နိုင်ပွဲဆက်နေတဲ့ အဲဗာတန်

မနက်ကယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ အဲဗာတန်အသင်းဟာ ဆွမ်ဆီးအသင်းကို ၃ ဂိုး ၁ ဂိုး နဲ့ အနိုင်ရရှိခဲ့တာလည်းဖြစ်ပါတယ်။အဲဗာတန်အသင်းဟာ ရာသီအစကရလဒ်တွေ ဆိုးဝါးနေခဲ့ပေမဲ့ နည်းပြသစ် ဆမ်အလာဒိုက် လက်ထက်မှာတော့ ရလဒ်ကောင်းတွေ ပြန်လည်ရယူထားနိုင်ခဲ့တာလည်းဖြစ်ပါတယ်။အဲဗာတန်အသင်းဟာ ယခုနိုင်ပွဲကြောင့် အဆင့် ၉ နေရာထိရောက်ရှိလာခဲ့ပြီလည်းဖြစ်ပါတယ်။ဆွမ်ဆီးအသင်းကတော့ ဇယားအောက်ဆုံး တန်းဆင်းဇုံမှာ ရှိနေခဲ့တာလည်းဖြစ်ပါတယ်။ 

အဲဗာတန်အသင်းရဲ့ ပွဲထွက်လူစာရင်းမှာတော့ လီဝင်၊ ဆီဂတ်ဆန်၊ ရွန်းနေ၊ လန်နွန်၊ ရှနိုက်ဒါလင် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဆွမ်ဆီးအသင်းရဲ့ ပွဲထွက်လူစာရင်းမှာတော့ ဒိုင်ယာ၊ ဘိုနီ၊ ကာရိုး၊ မီဆာ တို့ကို ထည့်သွင်းအသုံးပြုခဲ့တာလည်းဖြစ်ပါတယ်။အဲဗာတန်အသင်းရဲ့ တိုက်စစ်မှူး ဝိန်းရွန်းနီကတော့ ဂိုးသွင်းခြေတွေ့ရှိနေပြီး သွင်းဂိုးတွေနဲ့အတူ အဲဗာတန်အသင်းကို နိုင်ပွဲတွေရှာဖွေပေးနေနိုင်တာလည်းဖြစ်ပါတယ်။

အဖွင့်ဂိုးကိုတော့ ဆွမ်ဆီးအသင်းက စတင်ရရှိခဲ့တာဖြစ်ပြီး ဒီဂိုးကိုတော့ ဖာ က ၃၅ မိနစ်မှာသွင်းယူပေးနိုင်ခဲ့တာလည်းဖြစ်ပါတယ်။အဲဗာတန်အသင်းအတွက်ချေပဂိုးကိုတော့ ပထမပိုင်းပြီးခါနီးမှာ လီဝင် က သွင်းယူပေးခဲ့တာလည်းဖြစ်ပါတယ်။၆၄ မိနစ်မှာတော့ ဆီဂတ်ဆန်က အဲဗာတန်အသင်းအတွက် ဦးဆောင်ဂိုးသွင်းယူပေးနိုင်ခဲ့ပါတယ်။အဲဗာတန်အသင်းအတွက် အနိုင်သေချာစေမဲ့ဂိုးကိုတော့ ရွန်းနေက သွင်းယူပေးခဲ့တာလည်းဖြစ်ပါတယ်။