မြန်မာနိုင်ငံဖွား ဒီဇိုင်နာရှီဘူရဇာနည်ရဲ့ တိုကျိုမြို့ မြန်မာ့ပိုးချည်ဒီဇိုင်းပြခန်းကို ကိုယ်တိုင်သွားရောက်လေ့လာကြည့်ရှု့ခဲ့တဲ့ ဒေါ်အောင်ဆန်းစုကြည်

မြန်မာ့နိုင်ငံရဲ့ အဓိကပဲ့ကိုင်ရှင်တစ်ဦးဖြစ်တဲ့ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကတော့ မကြာသေးမီက ဂျပန်နိုင်ငံကို ရောက်ရှိနေကြောင်းသိရပါတယ်။ အဆိုပါ ဂျပန်နိုင်ငံရဲ့အဓိကမြို့ကြီးဖြစ်တဲ့ တိုကျိုမြို့ရှိ မြန်မာပိုးချည်ဒီဇိုင်းပြခန်းကို မနေ့က အောက်တိုဘာ ၈ရက်နေ့မှာ ကိုယ်တိုင်သွားရောက်လေ့လာခဲ့ကြောင်း သိရပါတယ်။  

အဆိုပါ မြန်မာ့ပိုးချည်ဒီဇိုင်းပြခန်းကတော့ မြန်မာပြည်ဖွားဂျပန်နိုင်ငံသား ဖက်ရှင်ဒီဇိုင်နာ ရှီဘူရဇာနည်ရဲ့ ဖက်ရှင်ဒီဇိုင်းပြခန်းတစ်ခုဖြစ်ကြောင်းသိရပါတယ်။ ၎င်းပြခန်းမှာ ဒီဇိုင်နာ ရှီဘူရဇာနည်ရဲ့ မြန်မာပြည်ကထွက်တဲ့ပိုးချည်တွေနဲ့ ပြုလုပ်ဖန်တီးထားတဲ့ဒီဇိုင်းဝတ်စုံတွေကိုလည်း ခင်းကျင်းပြသထားပါတယ်။ ရှီဘူရဇာနည်က ၈ နှစ်သားအရွယ်ကတည်းက ဂျပန်နိုင်ငံကို မိသားစုနဲ့အတူ နိုင်ငံရေးခိုလှုံခွင့်နဲ့ သွားရောက်နေထိုင်ခဲ့သူတစ်ယောက်လည်း ဖြစ်တာတွေ့ရပါတယ်။  

နိုင်ငံတော်အတိုင်ပင်ခံဒေါ်အောင်ဆန်းစုကြည်ဟာ ၁၀ ကြိမ် မြောက် မဲခေါင်- ဂျပန် ထိပ်သီး အစည်းအဝေးပွဲကို တက်ရောက်ဖို့ ဂျပန်နိုင်ငံ တိုကျို မြို့တော်ကို ရောက်ရှိနေတာ ဖြစ်ကြောင်း သိရပါတယ်။ ဒေါ်အောင်ဆန်းစုကြည်ကတော့ ဖက်ရှင်နှင့်ပတ်သက်ပြီး ဝါသနာပါသူတစ်ယောက်ဖြစ်ပြီး ဖက်ရှင် အကြောင်း ဆောင်းပါးကို ရေးသားထားသူတစ်ယောက်လည်းဖြစ်တာတွေ့ရပါတယ်။ မနေ့က တိုကျိုမြန်မာ့ပိုးချည်ဒီဇိုင်းပြခန်းကို သွားရောက်ခဲ့တဲ့ အမေစုရဲ့ ပုံရိပ်လေးတွေကို ချစ်ပရိသတ်တွေအတွက် မျှဝေပေးလိုက်ပါတယ်။

pHOTOS - bbC B