ဂျပန်ဖိုက်တာခိုဟီဟိုခဲရှီကို အကောင်းဆုံးတိုက်ကွက်တွေပြသခဲ့တဲ့ ရွှေရာမာဉ်(မြန်မာ)

မြန်မာ့လက်ဝှေ့ကို ကမ္ဘာ့အဆင့်မီပြုလုပ်မှုတွေပြုလုပ်လျှက်ရှိပြီး လက်ရှိပြည်တွင်းသာမက အာရှနိုင်ငံများစွာတွင်လည်း မြန်မာ့လက်ဝှေ့အစွမ်းကိုအားလုံးလေးစားလျှက်ရှိတာတွေ့ရပါတယ်။ အဆိုပါ လေးစားနေသူတွေထဲမှာ ဂျပန်နိုင်ငံလက်ဝှေ့ချစ် ဂျပန်လူမျိုးပရိသတ်များစွာလည်းပါဝင်လျှက်ရှိတာတွေ့ရပါတယ်။  

၁၉ရက်နေ့ နေ့လည်၂နာရီမှာကျင်းပပြုလုပ်ခဲ့တဲ့ မြန်မာ့လက်ဝှေ့ကမ္ဘာ့ချန်ပီယံပြိုင်ပွဲကို မြန်မာ့-ဂျပန်ပူးပေါင်းဆောင်ရွက်ခဲ့ပြီး နှစ်နိုင်ငံကိုယ်စားပြုဖိုက်တာများစွာဝင်ရောက်ယှဉ်ပြိုင်ခဲ့ကြတာတွေ့ရပါတယ်။ လက်ရှိဂျပန်နိုင်ငံတွင်လည်း မကြာခနမြန်မာ့လက်ဝှေ့ပွဲများ ပြုလုပ်ကျင်းပပေးလျှက်ရှိပြီး ကမ္ဘာ့အဆင့်မီပြိုင်ပွဲတွေအဖြစ်ပြုလုပ်ဆောင်ရွက်ပေးလျှက်ရှိတာတွေ့ရပါတယ်။  

၁၉ရက်နေ့က ကျင်းပပြုလုပ်ခဲ့တဲ့ (LETHWEI WORLD CHAMPIONSHIP 3)73 Kg လက်ဝှေ့ပွဲတွင် ရွှေရာမာဉ်(မြန်မာ)နှင့် ခိုဟီဟိုခဲရှီ(ဂျပန်)တို့ထိုးသတ်ခဲ့ကြပြီး မြန်မာ့လက်ဝှေ့ပညာကို ဂျပန်လူမျိုးတွေလေးစားလောက်အောင်ပြသနိုင်ခဲ့တာတွေ့ရပါတယ်။ အဆိုပါပြိုင်ပွဲတွင် ရွှေရာမာဉ်(မြန်မာ)က ခိုဟီဟိုခဲရှီကိုအကောင်းဆုံးတိုက်ကွက်တွေဖြစ် ထိုးသတ်နိုင်ခဲ့ပြီး အသာစီးသရေရလဒ်ဖြစ်ပွဲပြီးခဲ့ကြောင်း သိရပါတယ်။ လာရောက်ကြည့်ရှုသူတွေအတွက် အကောင်းဆုံးပွဲအဖြစ်သုံးသပ်ခြင်းခံထားရတဲ့ အဆိုပါပွဲပုံရိပ်လေးတွေကို ချစ်ပရိသတ်တွေအတွက် မျှဝေပေးလိုက်ပါတယ်။

Photos - Martial Art Page Myanmar