ပဏာမ မြန်မာ ယူ၁၈လက်ရွေးစင်အသင်း ဒုတိယမြောက်ခြေစမ်းပွဲအဖြစ် တရုတ်နာမည်ကြီးကလပ်အသင်းနဲ့ ယှဉ်ပြိုင်မည်

တရုတ်နိုင်ငံ၊ ကွမ်ကျိုးမြို့တွင် Joint Training ပြုလုပ်လျက်ရှိသည့် ပဏာမ မြန်မာ ယူ၁၈လက်ရွေးစင်အသင်းသည် ဒုတိယမြောက်ခြေစမ်းပွဲအဖြစ် တရုတ်နာမည်ကြီးကလပ်အသင်းဖြစ်သည့် တရုတ်စူပါလိဂ်လက်ရှိချန်ပီယံ Guangzhou Evergrande FC ၏ လူငယ်အသင်းနှင့် ဒီဇင်ဘာ ၁၃ရက်နေ့ ဒေသစံတော်ချိန် ညနေ ၄နာရီအချိန်တွင် အဆိုပါလူငယ်အသင်း၏ လေ့ကျင့်ရေးကွင်း၌ ယှဉ်ပြိုင်ကစားမည်ဖြစ်သည်။

Guangzhou Evergrande FC ၏ ဘောလုံးသင်တန်းကျောင်းမှာ ကမ္ဘာ့အကြီးဆုံးဘောလုံးသင်တန်းကျောင်းတစ်ခုဖြစ်ပြီး သင်တန်းသား ထောင်ချီတက်ရောက်လျက်ရှိကာ တရုတ်တို့၏ ကမ္ဘာ့ဖလားပြိုင်ပွဲတွင် အောင်မြင်မှုရရှိရေး ရည်မှန်းချက် အတွက် တည်ထောင်ထားခြင်းဖြစ်သည်။ အဆိုပါ သင်တန်းကျောင်းတွင် စပိန်လူမျိုးနည်းပြများစွာအား ရီးရဲလ်မက်ဒရစ်ဖောင်ဒေးရှင်းနှင့် ချိတ်ဆက်ခေါ်ယူပြီး ပို့ချသင်ကြားပေးလျက်ရှိသည်။

မြန်မာလူငယ်တို့နှင့် ယှဉ်ပြိုင်ကစားမည့် Guangzhou Evergrande လူငယ်အသင်းတွင် အသက် ၁၇နှစ်မှ ၂၁နှစ်အရွယ် လူငယ်ကစားသမားများပါဝင်ကစားကြမည်ဖြစ်သည်။

(ဓာတ်ပုံ - Evergrande Football School)

Ref., MFF