အန္တရယ်ကြီးတဲ့မီးပုံးပျံပွဲသွားတော့မယ်ဆို သတိပြုရန်

မြန်မာနိုင်ငံံက ထင်ရှားတဲ့ပွဲလမ်းသဘင်တွေထဲမှာ တန်ဆောင်တိုင်အထိမ်းအမှတ် တောင်ကြီးမီးပုံပျံပွဲကလည်း တစ်ခုအပါအဝင်ဖြစ်ပါတယ် ။

တောင်ကြီးမီးပုံးပျံပွဲစပြီဆိုရင် အနယ်နယ်အရပ်ရပ်က ဧည့်သည်တွေအပြင် နိုင်ငံခြားကခရီးသွားတွေက တကူးတက သွားရောက်ကြတာပါ ။

တောင်ပေါ်သားတွေရဲ့ စည်းလုံးမှု ပြယုဒ်ဖြစ်တဲ့ မီးပုံပျံပွဲမှာ မတော်တဆမှုတွေလည်း ဖြစ်တတ်ပါတယ် ။ ဒီနှစ်ရဲ့ မီးပုံးပျံပွဲမှာ မီးပုံးပျက်ကျရာကနေ

အသက်ဆုံးရှုံးရသူတွေ ရှိတာမို့ အန္တရယ်ကင်းအောင် မီးပုံးပျံပွဲသွားတဲ့သူတွေ သတိထားရမယ့် အရာတွေကို Zin Wai Oo ဆိုတဲ့ အကောင့်ပိုင်ရှင်က ပြောပြထားတာကို ပြန်လည်ဖော်ပြပေးလိုက်ပါတယ် ။

" မီးပုံပျံပွဲဟာ..အန္တာရာယ်ကြီးတဲ့ပွဲဆိုတာဒေသခံများလက်ခံပါတယ်...ယမ်းပိဿာချိန်များစွာကိုကိုင်တွယ်ရတာမို့...မီးဆရာနဲ့အဖွဲ့ဝင်တွေတောင်အခန့်မသင့်ရင်အဖိတ်အစင်ဖြစ်ရတာမျိုးပါ...ဒါတောင်ဘာလို့လုပ်နေသေးလဲမေးရင်..မွေးလာကတည်းက"မီးပုံးပျံဟေ့မီးပုံးပျံ"လို့နှစ်စဉ်ကခုန်ရင်းကြီးလာသူတွေမို့မြတ်နိုးစိတ်ခိုင်ခိုင်မာမာရှိပါတယ်

.မီးပုံးပျံတစ်လုံးအောင်အောင်မြင်မြင်လွှတ်တင်နိုင်ဖို့ငွေကုန်ကြေးကျများတယ်လို့သာအများအမြင်မှာအပေါ်ယံမြင်ကြပေမယ့်..အရေးကြီးဆုံးအချက်က..တောင်ပေါ်သားတွေရဲ့စည်းလုံးမှုပါ...လနဲ့ချီပြင်ဆင်ရတာကော..လွှတ်တင်တဲ့နေရာမှာကောအရမ်းအန္တရာယ်များတဲ့အလုပ်မို့..အဖွဲ့သားတွေစည်းလုံးမှုမရှိရင်..လုံးဝအမှားမခံတဲ့အရာပါ...ပိုက်ဆံဖြုန်းနိုင်တိုင်းလုပ်လို့မရပါဘူး

အဲ့လိုစည်းလုံးညီညွတ်မှုဆိုတာဒေသတိုင်းမှာမရှိပါဘူး ရွာဘုရားပွဲလောက်ကျင်းပတာတောင်..ဓါးထိုးမှူတွေရိုက်နှက်မှုတွေမကြားချင်မှအဆုံးဖြစ်နေတတ်တဲ့ကိုယ်တို့မြန်မာမှာ..တမူထူးခြားပြီးစည်းလုံးမှုကိုတောင်ပေါ်သားတိုင်းဂုဏ်ယူတယ်

ဒါ့ကြောင့်လည်းညီညွတ်ခြင်းရဲ့မဏ္ဍိင်ဖြစ်တဲ့ဒီပွဲကိုတန်ဖိုးထားကြတယ်.

ညီညီညွတ်ညွတ်လွှတ်တင်လိုက်တဲ့မီးပုံးပျံကြီးကနေလှလှပပဖြာထွက်လာတဲ့မီးရှူးမီးပန်းတွေကိုကြည့်ပြီးကြည်နူးကြတယ်...မီးပုံးပျံအဖွဲ့နဲ့ထပ်တူဝမ်းမြောက်ကြတယ်...တစ်ခုခုတိမ်းစောင်းသွားရင်လည်းထပ်တူစိတ်မကောင်းဖြစ်ရတယ်

အန္တရာယ်များပါတယ်လို့အကြိမ်ကြိမ်ဝန်ခံပြီးသားမို့..အဝေးကနေပွဲလာတဲ့ပရိတ်သတ်တွေကိုစိတ်ချရတဲ့နေရာကနေကြည့်ကြဖို့အကြံပြုချင်ပါတယ်

၁။လေလမ်းကြောင်းသွားရာအရပ်မှလုံးဝမကြည့်ပါနဲ့

(မီးပုံးပျံဆိုတာအချိန်မရွေးပျက်ကျနိုင်တာမျိူးပါ)

တစ်ခြားအရပ်မျက်နှာမှာ..မီးရှူးမီးပန်းဝုန်းရင်ဝပ်နေရုံ..ပြေးလွှားရှောင်တိမ်းရုံနဲ့အဆင်ပြေပေမယ့်..မီးပုံးပျံသွားရာလမ်းကြောင်းမှာဆို..ထိခိုက်မှုဖြစ်နိုင်ပါ်တယ်..မီခိုးငွေ့တွေကိုကြည့်ပြီးလေကြောင်းသွားရာင်္ကိုံအလွယ်ဆုံးခန့်မှန်းနိုင်ပါတယ်

၂။နိုင်လွန်တို့လိုမီးလောင်လွယ်၊ကူးလွယ်တဲ့အဝတ်အစားတွေမဝတ်ပါနဲ့၊ boot စီးပါ(ပြေးရင်းလွှားရင်းတက်နင်းမိနိုင်ပါတယ်)

၃။မီးပုံးပျံချိတ်နိုင်တဲ့ဓါတ်တိုင်နဲ့သစ်ပင်တွေအနီးမှာမကြည့်ပါနဲ့

၄။မီးပုံးပျံတစ်လုံးတက်ခါနီးတိုင်းသတိနဲ့စောင့်ကြည့်ပါ

(ယမ်းခွေလေးနေတာတို့၊မီးခိုးတွေလုံးလာတာတို့၊မီးရှူးတွေပုံမှန်ထက်ဝုန်းပြီးကျဲနေတာတို့ကြံုခဲ့ရင်ပြေးဖို့၊၀ပ်ဖို့ready ပြင်ပါ)

၅။မီးရှူးမီးပန်းတွေဖြာကျချိန်..မျက်နှာနဲ့မျက်စိကိုထိခိုက်မိတာမျိုးလည်းကြံုတတ်လို့အကာတစ်ခုခုနဲ့ကာထားပါ(မီးပုံးပျံဘယ်ရောက်နေလည်းမကြည့်တော့ပဲလျှောက်ပြေးနေတာတော့မလုပ်ပါနဲ့)

၆။ ကလေးတွေပါရင်အကောင်းဆုံးကခပ်လှမ်းလှမ်းကနေသာကြည့်ဖို့နဲ့..မီးပုံးပျံဝုန်းချိန်ချီပိုးပီးပြေးနိုင်သူကခေါ်ထားဖို့လိုပါတယ်

၇။ ပြေးရင်းလွှားရင်းလူစုကွဲရင်ပြန်လည်တွေ့ဆုံဖို့နေရာသတ်မှတ်ထားပါ

၈။ မူးရူးသောက်စားပြီးကွင်းထဲမှာမှောက်နေတာအန္တရာယ်များပါတယ်

၉။မီးပုံးပျံတစ်ခုခုဖြစ်ရင်....မီးသတ်ကားကဝရုန်ုသုန်ကားပြေးထွက်မှာမို့..အဲ့နားမှာသွားမပိတ်နေပါနဲ့

၁၀။ ပြေးထွက်ဖို့မလွယ်ပဲချောင်ပိတ်နေနိုင်တဲ့နေရာတွေ၊ကြပ်ညှပ်နေတဲ့နေရာတွေကနေမကြည့်ပါနဲ့

အထက်ပါအချက်တွေသတိထားရင်...အန္တရာယ်နည်းပါလိမ့်မယ်။ တောင်ကြီးသူတောင်ကြီးသားတွေကတော့..အဲ့အချက်တွေကိုနောကျေနေကြပေမယ့်...အဝေးကမိတ်ဆွေတွေအနေနဲ့မီးပုံးပျံလောင်ကျပြီဆိုတာနဲ့...တစ်ကွင်းလုံးပြေးစရာရယ်လို့မရှိသည့်အလားထင်မြင်ပြီးကြောက်လန့်ကုန်ကြမှာမဖြစ်စေချင်လို့ရေးရခြင်းဖြစ်ပါတယ်

ရာသီဥတုထောက်ပံ့မှု၊ှုအဖွဲ့သားတွေရဲ့စည်းလုံးညီညွတ်မှု၊ကံတရားနဲ့ယမ်းစပ်ခြင်းပညာတို့ပေါ်အများကြီးမူတည်ပြီးမှမီးပုံးပျံတစ်လုံးအောင်အောင်မြင်မြင်လွှတ်တင်နိုင်တာမို့...ဘေးအန္တရာယ်ကျရောက်တိုင်းမီးပုံးပျံအဖွဲ့ကော၊မြို့သူမြို့သားတွေပါများစွာစိတ်မကောင်းဖြစ်ရပါတယ်...ထပ်တူဝမ်းနည်းကြရတယ်ဆိုတာအသေအချာပါ

PS. အလကားပိုက်ဆံဖြုန်းနေတာပါ...ပိုက်ဆံမီးရှို့နေတာ..အဲ့အစားလှူလိုက်ပါလားဆိုသူတွေကိုလည်းသိစေချင်ပါတယ်...လူတိုင်းကကိုယ်မြတ်နိုးတန်ဖိုးထားတဲ့အရာကိုလုပ်ရင်းအသက်ရှင်ကြတာမို့..အရာရာကိုပိုက်ဆံမျက်စိတစ်ခုနဲ့မဝေဖန်ပါနဲ့..ပျော်ချင်ရုံသက်သက်ဆိုရင်ဒီခေတ်မှာပျော်စရာတွေများပါတယ်..ဒေသတစ်ခုရဲ့မြတ်နိုးတန်ဖိုးထားတဲ့ရင်ဘတ်ကိုနားမလည်နိုင်တောင်..ရမ်းသမ်းပြီးမရှံု့ချပါနဲ့လို့ " သူက ဆိုထားခဲ့တာပါ ။

မီးပုံးပျံပွဲကိုရောက်ရှိနေတဲ့ ဧည့်သည်တွေအားလုံးဘေးကင်းရန်ရှင်းပြီးပျော်ရွှင်နိုင်ကြပါစေနော် ... 

သတင်းအရင်းမြစ် Zin Wai Oo