၀ိုင်းစုနဲ့အောင်လ လက်ထပ်တော့မှာလား

အဆိုရှင်နှစ်ဦးရဲ အိမ်ထောင်ရေးပြိုကွဲခဲ့တဲ့သတင်းတွေ ထွက်လာပြီးနောက် နှစ်ဦးသားရဲ့ ဓာတ်ပုံတွေ လူမှုကွန်ယက်မှာ ပျံ့နှ့လာခဲ့ပါတယ်။ ဒယနဲ့ ပတ်သတ်ပြီး ၀ိုင်းစုခိုင်သိန်းကို မီဒီယာတစ်ခုကနေ အင်တာဗျူးခဲ့ရာမှာတော့ ယခုလို ပွင့်ပွင့်လင်းလင်းဖြေကြားပေးခဲ့ပါတယ်။

" အဲဒါကတော့ ထွေထွေထူး ထူးပြောစရာမရှိပါဘူး။ ထွေထွေ ထူးထူးပြောစရာမရှိဘူးဆိုတာက အဓိကက ဝိုင်းစုရဲ့ ပါစင်နယ်ဆိုတော့ ဝိုင်းစုရဲ့ပရိသတ်တွေကိုလည်း ဝိုင်းစုရဲ့ပါစင်နယ်ထက်ဝိုင်းစုရဲ့ သီချင်းတွေကိုပဲ ခံစားစေချင်တယ်။ လူတိုင်းလူတိုင်းမှာ ပါစင်နယ်ရှိတယ်။ ဘယ်ဟာကဘာကြောင့်ဆိုပြီး ဘယ်သူမှ ကိုယ့်ပါစင်နယ်ကို ဖြေရှင်းကြတာမရှိဘူးပေါ့။ အဲဒီတော့ ဘယ်သူ့ကိုမှ ထိခိုက်အောင်လုပ်ထားခြင်းမရှိဘူး။ လောလောဆယ် ဝိုင်းစု အနုပညာအလုပ်ကို အကောင်းဆုံး ကြိုးစားပြီး လုပ်နေတယ်။ ပြီးတော့ဝိုင်းစု ဒီဟာတွေအတွက် သတ်သတ်မဖြေရှင်းချင်ပါဘူး။ " 

နောက်အိမ်ထောင်ပြုဖို့အစီအစဉ်ရှိလားဆိုတဲ့အပေါ် ၀ိုင်းစုမှ

" အဲဒါကတော့ လူက ဒီနေ့ပြီးနောက်နေ့ ဘာဖြစ်မှန်းတောင်မသိ ဘူး။ အိမ်ထောင်ပြုဖြစ်မယ်၊ မပြု ဖြစ်ဘူးကတော့ ဝိုင်းစုကိုယ်တိုင်လည်း ကျိန်းသေမသိဘူး။ လောလောဆယ်တော့ မပြောတတ်သေးပါဘူး။ အိမ်ထောင်ပြုဖြစ်မယ်၊ မပြုဖြစ်ဘူး၊ ဘာလုပ်ဖြစ်မလဲဆို  တာကတော့ ကျိန်းသေတဲ့အချိန်မှ  ပရိသတ်ကို ပြောပြချင်ပါတယ်။ "

နောက်ဆုံးအနေနဲ့ သူမကို ဆက်လက်အားပေးနေတဲ့ ပရိသတ်တွေကို ယခုလိုပြောကြားခဲ့ပါတယ်။

" ဝိုင်းစုဘယ်လိုပဲဖြစ်ဖြစ် အားပေးကြတဲ့ ပရိသတ်တွေအားလုံးကို ကျေးဇူးတင်တယ်။ ဝိုင်းစုဘက်မှာ ရပ်တည်ကြတဲ့ ပရိသတ်တွေကို ကျေးဇူးတင်တယ်။ ဘာပဲဖြစ် ဖြစ် ဒီပရိသတ်တွေရှိလို့ ကြိုးစားရကျိုးနပ်တယ်။ ဝိုင်းစု ဘာတွေပဲဖြစ်နေနေ ဝိုင်းစုအိမ်ထောင်ကွဲ လည်း ပရိသတ်တွေ အားပေးတယ်။ ဘယ်လိုပဲဖြစ်ဖြစ် အားပေးတယ်။ သူတို့အားပေးလို့လည်း ဒီလိုမျိုးရပ်တည်လို့ရနေတာ။ အဲဒီရပ်တည်မှုအတွက် သူတို့ကို အရမ်းAppreciate လုပ်တယ်။ "

Source : local media

Alexa