ဂျပန်ကလပ်တိုရေးအသင်းကိုမြင့်မားတဲ့လစာနဲ့ပြောင်းရွေ့တော့မယ့် အောင်သူ

မြန်မာ့လက်ရွေးစင်ဘော်လီဘောကစားသမားအောင်သူကတော့ ဂျပန်ကလပ် တိုရေးအသင်း၌သွားရောက်ကစားတော့မှာဖြစ်ပါတယ်။အရင်ကတည်းကသတင်းတွေ

ထွက်ခဲ့ပေမယ့်ပြိုင်ပွဲတွေရှိနေတာကြောင့်ပြိုင်ပွဲပြီးမှဆုံးဖြတ်မယ်လို့ပြောခဲ့တာဖြစ်ပါတယ်။

အောင်သူသည်ထိုင်းနှင့်ဗီယက်နမ်ကလပ်အသင်းများတွင်သွားရောက်ကစားဖူးပြီးတိုရေးအသင်းတွင်

မူယခင်အသင်းများ၌ရရှိခဲ့တဲ့လစာထက်ပိုများတဲ့လစာကိုရရှိမှာဖြစ်ပါတယ်။

တိုရေးဘော်လီဘောကလပ်အသင်းသည်ဂျပန်နိုင်ငံ၏အဆင့်မြင့်ဆုံးဘော်လီဘောလိဂ်ဖြစ်သော

VLeague၌ဝင်ရောက်ယှဉ်ပြိုင်နေသည့်အသင်းဖြစ်ပြီး ၂၀၀၄-၂၀၀၅ရာသီ၊ ၂၀၀၈-၂၀၀၉ရာသီနှင့် ၂၀၁၆-၂၀၁၇ရာသီတွင်ချန်ပီယံဆုရရှိခဲ့ဖူးသည်။ယင်းအသင်းသည် ဇူလိုင် ၃၀ ရက်မှ သြဂုတ် ၆ ရက်အထိနေပြည်တော်၌ကျင်းပသည့် ၂၀၁၈အာရှကလပ်ချန်ပီယံရှစ်ဘော်လီဘောပြိုင်ပွဲတွင်ပါဝင်ယှဉ်ပြိုင်ခဲ့ရာ အဆင့် ၅ နေရာရခဲ့ကြောင်းသိရပါတယ်။

အောင်သူသည် ပြည်ပကလပ်အသင်းများတွင် ရှစ်နှစ်ကြာသွားရောက်ကစားဖူးပြီး ထိုင်းကလပ် နာခွန်ရာချတ်စီမာအသင်းတွင် နောက်ဆုံး ၃ ရာသီဆက်တိုက် ပါဝင်ကစားခဲ့သူဖြစ်သည်။ ထို့ပြင် ပြီးခဲ့သည့်ရာသီတွင် နာခွန်ရာချတ်စီမာအသင်းနှင့်ထိုင်းလိဂ်ပြိုင်ပွဲတွင်ဗိုလ်စွဲခဲ့ပြီး ပြိုင်ပွဲ၏တန်ဖိုးအရှိဆုံးကစားသမားဆုကိုပါဆွတ်ခူးရရှိခဲ့တာဖြစ်ပါတယ်။

PHOTO:Naing Aung Thu