မန်စီးတီးအသင်းအတွက် နောက်ထပ်နိုင်ပွဲလား (ပွဲကြိုသုံးသပ်ချက် )

စနေနေ့ည ၈ နာရီခွဲမှာ ယှဉ်ပြိုင်ကစားမဲ့ ပရီးမီးယားလိဂ်ပွဲစဉ်မှာ ဝက်ဘရွန်းအသင်းဟာ မန်စီးတီးအသင်းကို အိမ်ကွင်းမှာ ဧည့်ခံကစားသွားရမှာလည်းဖြစ်ပါတယ်။ဝက်ဘရွန်းအသင်းရဲ့ ပရီးမီးယားလိဂ် ပွဲစဉ် ၉ အပြီးရပ်တည်မှုဟာ ရမှတ် ၁၀ မှတ် နဲ့ အဆင့် ၁၃ နေရာမှာ ရှိနေတာလည်းဖြစ်ပါတယ်။မန်စီးတီးအသင်းကတော့ ပရီးမီးယားလိဂ် ပွဲစဉ် ၉ ကစားထားပြီးချိန်မှာတော့ ရံှူးပွဲလုံးဝမရှိသေးပဲ ရမှတ် ၂၅ မှတ် ရရှိထားကာ ဇယားထိပ်ဆုံးမှာ ဦးဆောင်နေတာလည်းဖြစ်ပါတယ်။

ဝက်ဘရွန်းအသင်းရဲ့ နောက်ဆုံးငါးပွဲရလဒ်မှာ နိုင်ပွဲမရရှိထားပဲ ၃ ရှုံး ၂ ပွဲသရေ ရလဒ်ကို ပိုင်ဆိုင်ထားတာလည်းဖြစ်ပါတယ်။မန်စီးတီးအသင်းရဲ့ နောက်ဆုံးငါးပွဲရလဒ်မှာတော့ ရာနူန်းပြည့် နိုင်ပွဲရယူထားနိုင်ခဲ့တာလည်းဖြစ်ပါတယ်။ဂွာဒီယိုလာရဲ့ မန်စီးတီးအသင်း တိုက်စစ်ကိုတော့ အိမ်ရှင် ဝက်ဘရွန်းအသင်းအနေနဲ့ ထိန်းချူပ်ကစားဖို့ ခက်ခဲမှာတော့ အမှန်ပါပဲ။

ဝက်ဘရွန်းအသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ ရွန်ဒွန်၊ လီဗာမိုး၊ ရိုဒရီဂွက်၊ ယာကော့ ၊ ချက်လ်ဒီ၊ ကီရန်ဂစ် တို့ကို ထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။မန်စီးတီးအသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ ဂျီဆပ်၊ အဂူရို၊ ဖာနန်ဒင်ဟို၊ ဒီဘရူနီ၊ ဒေးဗစ်ဆေးဗာလ်း ၊ ဆာနေး တို့ကို ထည့်သွင်းအသုံးပြုသွားဖို့ရှိနေတာလည်းဖြစ်ပါတယ်။အိမ်ရှင်ဝက်ဘရွန်းအသင်းဟာ ၉ ပွဲမှာ ၇ ဂိုးသွင်းယူထားပြီး ၁၀ ဂိုး ပြန်ပေးထားရတဲ့ ခံစစ်ကြောင်းက စိုးရိမ်ဖို့ကောင်းနေတာလည်းဖြစ်ပါတယ်။မန်စီးတီးအသင်းရဲ့ တိုက်စစ်ဟာ ဒီနေ့ပွဲမှာ အနိုင်ရယူသွားဖို့ ဘယ်နှဂိုးသွင်းယူသွားနိုင်မလဲဆိုတာ စောင့်ကြည့်သွားရမယ်ဗျာ။