ရဲရင့်သူတို့ရဲ့အိမ်အပြန်
အာဆီယံဖူဆယ်ချန်ပီရှစ်မှာအံအားသင့်ဖွယ်ရာ
တွေလုပ်ပြနိုင်ခဲ့ပြီးနောက်မှာမြန်မာလက်ရွေးစင်ဖူဆယ်
အသင်းအိမ်ပြန်လာခဲ့ပါပြီ။ဆီမီးမှာအင်ဒိုကိုကျော်ဖြတ်၊
တတိယနေရာလုပွဲမှာဗီယက်နမ်ကိုအနိုင်ကန်ပြီး
မြန်မယဖူဆယ်အောင်မြင်မှုအလံလွှင့်ထူပြခဲ့ပါတယ်။
ဆီမီးမှာရှုံးတဲ့ထိုင်းကတော့ကမ္ဘာ့အဆင့်ရောက်နေလို့
ထားပါ။ကျန်တဲ့အသင်းတွေဖြစ်တဲ့အင်ဒိုနဲ့ဗီယက်နမ်တို့ဟာ
ဖူဆယ်ကမ္ဘာ့အဆင့်သတ်မှတ်ချက်အရမြန်မာထက်များစွာ
မြင့်သူတွေပါ။
ဒီလိုအာဆီယံဖူဆယ်အင်အားကြီးတွေကိုအနိုင်ယူခဲ့တာ
တော်တော်ချီးကျူးဖို့ကောင်းပါတယ်။မလျှော့မနစ်သော
ဇွဲလုံ့လနဲ့မြန်မာအသင်းအပိုထပ်ဆောင်းရရှိခဲ့တာက
အာရှဖူဆယ်ချန်ပီယံရှစ်ဝင်ခွင့်။မြန်မာဖူဆယ်သမိုင်းတလျှောက်ပထမဆုံးအာရှအဆင့်
ပြိုင်ပွဲတစ်ခုကိုဝင်ရောက်ခွင့်ရခဲ့ခြင်းပင်ဖြစ်ပါတယ်။
စိတ်ဓာတ်ကောင်းသောအသငး်တစ်သင်း
အဖြစ်သတ်မှတ်ခံခဲ့ရပြီးအသန့်ရှင်းဆုံးဆုကိုလည်း
မြန်မာဖူဆယ်အသင်းရခဲ့သေးပါတယ်။
မနေ့ကသူတို့ပြန်လာခဲ့ကြပြီ။ဗီယက်နမ်နိုင်ငံဟိုချီမင်း
မှသည်ရန်ကုန်မြို့သို့။ပြည်သူတွေကသူတို့ကို
သူရဲကောင်းများသဖွယ်ကြိုဆိုခဲ့ကြပါတယ်။
မြန်မာနိုင်ငံဘောလုံးအဖွဲ့ချုပ်အထွေထွေအတွင်းရေးမှူး
ဦးကိုကိုသိန်းလည်းသူတို့ကိုလာရောက်ကြိုဆိုခဲ့ပါတယ်။
ရဲရင့်သူတို့ရဲ့အိမ်အပြန်ကားခမ်းနားလွန်းပေစွ။
မြန်မာဖူဆယ်အသင်းနောင်အနာဂတ်မှာ
ဒီထက်ပိုတောက်ပနိုင်ပါစေလို့...
Source -MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။