Idol မှာပြောဖို့စကားအသစ်တစ်ခွန်းစဉ်းစားနေတယ် ဆိုတဲ့ မြန်မာပြည်သိန်းတန်

မြန်မာနိုင်ငံရဲ့ အကျော်ကြားဆုံး TV Show တွေထဲမှာ Myanmar Idol သီချင်းဆိုပြိုင်ပွဲကြီးလဲ တစ်ခုအပါအဝင်ပါ ။ Myanmar Idol ပြိုင်ပွဲဟာ ပွဲစတင်လူရွေးစဉ်ထဲက စိတ်ဝင်စားဖို့ကောင်းခဲ့တာ နောက်ဆုံး Final Winner ရွေးတဲ့ထိ အားပေးတဲ့ပရိတ်သတ်က လျော့သွားခြင်းမရှိပါဘူး ။ ဒီလို ကောင်းတဲ့ ပြိုင်ပွဲတစ်ခုဖြစ်လာတာ စီစဉ်သူတွေရဲ့ အစီအမံတွေကောင်းလို့အပြင် ဒိုင်လူကြီးတွေ ပြိုင်ပွဲဝင်တွေ နောက်ဆုံး Host ကိုကျော်ထက်အောင်ကအစ တကယ်တော်ကြလို့လဲ ပါပါတယ် ။ Myanmar Idol က ဒိုင်တွေရဲ့ ပြောစကားတွေ အမူအရာဟန်ပန်တွေ Host ရဲ့ ပြောစကားတွေဟာ အပြင်မှာပြန်ရေပန်းစားလာတဲ့ထိကို ပရိတ်သတ်တွေ အားပေးမှုကိုခံခဲ့ရပါတယ် ။

Myanmar Idol ပြိုင်ပွဲကြီးက ခုတစ်ဖန် ပြန်လည်စတင်တော့မှာမို့ ပရိတ်သတ်တွေကလည်း ဆက်လက်စောင့်မျှော်ကြည့်ရှုဖို့ ဟန်ပြင်နေကြပါပြီ ။ ဒီချိန်မှာ အရင်ပြိုင်ပွဲက

အန်ကယ် No လို့ နာမည်ကြီးခဲ့တဲ့ မြန်မာပြည်သိန်းတန်က ပြိုင်ပွဲအတွက် သူစီစဉ်ထားတာတွေကို 8 day Journal ရဲ့ အင်တာဗျူးမှာအောက်ပါအတိုင်းပြောပြထားပါတယ် ။

" Myanmar Idol season 3 မှာပါရတဲ့အတွက် အရမ်းပျော်ပါတယ် ။ အန်ကယ်ရဲ့ ၀ါသနာနဲ့ ပညာကို အသုံးချ အရင်းတည်ပြီး အဆိုတော်ကောင်းလေးတွေရွေးချယ်ရတာကြောင့် ဂုဏ်ယူဝမ်းသာပါတယ် ။ မနှစ်ကပြိုင်ပွဲဝင်လေးတွေကို Yes မပြောရင် No ပဲပြောရတဲ့ စကားလုံးတွေက များလွန်းတော့ ပရိတ်သတ်တွေ တေးချစ်သူတွေက နာမည်ပြန်ပေးတော့ Myanmar Idol Grand Final မှာတောင် သီချင်းစပ်ဆိုခဲ့ပါသေးတယ် ။ 

ဒီနှစ်မှာလဲ ရွေးရင် Yes မရွေးရင် No လို့ပြောရမယ်ဆိုရင် ဒီစကားပဲလာမလားမသိဘူး ။ စကားအသစ်တစ်ခွန်းပြောဖို့ စဉ်းစားစိတ်ကူးနေပါတယ် ။ Facebook မှာ Troll လုပ်ခံရတာ ဘယ်လိုခံစားရလဲ ဆိုရင် အန်ကယ်က Troll လုပ်တယ်ဆိုတာတောင်မသိဘူး ။ အဲဒါက ကိစ္စမရှိပါဘူး ။ ဒိုင်ဆိုတာ တရားသူကြီးပါပဲ ။ အန်ကယ်က ဂီတမှာတရားသူကြီးလာလုပ်ရတယ် ။ အန်ကယ်သမီးလာပြို်င်လို့ အခြားပြိုင်ပွဲဝင်လောက်မကောင်းရင်တောင် အန်ကယ်ကတိုးတိုးတိတ်တိတ် တင်ပေးရမှာလား ။ ဖြုတ်ချမှာပါပဲ ။ " လို့ ဆိုခဲ့တာပါ ။

Myanmar Idol ပွဲမှာတော့ အန်ကယ့်က စိတ်အဝင်စားခံရဆုံး ဒိုင်တစ်ယောက်ဖြစ်နေတာတော့ ငြင်းလို့မရပါဘူး ။ စောင့်ကြည့်ကြမယ်မဟုတ်လား ပရိတ်သတ်ကြီးတို့ရေ ... 

သတင်းအရင်းမြစ် 8days