အဆိုတော်ထူးအယ်လင်းဟာ ရင်နှင့်စရာစာသားလေးကို သူ့ရဲ့ဖေ့စ်ဘုတ်မှာ မျှဝေပေးထားပါတယ်။ စားသောက်နေတုန်းမှာ စပါယ်ပန်းရောင်းတဲ့ ကလေးငယ်က ပန်းလာရောင်းစဉ်မှာ ထူးအယ်လင်းရဲ့လေးစားစရာလုပ်ရပ်တစ်ခုကိုလည်း မြင်တွေ့ရပါတယ်။
သူ့ရဲ့ဖေ့စ်ဘုတ်မှာတော့
“သားလေး မင်း ကျောင်းနေသေးလား
ဟုတ်ကဲ့ ကျွန်တော် ၆ တန်းတက်နေတယ်ဗျ..
မင်း စပါယ်ပန်း ဒီည ရောင်းတာ အကုန် ကုန်သလား ?
မကုန်ဘူးဗျ ။
မင်း တစ်ညကို ဘယ်လောက်ဖိုုးလောက်ရောင်းရသလဲ ?
သား တစ်ညကို နှစ်ထောင် သုံးထောင်ဖိုးလောက် ရောင်းရတယ် ။
သြော ...
ခု မင်းလက်ထဲမှာ ရှိတဲ့ စပါယ်ပန်းတွေက ဘယ်လောက်ဖိုးလောက်ရှိလဲ ?
ခဏလေး ကျွန်တော် ရေကြည့်လိုက်မယ် ။
ဦးလေး သားစပါယ်ပန်းတွေ လေးထောင့်ရှစ်ရာဖိုးလောက်ရှိတယ် ။
ဟုတ်လား ကဲ ငါ မင်းကို ငါးထောင်ပေးမယ်
ငါ့ကိုအကုန်ပေးခဲ့ ။
ကျွန်တော် တစ်နေရာမှာ စပါယ်ပန်းဝင်ပေးစရာရှိသေးတယ် အဲ့ဒါတော့ ချန်ထားပေး ကျန်တာ ဦးလေး အကုန်ယူနော် !!!
ဟေ !!! အေး ရတယ် ပေးခဲ့ ။
ညမွှေးပန်းသည် ကလေးတစ်ဦးရဲ့ ဘဝရပ်တည်မှူကို လေးစားမိပါတယ် ...
ဒီလိုကလေးဟာ တစ်ချိန်မှာ နိုင်ငံသားကောင်း ဖြစ်လာနိုင်မယ်ဆိုတာ ကျွန်တော် မမှန်းနိုင်ဘူးလေ ။
သာကောင်းသာနိုင်သလို လျော့သွားရင်လည်း သူ့ကံပဲ ။
သေချာတာ ဒီကလေးက သူ့အားသူကိုးပြီး ငွေကို အလကား လိုက်တောင်းနေတဲ့ ကလေးမဟုတ်ဘူး တန်ဖိုးရှိတဲ့ ကလေးတစ်ယောက်ဆိုတာ ကျွန်တော်အသိအမှတ်ပြုခဲ့တယ် ။
ဒီညစာပေါ့ဗျာ ။
တန်ဖိုး တစ်ခု ပြန်ရခဲ့တယ်။
လူငယ်တွေက မှန်တစ်ချပ်ဖြစ်သလို
လူကြီးတွေက မှန်သားပြင်တစ်ချပ်ဖြစ်တာ
မမေ့စေချင်ပါဘူး လို့ တွေးရင်း တွေးရင်း ......
သူ့နေရာနဲ့သူ မှန်ဖို့လိုပြီလေ” ဆိုပြီး ရေးသားထားပါတယ်။
source - Htoo L lin
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
