အမှားအယွင်းမရှိ ရှေ့ဆက်နေတဲ့ ဘာစီလိုနာ

မနက်ကယှဉ်ပြိုင်ကစားခဲ့တဲ့ လာလီဂါပွဲစဉ်မှာ ဘာစီလိုနာအသင်းဟာ အဝေးကွင်းမှာ ဆိုစီဒက် အသင်းကို ၄ ဂိုး ၂ ဂိုး နဲ့ အနိုင်ရရှိခဲ့တာလည်းဖြစ်ပါတယ်။ဆိုစီဒက်အသင်းက နှစ်ဂိုးအသာနဲ့ ဦးဆောင်နေခဲ့ပေမဲ့ ဘာစီလိုနာအသင်းက ဒုတိယပိုင်းသွင်းဂိုးတွေနဲ့ အနိုင်ရယူခဲ့တာလည်းဖြစ်ပါတယ်။ဘာစီလိုနာအသင်းဟာ ရှုံးပွဲမရှိကစားထားပြီး ရမှတ် ၅၁ မှတ်ရယူထားကာ ဇယားထိပ်ဆုံးမှာ ဦးဆောင်နေတာလည်းဖြစ်ပါတယ်။အဆင့် ၂ နေရာက အက်သလက်တီကိုအသင်းကို ၉ မှတ်ဖြတ်ထားနိုင်ခဲ့ပြီး ပြိုင်ဘက်ရီးရဲလ်မက်ဒရစ်အသင်းကိုတော့ ၁၉ မှတ် ဖြတ်ထားနိုင်ခဲ့တာလည်းဖြစ်ပါတယ်။

ဆိုစီဒက် အသင်းရဲ့ပွဲထွက်လူစာရင်းမှာတော့ ဒါဆေဗာလ်း၊ ပရီတို၊ ဂျူအမ်မီ၊ ဇူယူတူဇာ ၊ အီလာရာမန်ဒီ ၊ ကာနာလက် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဘာစီလိုနာအသင်းရဲ့ ပွဲထွက်လူစာရင်းမှာတော့ ဆွာရက်၊ မက်ဆီ၊ အန်ဒရီဂိုးမက်၊ ဘက်စကွက်၊ ရာကီတစ်၊ ပေါ်လင်ဟို တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဆိုစီဒက်အသင်းဟာ ဘာစီလိုနာအသင်းကို အကောင်းဆုံးတုံ့ပြန်ကစားနိုင်ခဲ့ပေမဲ့ ဒုတိယပိုင်းသွင်းဂိုးတွေကို မထိန်းနိုင်ခဲ့တာကြောင့် ရှုံးနိမ့်ခဲ့ရတာလည်းဖြစ်ပါတယ်။

ဆိုစီဒက် အသင်းရဲ့ အဖွင့်ဂိုးကိုတော့ ၁၁ မိနစ်မှာ ဒါဆေးဗာလ်း ကသွင်းယူပေးခဲ့တာလည်းဖြစ်ပါတယ်။၃၄ မိနစ်မှာတော့ ဂျူအမ်မီ က ဆိုစီဒက် အသင်းအတွက် ဒုတိယဂိုးသွင်းယူပေးနိုင်ခဲ့ပါတယ်။၃၉ မိနစ်မှာတော့ ပေါ်လင်ဟို ကဘာစီလိုနာအသင်းအတွက် ချေပဂိုး စတင်သွင်းယူပေးနိုင်ခဲ့ပါတယ်။မိနစ် ၅၀ မှာ ဆွာရက်စ် က ဒုတိယချေပဂိုးထပ်မံသွင်းယူပေးနိုင်ခဲ့ပါတယ်။ဘာစီလိုနာအသင်းအတွက် ဦးဆောင်ဂိုးကိုတော့ ဆွာရက်ကပဲ ၇၁ မိနစ် မှာ သွင်းယူပေးခဲ့တာဖြစ်ပါတယ်။ဘာစီလိုနာအသင်းအတွက် အနိုင်သေချာစေမဲ့ဂိုးကိုတော့ မက်ဆီက ၈၅ မိနစ်မှာ ဖရီးကစ်ကနေသွင်းယူပေးခဲ့တာဖြစ်ပါတယ်။