ခန္ဓာကိုယ်မှာ ဘာမှပြုပြင်ထားတာမရှိဘူးလို့ ပွင့်ပွင့်လင်းလင်းပြောလိုက်တဲ့ အေးမြတ်သူ

ခန္ဓာကိုယ်အလှနဲ့ ပုရိသတွေကြားနာမည်ကျော်တဲ့ အေးမြတ်သူဟာ သူမရဲ့ခန္ဓာကိုယ်နဲ့ပတ်သတ်လို့ ပွင့်ပွင့်လင်းလင်းပြောကြားခဲ့ပါတယ်။

" လက်ရှိအနေအထားမှာ အေးမြတ်သူ ခေါင်းအစခြေအဆုံးပေါ့ ဘာမှမပြုပြင်ထားဘူး။ အခုလက်ရှိမှာလည်း အေးမြတ်သူဘာမှ ပြင်ချင်တာတွေမရှိသေးဘူး။ အဲဒါက အခု ၅ နှစ်တာလောက်ပတ်ဝန်းကျင်ကိုပြောတာ။ အသက် ၄၀ မှာ၊ ၅၀ မှာ အေးမြတ်သူမပြောတတ်သေးဘူး။ တစ်သက်လုံးမလုပ်ဘူးလို့တော့ အေးမြတ်သူအာမ မခံဘူး။ လုပ်ကောင်းလုပ်လိမ့်မယ်၊ လုပ်တဲ့အသက်အရွယ်ကလည်း အဲလို ၄၀ ကျော် ၅၀ မှဖြစ်လိမ့်မယ်။ ပြင်ချင်တယ်ဆိုရင်တော့ အေးမြတ်သူထင်တယ်၊ အသက်အရွယ်အရ လျော့ရဲလာတဲ့ ဥပမာ-ရင်သားမျိုးရှိမယ်၊ အဲလိုမျိုးပေါ့နော်။ အခုလက်ရှိမှာ ခန္ဓာကိုယ်ပေါ်မှာ အေးမြတ်သူမကြိုက်တဲ့နေရာက ခြေချောင်းလေးတွေမကြိုက်ဘူး။ အေးမြတ်သူခြေချောင်းတွေက မလှဘူးလို့ကိုယ့်ကိုယ်ကို ခံစားရတယ်။ "

ဆက်လက်ပြီး ဒီလိုခန္ဓာကိုယ်ကို ဘယ်လိုထိန်းသိမ်းထားသလဲဆိုတာနဲ့ ပတ်သတ်ပြီး

" ဂျင်မ်ဆော့တယ်၊ ဂျင်မ်ဆော့တာကို အေးမြတ်သူ ဘယ်လိုပြောရမလဲ၊ ၀ါသနာတစ်ခုလိုဖြစ်သွားတယ်။ အလုပ်မရှိရင် အိပ်ရေးဝအောင်အိပ်မယ်၊ ရုပ်ရှင်ကြည့်မယ်။ ပြီးရင် အစားကောင်းကောင်းစားမယ်၊ ဂျင်မ်သွားမယ်။ အဲဒါပဲ။ ဒါက အေးမြတ်သူ Work Out သဘောမျိုးလုပ်နေဖြစ်တာပေါ့။ တကယ်လို့သာ အချိန်ပိုရခဲ့မယ်ဆိုရင် အားကစားလုပ်ချင်တယ်။ ကျွမ်းဘားခုန်တာမျိုး၊ ရေကူးတယ်ဆိုလည်း လှလှပပစနစ်ကျကျကူးတတ်တာ မျိုးပေါ့။ အဲလိုအားကစားတစ်ခုကိုတော့ စိတ်ရောကိုယ်ရော နှစ်ပြီးလုပ်ချင်ပါတယ်။ " လို့ ပြောကြားခဲ့ပါတယ်။

အားကစားအပြင် အစားကောရှောင်သလားဆိုတာကိုတော့ လွတ်လပ်ပွင့်လင်းတဲ့ မင်းသမီးလေးက ယခုလိုပဲဖြေကြားခဲ့ပါတယ်။

" အစားအသောက်ပိုင်းကတော့ အေးမြတ်သူက စားတယ်။ ခရင်မ်တွေဆိုလည်းတအားကြိုက်တယ်။ အေးမြတ်သူက ချဉ်၊ ငံ၊ ဖန်၊ ခါး၊ စပ် တော့မစားဘူး။ ချိုဆိမ့်အရသာတွေတအားစားတဲ့သူ။ ဒါပေမဲ့ ကိုယ်စားသလောက် လည်း ကိုယ့်ကိုယ်ကို ပြန်ပြီးဆော့နိုင်အောင်ကြိုးစားတယ်။ ဒါတွေကို ပြန် Burn လို့ရအောင် လေ့ကျင့်ခန်းလုပ်ဖို့တော့ ကိုယ့်ကိုယ်ကိုတွန်းအားတော့ပေးတယ်။ ပိန်ချင်လို့ အစားရှောင်တဲ့အထဲမှာတော့ အေးမြတ်သူမပါဘူး။ "

Source : MODA Interview

Alexa