လေယာဉ်တွေမှာ အဖြူရောင်အများစုဖြစ်နေတဲ့အကြောင်းများ

ကမ္ဘာပေါ်မှာ လေကြောင်းပို့ဆောင်ရေး ဆက်သွယ်မှုတွေဟာ အရေးကြီးတဲ့အခန်းကဏ္ဍတစ်ခု ကနေပါဝင်လို့ လာပါတယ်။ လေကြောင်းပို့ဆောင်ရေးတွေ ပေါ်လာပြီးနောက်ပိုင်းမှာ မိမိသွားလိုရာကိုခရီးကို အချိန်တိုတိုနဲ့ အလွယ်တကူ သွားနိုင်တဲ့အတွက် လူအများစုကကြိုက်နှစ်သက်ကြပါတယ်။ ဒီတစ်ပါတ်မှာတော့ လေကြောင်းလိုင်း တော်တော်များများမှာ အသုံးပြုနေတဲ့ လေယာဉ် အဖြူရောင်အများဆုံး ဖြစ်နေတဲ့ အကြောင်းကို ဗဟုသုတအဖြစ် တင်ပြပေးသွားပါမယ်နော်။

အများပြည်သူသုံးလေကြောင်းလိုင်းတော်တော်များများမှာ အသုံးပြုနေတဲ့ လေယာဉ်တွေကို ကြည့်လိုက်ရင် အဖြူရောင်ဆေးခြယ်ထားကြတာကို ပရိသတ်ကြီးလည်း သတိထားမိမှာပါ။

၁။ လေယာဉ်တွေဟာ အမြင့်မှာပျံသန်းတဲ့အခါ နေရောင်ခြည်ရဲ့အပူဒဏ်ကိုပိုခံရ ပြီး ကျရောက်လာတဲ့အပူလှိုင်းတွေကိုဖြာထွက်သွားစေဖို့ အခြားအရောင်တွေထက်အဖြူရောင်ကပိုကောင်းပါတယ်။

၂။ လေယာဉ်ကိုဆေးသုတ်ရတာမလွယ်ကူလှပါဘူး။လူအင်အား၊ငွေအင်အားနဲ့ပြင်ဆင်ချိန်တွေကုန်ပါတယ်။ဒါကြောင့် အကုန်အကျသက်သာ၊လူအင်အားသက်သာ၊အချိန်သက်သာပြီးအချိန်ကြာသွားလဲအရောင်ပြယ်ပျက်သွားခြင်းမရှိတဲ့အဖြူရောင်ကိုရွေးချယ်ကြပါတယ်။

၃။ ပန်းချီတွေအလှပုံတွေပျက်လို့ပြန်လည်ပြုပြင်တဲ့အခါကုန်ကျတဲ့အပိုအသုံးစရိတ်တွေကိုလုပ်ငန်းပိုင်ရှင်ကလဲမလိုချင်လို့ပါ။

၄။ အဖြူရောင်ခြယ်ထားတဲ့ကိုယ်ထည်ပေါ်က အက်ကြောင်းတွေ၊ခြစ်ရာတွေနဲ့လေယာဉ်ကိုဒုက္ခပေးနိုင်တဲ့ရေနံဆီတို့လို့အရည်တွေပေကျံနေတာကိုအလွယ်တကူတွေ့နိုင်တယ်။

၅။ အရောင်တွေခြယ်ထားတဲ့လေယာဉ်တွေကိုပြန်ရောင်းချရခက်သလိုဈေးကောင်းလဲမရလို့ပါ။

ယခုလိုဖော်ပြထားတဲ့အကြောင်းအရာတေါကြောင့် လေကြောင်းလိုင်းတွေမှာ အဖြူရောင်ဆေးသုတ်ထားခြင်းဟာ လေယာဉ်အတွက်လည်း ပိုမို သင့်တော်နိုင်တယ်လို့ ဆိုရမှာပါ။ 

Source: Eye Of Net