ်ဂိုးသမား ဆီဟစ် ကိုတော့ ချီးကျူးရမှာလည်းဖြစ်ပါတယ်။ 

အက်သလက်တီကိုအသင်းဟာ အမှားများနေတဲ့ကွာရာဘတ်နောက်တန်းကို အကြိမ်ကြိမ်ထိုးဖောက်နိုင်ခဲ့ပေမဲ့ ဂိုးသမားကိုတော့ ကျော်လွန်နိုင်ခဲ့ခြင်းမရှိတာလည်းဖြစ်ပါတယ်။ကွာရာဘတ်အသင်းရဲ့ တန်ပြန်တိုက်စစ်ကနေ ထိုးဖောက်လာတဲ့ ဘောလုံးကိုလည်း အက်သလက်တီကို သတိကြီးစွာနဲ့ ဖြတ်ထုတ်မှု အကြိမ်ကြိမ် လုပ်ခဲ့ရပါတယ်။၇၅ မိနစ်မှာ ကွာရာဘတ် တိုက်စစ်မှုး ဒီနို ကို ဟန်ဆောင်လှဲချခဲ့တဲ့ဆိုပြီး ဒိုင်လူကြီးက နှစ်ဝါတစ်နီနဲ့ ထုတ်ပယ်ခဲ့တာလည်းဖြစ်ပါတယ်။ကျန်ပွဲချိန်တွေမှာတော့ ကွာရာဘတ်အသင်းဟာ ခံစစ်မှာပဲ အချိန်ကုန်ခဲ့ပြီး သရေတစ်မှတ်ခွဲယူခဲ့တာလည်းဖြစ်ပါတယ်။