ဝေဖန်မှုများနေတဲ့ကိုးယို့ကားယား ရုပ်ရှင်ဖျက်သိမ်း

လူမှုကွန်ယက်ဖေ့ဘုတ်စာမျက်နာတွေမှာ ဝေဖန်မှုများနေတဲ့ ကိုးယို့ကားယားရုပ်ရှင်ဇာတ်ကားကိုဖျက်သိမ်းလိုက်ပါတယ်။ဒီဇာတ်ကားကို ရိုက်ကူးတဲ့းဒါရိုက်တာ ပြည်ဟိန်းသီဟ ကိုယ်တိုင်ကလည်း သူ့ရဲ့ဖေ့ဘုတ်ကနေပြီးတော့ တရားဝင်ထုတ်ပြန်လိုက်ပါတယ်

“ကဲ ပြသနာအားလုံးရှင်သွားအောင်

ကိုးယို့ကားယား ရုပ်ရှင်ဇာတ်ကားအား ဆက်လက်၍ ရိုက်ကူးခြင်းမရှိတော့ပါကြောင်း လိုက်လဲရှင်းမပြချင်တော့ကြောင်းနှင့် တစ်ဦးနဲ့တစ်ဦး တစ်ဖွဲ့နဲ့တစ်ဖွဲ့ ပြသနာများကိုယခုနည်းဖြင့်သာ ဖြေရှင်းလိုက်ကြောင်း အသိပေးအကြောင်းကြားလိုက်ပါသည်” ဆိုပြီးရေးသားဖော်ပြခဲ့ပါတယ်။

ဒီဇာတ်ကားဟာ မသန်စွမ်းတွေကိုဟာသသဘောဖြင့်ရိုက်ကူးနေတဲ့ ဇာတ်ကားတစ်ကားလည်းဖြစ်ပါတယ်။မင်းသားကိုယ်တိုင်က မသန်စွမ်းနေရာကိုသရုပ်ဆောင်ရပြီး မသန်စွမ်းတွေကို စိတ်ဓာတ်ခွန်အားမပေးဘဲ လှောင်ပြောင်သလိုဖြစ်တယ်ဆိုပြီး လူမှုကွန်ယက်မှာဝေဖန်မှုများခဲ့တာလဲဖြစ်ပါတယ်။တကယ်တော့ ဒီဇာတ်ကားဟာ ရံပုံငွေရှာတဲ့ဇာတ်ကားတစ်ကားဖြစ်ပြီး ဇာတ်ကားရဲ့ဇာတ်သိမ်းမှာတော့ မသန်းစွမ်းတွေရဲ့စွမ်းဆောင်ရည်ကြီးမားတယ်ဆိုတဲ့ပုံစံနဲ့ ဇာတ်သိမ်းထားတာဖြစ်ပါတယ်။

သတင်းအရင်းအမြစ် - pyi hein thiha