အုပ်စုပထမနဲ့ ချန်ပီယံလိဂ် ၁၆ သင်းအဆင့်ကို တတ်ရောက်ခဲ့တဲ့ မန်ယူ

မနက်ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ မန်ယူအသင်းဟာ CSKA မော်စကိုအသင်းကို ၂ ဂိုး ၁ ဂိုး နဲ့ အနိုင်ရရှိခဲ့တာလည်းဖြစ်ပါတယ်။မန်ယူအသင်းဟာ ရမှတ် ၁၅ မှတ်နဲ့ အုပ်စုပထမနေရာကနေ ၁၆ သင်း ရှုံးထွက်အဆင့်ကို တတ်ရောက်ခဲ့တာလည်းဖြစ်ပါတယ်။CSKA မော်စကိုအသင်းကတော့ အဆင့် ၃ နေရာနဲ့သာ နှစ်သိမ့်ခဲ့ရပြီး ယူရိုပါလိဂ်မှာ ဝင်ရောက်ယှဉ်ပြိုင်ခွင့်ရရှိခဲ့ပြီလည်းဖြစ်ပါတယ်။

မန်ယူအသင်းရဲ့ ပွဲထွက်လူစာရင်းမှာတော့ ရက်ဖို့စ်၊ လူကာကူ၊ မာတာ၊ လုပ်ရှော၊ ပေါ့ဘာ၊ ဟာရဲယား တို့ကို ထည့်သွင်းအသုံးပြုခဲ့တာလည်းဖြစ်ပါတယ်။CSKA မော်စကိုအသင်းရဲ့ ပွဲထွက်လူစာရင်းမှာတော့ ဒီဇာဂေါ့၊ ချာလော့၊ ဗီတင်ဟို၊ နာဘတ်ကင်၊ ဂိုလိုဗင် တို့ကိုထည့်သွင်းအသုံးပြုခဲ့တာလည်းဖြစ်ပါတယ်။အိမ်ရှင်အသင်းဟာ ဒုတိယပိုင်းသွင်းဂိုးတွေနဲ့ CSKA မော်စကိုအသင်းကို အနိုင်ရယူခဲ့တာလည်းဖြစ်ပါတယ်။ 

အဖွင့်ဂိုးကိုတော့ CSKA မော်စကိုအသင်းက စတင်ရရှိခဲ့တာဖြစ်ပြီး ဒီဂိုးကိုတော့ ပထမပိုင်းပြီးခါနီး ၄၅ မိနစ်မှာ ဗီတင်ဟို ကသွင်းယူပေးခဲ့တာလည်းဖြစ်ပါတယ်။မန်ယူအသင်းအတွက် ချေပဂိုးကိုတော့ ၆၄ မိနစ်မှာ လူကာကူ ကသွင်းယူပေးခဲ့တာလည်းဖြစ်ပါတယ်။နှစ်မိနစ်အကြာမှာပဲ ရက်ဖို့စ် မန်ယူအသင်းအတွက် အနိုင်ဂိုးကိုသွင်းယူပေးခဲ့ပြီး အိမ်ကွင်းမှာ အနိုင်ရယူခဲ့တာလည်းဖြစ်ပါတယ်။