ဟန်လင်းကို ချစ်သူများနေ့မှာ Surprise လုပ်လိုက်တဲ့ မေဦး

ပရိသတ်ကြီးရေ ဒီနေ့ဖေဖော်ဝါရီလ(၁၄)ရက်နေ့မှာကျရောက်တဲ့ Valentine Day နေ့လေးမို့ ချစ်သူစုံတွဲတွေကတော့ ပျော်ရွှင်နေကြမယ်လို့ မျှော်လင့်ပါတယ်။ ပရိသတ်တွေလိုပဲ ချစ်သူကို အမှတ်တရလက်ဆောင်လေးတွေပေးပြီး ချောကလက်နဲ့ အရုပ်လေးတွေနဲ့အတူ Surprise လုပ်ကြတဲ့ နာမည်ကြီးဆယ်လီများစွာရှိကြပါတယ်။

မြန်မာပြည်ရဲ့ ချစ်စရာအကောင်းဆုံး လိင်တူစုံတွဲလေးဖြစ်တဲ့ မိတ်ကပ်မေဦးနဲ့ဟန်လင်း တို့စုံတွဲကတော့ ချစ်သူများနေ့ကို ကြည်ကြည်နူးနူးလေး စတင်လိုက်ပါတယ်။

နာမည်ကြီးမိတ်ကပ်ပညာရှင် မေဦးကတော့ ဟန်လင်းကို နှင်းဆီပန်းလှလှလေးတွေနဲ့ခင်းကျင်းပြင်ဆင်ပြီး ရိုမက်တစ်ဆန်ဆန် Surprise လုပ်လိုက်တာဖြစ်ပါတယ်။

မေဦးရဲ့ Surprise လေးကြောင့် ဟန်လင်းတစ်ယောက် ဘယ်လောက်တောင်ပျော်နေလဲဆိုတာ သူ့ရဲ့ ဖေ့ဘုတ်အကောင့်မှာ မျှဝေထားတာတွေ့ရပါတယ်။ သူတို့နှစ်ဦးရဲ့ မြင်ကွင်းလေးကတော့ မိန်းကလေးပရိသတ်တွေနဲ့ သာမန်ချစ်သူစုံတွဲတွေကိုတောင် အားကျသွားစေတဲ့အထိ လူပြောများနေပါတယ်။

LGBT ဖြစ်ပေမယ့် တစ်ယောက်နဲ့ တစ်ယောက် အရမ်းချစ်ကြတဲ့ စုံတွဲလေးမို့ သူတို့ကို ချစ်ခင်အားပေးနေတဲ့သူတွေရှိသလို ဝေဖန်သူအချို့လည်း ရှိနေတာပါ။

သူတို့ချစ်သူနှစ်ဦးကတော့ ဘယ်လိုအခက်အခဲအတားအဆီးတွေပဲရှိရှိ နှစ်ယောက်အတူတူ တစ်ဘဝလုံးလက်တွဲသွားမယ်လို့ ဆိုပါတယ်။သူတို့နှစ်ဦးဟာ ခရီးတွေအတူတူထွက်လေ့ရှိပြီး ဒီနှစ်ချစ်သူများနေ့မှာလည်း ခရီးထွက်ဖို့ လေယာဉ်လက်မှတ်လေးတစ်စုံကိုပါ လက်ဆောင်ထည့်ပေးထားတာကိုတွေ့ရပါတယ်။ 

ပရိသတ်ကြီးရော မေဦးနဲ့ ဟန်လင်း တို့စုံတွဲလေးလိုပဲ ဒီနေ့ချစ်သူများနေ့မှာ ဘာလက်ဆောင်လေးတွေရပြီးပြီလဲ ချစ်သူနဲ့အတူရှိဖြစ်မှာလား ဆိုတာ ဖြေခဲ့ဦးနော်။

Source : May Oo and Han lin fb