Myanmar Idol Season 3 မှာလဲ ထပ်မံမြင်တွေ့ရမယ့် ကျော်ထက်အောင်

Myanmar Idol Season 2 မှာ တင်ဆက်သူအဖြစ် စတင်လုပ်ဆောင်ရာကနေမှ ပရိတ်သတ် တွေ သတိထားမိသွားတဲ့ ကျော်ထက်အောင်ကို အခုမကြာခင်ယှဉ်ပြိုင်တော့မယ် Season 3 မှာလည်း ထပ်မံမြင်တွေ့ရမှာဖြစ်ပါတယ်။ တင်ဆက်ပုံကောင်းကောင်းနဲ့ မီးလေးခဏ ပိတ် ပေးပါဦး ဆိုတဲ့ စကားလုံးလေးတစ်ခုတည်းနဲ့ ပရိတ်သတ်တွေကို ကလိကလိဖြစ်အောင် လုပ်နိုင်တဲ့ သူတစ်ဦးပါပဲ။ ရယ်မောခြင်းတွေ စိတ်လှုပ်ရှားခြင်းတွေနဲ့ ပုံစံအမျိုးမျိုး တစ်ပတ် ထက်တစ်ပတ် မတူတဲ့ရသတွေနဲ့ ပရိတ်သတ်တွေရဲ့စိတ်ဝင်စားမှုကို အဆုံးစွန်ထိမြှင့်တင် ထားနိုင်ခဲ့တဲ့ တင်ဆက်သူတစ်ဦးပါပဲ။

အနုပညာလုပ်ငန်းအဖြစ်နဲ့ " သူငယ် " ဆိုတဲ့ရုပ်ရှင်ဇာတ်ကားကိုရိုက်ကူးထားပြီး ပရိတ် သတ်တွေကလည်း အားပေးခဲ့ကြပါတယ်။ လက်ရှိမှာလည်း " စရိုက် " ဆိုတဲ့ဇာတ်ကားကို ရုံတင်ပြသတော့မှာဖြစ်ပါတယ်။ ဒီဇာတ်ကားထဲမှာ မိန်းမရှုပ်တဲ့ ရုပ်ကလေးခပ်ချောချောနဲ့ စပါယ်ယာတစ်ဦးအဖြစ်သရုပ်ေ်ဆာင်ထားတာဖြစ်ပါတယ်။ နာမည်ကျော်မင်းသမီးများ ဖြစ် ကြတဲ့ ထွန်းအိန္ဒြာဗိုလ်၊ ခိုင်သင်းကြည်တို့နဲ့ တွဲဖက်သရုပ်ဆောင်ထားတာဖြစ်ပြီး ဘယ်လို ရသတွေပေးမလဲဆိုတာတော့ ပရိတ်သတ်ကြီးက ရင်ခုန်စွာနဲ့စောင့်ကြည့်ရမှာ ဖြစ်ပါတယ်။

နှုတ်ခမ်းနီမလေးတွေရဲ့ အသည်းကျော်လေးဖြစ်တဲ့ ကျော်ထက်အောင်တစ်ယောက် သူ့ရဲ့ Facebook မှာ ကဗျာဆန်ဆန်စာစုလေးကို " အကယ်၍သာ ငါဟာလမင်းကြီးဖြစ်ခဲ့ရင် အကယ်၍သာ ငါဟာလေယဉ်ကြီးဖြစ်ခဲ့ရင် အကယ်၍သာ ငါဟာမိုးပျံပူဖောင်းကြီးဖြစ်ခဲ့ရင် အကယ်၍သာ ငါဟာဖူဂျီတောင်ကြီးသာဖြစ်ခဲ့ရင် အကယ်၍သာ ငါဟာနှင်းတွေကိုဖန်ဆင်း တက်ခဲ့ရင် အကယ်၍သာ ငါဟာ ..........အကယ်၍သာ " ဆိုတဲ့စာစုလေးနဲ့ သူ့ရဲ့အမိုက်စား ပုံရိပ်တွေကို တင်ထားတာဖြစ်ပါတယ်။ ကျော်ထက်အောင်ရဲ့ပရိတ်သတ်တွေအတွက် အမိုက်စားပုံရိပ်လေးတွေကို တင်ဆက်ပေးလိုက်တယ်နော်။

Photo - Kyaw Htet Aung's FB