မြန်မာနေရှင်နယ်လိဂ်ချန်ပီယံရှမ်းယူနိုက်တက်အသင်းဟာ
အသင်းရဲ့အဓိကတိုက်စစ်မှူးဖြစ်တဲ့ခရစ္စတိုဖာကို
စာချုပ်သက်တမ်းတိုးခဲ့ပါတယ်။ခရစ္စတိုဖာဟာ
ဒီနှစ်နေရှင်နယ်လိဂ်မှာ ဧရာဝတီယူနိုက်တက်တိုက်စစ်မှူး ကိသ်နှင့်အတူ ပူးတွဲဂိုးသွင်းဘုရင်ဆုကို ရရှိခဲ့သူဖြစ်ပါတယ်။
နိုင်ဂျီးရီးယားသားခရစ္စတိုဖာရဲ့သွင်းဂိုးတွေဟာ
ရှမ်းယူနိုက်တက်ရဲ့အမှတ်ပေးဖလားရောဗိုလ်ချုပ်ဒိုင်း
ပါရရှိခဲ့တဲ့သမိုင်းဝင်အောင်မြင်မှုမှာကြီးမားတဲ့အကြောင်းရင်း
တစ်ခုဖြစ်ခဲ့ပါတယ်။
ရှမ်းယူနိုက်တက်ဟာနိုင်ငံခြားသားကစားသမားလေးယောက်
စလုံးခေါ်ယူသွားဖို့ရှိနေပါတယ်။ခရစ္စတိုဖာအပြင်ကျန်တဲ့
ကစားသမားသုံးယောက်ကိုလည်းဒီလမကုန်ခင်မှာထပ်မံ
ခေါ်ယူသွားမယ်လို့သိရပါတယ်။ရှမ်းယူနိုက်တက်ဟာ
မြန်မာပြည်ချန်ပီယံအနေနဲ့အာရှချန်ပီယံလိဂ်ခြေစစ်ပွဲ
ပထမအဆင့်ကိုဖိလစ်ပိုင်ချန်ပီယံဆီးရပ်အသင်းနဲ့
မကြာခင်ကစားရတော့မှာပါ။ဆီးရပ်နဲ့ပွဲကိုတောင်ကြီးမှာ
မကစားပဲရန်ကုန်မြို့သုဝဏ္ဏမှာပဲကစားသွားမှာပါ။
ဖိလစ်ပိုင်အသင်းတွေဟာအာဆီယံဒေသမှာအားနည်းတဲ့
အသင်းတွေမို့ရှမ်းယူနိုက်တက်အဖို့အလွယ်တကူဖြတ်ကျော်
နိုင်ဖို့များပါတယ်။ဆီးရပ်ကိုကျော်ဖြတ်နိုင်ခဲ့ရင်တော့
သြဇီကလပ်ဘရစ္စဘိန်းရိုအာနဲ့သြစတေးလျမှာအဝေးကွင်း
သွားကစားရမှာပါ။ဘရစ္စဘိန်းကိုထပ်ကျော်ဖြတ်နိုင်ရင်တော့
တရုတ်စူပါလိဂ်ကလပ်တန်ကျင်းကွမ်းနင်းနဲ့နောက်ဆုံးအဆင့်
ခြေစစ်ပွဲကစားရမှာပါ။နိုင်ဂျီးရီးယားသားခရစ္စတိုဖာ
သူ့ရဲ့သွင်းဂိုးတွေနဲ့ရှမ်းယူနိုက်တက်အာရှချန်ပီယံလိဂ်
အုပ်စုအဆင့်ဆီခေါ်ဆောင်သွားမလားဆိုတာတော့...
Source-Shan
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
