စင်ပေါ်မှာဖြိုးမြတ်အောင်ကို English လိုပြောခိုင်းတဲ့အခါ ဖြိုးမြတ်အောင်က ဘာပြန်ပြောလိုက်သလဲ ?

ဒီ Video File လေးကိုတော့ ဖြိုးမြတ်အောင်ရဲ့ သူငယ်ချင်းဖြစ်သူက လူမှုကွန်ယက်မှာပြန်တင်ထားခဲ့တာပါ ။ မြန်မာပြည်သူတွေအားလုံး စိတ်ဝင်တစားကြည့်ရှုအားပေးရင်း ခံစားချက်တွေအဖုံဖုံ ကိုပေးစွမ်းသွားခဲ့တဲ့ Myanmar Idol Season 3 ပွဲကြီးကတော့ မကြာသေးခင်ကပဲပြီးဆုံးသွားခဲ့ပါပြီ ။ Season 3 ဟာဆိုရင်တော့ အခြားသော Idol ပွဲတွေထက် ထူးခြားမှုတွေဖြစ်ခဲ့ပါတယ် ။ Finalist ချမ်းမြေ့မောင်ချိုနဲ့ ဖြိုးမြတ်အောင်တို့နှစ်ယောက် ပြိုင်ဆိုင်ရမယ်ဆိုပေမယ့် ချမ်းမြေ့မောင်ချိုရဲ့ ကျန်းမာရေးအခြေအနေကြောင့် နောက်ဆုံးမှာဝင်ရောက်ယှဉ်ပြိုင်နိုင်ခြင်းမရှိခဲ့ပါဘူး ။ Winner ဆုကို season တစ်ခုလုံးက ပြိုင်ပွဲတွေတိုင်းမှာ ဒိုင်တွေရဲ့ မှတ်ချက်ကောင်းတွေ ရရှိခဲ့တဲ့ ဖြိုးမြတ်အောင်ကပဲ ရရှိသွားခဲ့ပါတယ် ။ ဒီပွဲစဉ်အပြီးမှာတော့ ဂုဏ်ပြုညစာစားပွဲလေး ပြုလုပ်တဲ့နေရာမှာ ရိုက်ကူးထားခဲ့တဲ့ Video File လေးကို ဖြိုးမြတ်အောင်ရဲ့ သူငယ်ချင်းဖြစ်သူက လူမှုကွန်ယက်မှာတင်ထားခဲ့တာဖြစ်ပါတယ် ။

Video File ကတော့ ဖုန်းနဲ့ အလွတ်သဘော အပျော်ရိုက်ကူးထားတဲ့ Video File လေးပါ ။ အစားအသောက်နဲ့ တည်ခင်းဧည့်ခံနေရင်း ပြိုင်ပွဲဝင်တွေက စင်ပေါ်မှာ လွတ်လွတ်လပ်လပ် အမှတ်တရတွေပြော သီဆိုဖျော်ဖြေမှုတွေပြုလုပ်နေတာကို ရိုက်ကူးထားတာဖြစ်ပါတယ် ။ Video ရဲ့ တနေရာမှာတော့ ဇော်ကြီးနဲ့ နေခန့်မင်းသစ် တို့နှစ်ယောက်က စင်ပေါ်မှာ English လို စနောက်ရင်း ဖြိုးမြတ်အောင်ကိုပါခေါ်ပြီး English လိုပဲပြောရမှာဆိုပြီး ၀င်ပြောခိုင်းတဲ့အခါ ဖြိုးမြတ်အောင်က ပြန်ပြောလိုက်တဲ့စကားလေးကိုိ ဖြိုးမြတ်အောင်ရဲ့သူငယ်ချင်းက

"သူတို့အမြင်​က ဟာသဆို​ပေမယ်​့

ကျွန်​​တော်​့အမြင်​က

သူငယ်​ချင်​းဖြိုး​လေးအတွက်​

ရင်​အရမ်​းနာရပါတယ် " ​ဆိုပြီး တင်ထားခဲ့တာပါ ။

ဖြိုးမြတ်အောင်က

" ကျွန်တော် English လိုက နှစ်လုံးပဲတက်ပါတယ် ။ အဲဒါက Okay ရယ် Thanks You ရယ်တော့ ကောင်းကောင်းပြောတတ်ပါတယ် " လို့ပြန်ဖြေခဲ့တာပါ ။

(သူတို့သူငယ်ချင်းသုံးယောက် ဟာသလုပ်ကြတာကို Video Clip ရဲ့ Time 18:19 ကစကြည့်နိုင်ပါတယ်) 

နောက်ပိုင်းမှာလဲ ကျန်တဲ့ ပြိုင်ပွဲဝင်သူငယ်ချင်းတွေက English လို ဟာသဆက်လက် လုပ်နေကြပြီး ဖြိုးမြတ်အောင်ကိုထပ်မံ မေးခွန်းမေးစဉ်မှာတော့

ဖြိုးမြတ်အောင်က

" ကျွန်တော် တစ်လုံးမှတော့ နားမလည်ပါဘူး ။ ဒါပေမယ့် ကျွန်တော် မြန်မာလူမျိုးဖြစ်တဲ့အတွက် မြန်မာစကားပဲပြောပါတယ် ။ " လို့ ပြောခဲ့ပါတယ် ။

ဒီ Video File လေးကတော့ ပျော်ပွဲရွှင်ပွဲပီပီ အပျော်တွေနဲ့ ပြည့်နေပေမယ့် ဖြိုးမြတ်အောင်ကို ချစ်တဲ့ ပရိတ်သတ်တွေအတွက်တော့ ဒီစကားလေးတွေကို သတိထားမိပြီး စိတ်မကောင်းဖြစ်နေကြတာပါ ။ ဖြိုးမြတ်အောင်နဲ့ပါတ်သတ်ပြီး အသေးအဖွဲလေးကအစ ဂရုစိုက်ချစ်ခင်ပေးနေတယ်ဆိုတာလဲ ပေါ်လွင်နေပါတယ် ။ Myanmar Idol Season 3 ကတော့ ထူးခြားစွာပဲ ပြီးဆုံးသွားခဲ့ပြီး Winner ဖြိုးမြတ်အောင်ကလည်း ဆုအပြင် သူ့ကို လေးလေးနက်နက် ချစ်ခင်အားပေးတဲ့ ပရိတ်သတ်တွေပါ ပိုင်ဆိုင်သွားခဲ့တာပါပဲ ။ ဂုဏ်ယူပါတယ် ကိုဖြိုးမြတ်အောင်ရေ ...  

သတင်းအရင်းမြစ် DZT