သာဓုခေါ်ထိုက်စရာလှူဒါန်းမှုတစ်ခုပြုလုပ်ခဲ့တဲ့ ဒိန်းဒေါင်

ပရိတ်သတ်ကြီးတို့ရေ တကယ်ကိုကြည်နူးပီတိဖြာစရာ သတင်းလေးတစ်ခုကို မျှဝေပေးလိုက်ပါတယ်နော်။ အနုပညာလောကထဲမှာရော အငြိမ့်သဘင်လောကထဲမှာပါ အောင်မြင်တဲ့ ဟာသသရုပ်ဆောင် လူရွှင်တော်ဒိန်းဒေါင်အကြောင်းဘဲဖြစ်ပါတယ်။ လူရွှင်တော်ဆိုတဲ့အလျှောက် ကြည့်ရှုသူတွေကို ပျော်ရွှင်အောင်လုပ်ပေးနိုင်ရုံမက အနုပညာလောကအပြင်ဘက်မှာလည်း လူတွေကိုကျေနပ်ပျော်ရွှင်မှုတွေ ဖန်တီးပေးခဲ့ပါတယ်။

ဒိန်းဒေါင်ဟာ တကယ်ကိုအလှူရေစက်လက်နဲ့မကွာဘဲ ဘာသာသာသနာသယ်ပိုးနေတဲ့ ဗုဒ္ဓဘာသာဝင်တစ်ယောက်လို့ ဆိုနိုင်ပါတယ်။ ဒီနေ့မှာတော့ ဒိန်းဒေါင်တစ်ယောက် အလွန်လေးစားပီတိဖြာစရာကောင်းတဲ့ လှူဒါန်းမှုတစ်ခုကို ပြုလုပ်ပေးခဲ့ပါတယ်။ ဝက်လက်မြို့နယ်၊ လှတောစံပြကျေးရွာမှာနေထိုင်တဲ့ ဒေါ်ခိုင်(ခ)ရှယ်ခိုင်ဆိုတဲ့ မုဆိုးမအမျိုးသမီးတစ်ယောက်ရဲ့သားလေးရှင်ပြုအလှူမင်္ဂလာနဲ့ သမီးလေးနားသမင်္ဂလာအခမ်းအနားပြုလုပ်ရန် အလှူငွေ ၅ သိန်းကျပ်ပါဝင်လှူဒါန်းခဲ့ပါတယ်။ အလှူ့ဒါယိကာမဖြစ်တဲ့ ဒေါ်ခိုင်ဟာ ရေခဲချောင်းရောင်း၊ရေသန့်ဗူးကောက်တဲ့အလုပ်အကိုင်လုပ်ကိုင်ပြီး

ဘဝကိုမပြည့်စုံစွာ ဖြတ်သန်းနေရတဲ့ မုဆိုးမတစ်ဦးဘဲဖြစ်ပါတယ်။

မိဘတို့ရဲ့သားသမီးအပေါ် လုပ်ပေးချင်တဲ့ ဆန္ဒကိုပါဝင်ကူညီဖြည့်စည်းပေးခဲ့တဲ့ ဒိန်းဒေါင်ရဲ့အလှူဟာ သာဓုခေါ်ထိုက်စရာကောင်းလှပါတယ်။ တကယ်ကိုခြိမ့်ခြိမ့်သဲ စည်ကားတဲ့အလှူပုံရိပ်လေးတွေကို ပရိတ်သတ်တို့ကြည်နူးနိုင်စေရန် မျှဝေတင်ဆက်ပေးလိုက်ပါတယ်နော်။

photo - Dain Daung