နိုင်ငံတော်အတိုင်ပင်ခံပုဂ္ဂိုလ်နဲ့အတူတွေ့ရတဲ့ သူတို့

မြန်မာပြည်မှာသာမက ကမ္ဘာကပါအထင်ကြီးလေးစားခံရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကတော့ အနုပညာရှင်တွေရဲ့ ချစ်ခင်လေးစားမှုတွေကိုလည်း ရရှိထားတာဖြစ်ပါတယ်။

နိုင်ငံတော်အတွက် အနစ်နာခံ ကြိုးစားနေပြီး ရိုးရှင်းတဲ့ အမေစုရဲ့ နေထိုင်မှုပုံစံကလည်း အများလေးစားအတုယူစရာမို့ မြန်မာပြည်ရဲ့ နာမည်ကြီးအနုပညာရှင်များကလည်း သူမကို မိခင်သဖွယ် ဂါရဝတရားထားကြပါတယ်။

မတ်လ(၃၀)ရက်နေ့မှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို မင်းသား လူမင်းတို့ဇနီးမောင်နှံ ၊ ဒါရိုက်တာဝိုင်းနဲ့ ဇာတ်မင်းသားဖိုးချစ်တို့က အိမ်တိုင်ရာရောက် သွားရောက်ကန်တော့ခဲ့တယ်လို့ သိရပါတယ်။

အကယ်ဒမီလူမင်း တို့ဇနီးမောင်နှံကတော့ အမေစုကို ရွေးကောက်ပွဲမတိုင်ခင်ထဲက ချစ်ခင်လေးစားပြီး NLD အစိုးရကို မဲပေးရွေးချယ်ခဲ့ကြပါတယ်။

လူမင်းတို့ဇနီးမောင်နှံဟာ အမေစုနဲ့တွေ့ဆုံကန်တော့ခွင့်ရခဲ့တဲ့ ပုံတွေကိုတော့ သူတို့ရဲ့ ဖေ့ဘုတ်အကောင့်မှာ ပြန်လည်မျှဝေထားပါတယ်။

သူတို့အားလုံးဟာ NLD အစိုးရအတွက် တခြားသောအနုပညာရှင်တွေနဲ့လည်း တက်ညီလက်ညီ မဲဆွယ်စည်းရုံးရေးတွေမှာပါဝင်လှုပ်ရှားခဲ့ကြတာဖြစ်ပါတယ်။

အခုလို အမေစုနဲ့တရင်းတနှီးတွေ့ခွင့်ရတဲ့ သူတို့ကိုတော့ ပရိသတ်အချို့က အားကျမဆုံးဖြစ်လို့နေပါတယ်။  

Source : Ayarwaddy Lumin fb