အဝေးကွင်းမှာ သုံးမှတ်ရယူခဲ့တဲ့ လီဗာပူလ်း

မနက်ကယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ အိမ်ရှင်စတုတ်စီးတီးအသင်းကို လီဗာပူလ်းအသင်းက သုံးဂိုး ဂိုးမရှိနဲ့ အဝေးကွင်းမှာအနိုင်ရယူနိုင်ခဲ့ပါတယ်။ယခုနိုင်ပွဲကြောင့် လီဗာပူလ်းအသင်းဟာ ရမှတ် ၂၆ မှတ် ရရှိထားကာ အဆင့် ၅ နေရာထိရောက်ရှိလာခဲ့ပြီလည်းဖြစ်ပါတယ်။စတုတ်စီးတီးအသင်းကတော့ ရမှတ် ၁၃ မှတ်သာရရှိထားသေးကာ အဆင့် ၁၆ နေရာမှာရှိနေခဲ့တာလည်းဖြစ်ပါတယ်။ 

စတုတ်စီးတီးအသင်းရဲ့ ပွဲထွက်လူစာရင်းမှာတော့ ပီတာခရော့၊ ချူပိူမိုတင်း၊ ရှာကွီရီ၊ ပီရက်တာ၊ အလန်၊ ဖလက်ချာ၊ ဒီအော့ တို့ကိုထည့်သွင်းအသုံးပြုခဲ့တာလည်းဖြစ်ပါတယ်။လီဗာပူလ်းအသင်းရဲ့ ပွဲထွက်လူစာရင်းမှာတော့ ဆိုလန်ကီ၊ မာနေး၊ ဖာမီနို၊ ချန်ဘာလိန်၊ ဝစ်ဂျနယ်ဒန်၊ အမ်မရီကန် တို့ကိုထည့်သွင်းအသုံးပြုခဲ့တာလည်းဖြစ်ပါတယ်။လီဗာပူလ်းအသင်းရဲ့ ကစားသမား ဆာလက် ကတော့ ခြေစွမ်းဆက်တိုက်ပြသနိုင်ခဲ့တာဖြစ်ပြီး ယခုပွဲမှာလည်း လူစားဝင်ပြီး ဂိုးတွေ သွင်းယူနိုင်ခဲ့ပါတယ်။

လီဗာပူလ်းအသင်းအတွက် အဖွင့်ဂိုးကိုတော့ ၁၇ မိနစ်မှာ မာနေးက သွင်းယူပေးခဲ့တာလည်းဖြစ်ပါတယ်။ပထမပိုင်းပြီးဆုံးတဲ့ အချိန်မှာတော့ လီဗာပူလ်းအသင်းဟာ တစ်ဂိုးအသာနဲ့ ဦးဆောင်နေခဲ့တာဖြစ်ပါတယ်။လီဗာပူလ်းအသင်းအတွက် ဒုတိယမြောက်ဂိုးကိုတော့ ၇၇ မိနစ်မှာ လူစားဝင်ကစားသမား ဆာလက်ကသွင်းယူပေးခဲ့တာဖြစ်ပါတယ်။နောက်ဆုံးဂိုးကိုလည်း ဆာလက်ကပဲ ၈၃ မိနစ်မှာ သွင်းယူပေးခဲ့တာဖြစ်ပါတယ်။