၁၂နာရီကျော်မိးလောင်မှုရပ်တန့်သွားခြင်းမရှိသေးတဲ့ လှိုင်သာယာမီးလောင်မှုကြီး

မနေ့က အောက်တိုဘာလ ၂၅ရက်နေ့ ည ၉နာရီကျော်ကစတင်လောင်ကျွမ်းခဲ့တဲ့ လှိုင်သာယာမီးလောင်မှုသတင်းတွေကိုတော့ ပရိသတ်တွေလည်း ကြားသိကြမယ်ထင်ပါတယ်။ အဆိုပါ မီးလောင်မှုကြီးကတော့ ရန်ကုန်တိုင်းဒေသကြီး လှိုင်သာယာမြို့နယ်၊ စက်မှုဇုန် ၃၊ ဘုရားလမ်းထိပ် AA Electronics စက်ရုံမီးလောင်ကျွမ်းမှုတစ်ခုပဲဖြစ်ပါတယ်။  

မီးလောင်ကျွမ်းရာနေရာသို့ မီးသတ်ကားများစွာသွားရောက် ငြိမ်းသတ်ခဲ့ကြပေမယ့် လက်ရှိအထိငြိမ်းသတ်နိုင်ခဲ့ခြင်းမရှိသေးကြောင်း သိရပါတယ်။ လက်ရှိ မီးလောင်ကျွမ်းမှုကို Level 5 အဆင့်ဖြင့် ငြိမ်းသတ်နေရပြီး မီးထိန်းနိုင်ခြင်းမရှိသေးကြောင်း သိရပါတယ်။ မီးလောက်ချိန်(၁၂)နာရီကျော် ကြာမြင့်သော်လည်းမငြိမ်း သတ်နိုင်သေးတာကြောင့် မီးသတ်တပ်ဖွဲ့ဝင်များ၊ အရံမီးသတ်တပ်ဖွဲ့ဝင်များ၊ ကူညီပံ့ပိုးနေကြတဲ့ အုပ်ချုပ်ရေးပိုင်းဆိုင်ရာပုဂ္ဂိုလ်များနှင့် လုံခြုံရေးဆောင်ရွက်ပေးနေတဲ့ မြန်မာနိုင်ငံရဲတပ်ဖွဲ့ဝင်တွေကတော့ ဆက်လက်ကြိုးစားလုပ်ကိုင်လျှက်ရှိကြောင်း သိရပါတယ်။  

လက်ရှိ မီးလောင်မှုကြောင့် ဆုံးရှုံးမှုတွေနဲ့ သေဆုံးသူတွေရဲ့ စာရင်းကိုမသိရှိရသေးပဲ မီးငြိမ်းသတ်နိုင်ရန် ဆက်လက်ကြိုးစားလျှက်ရှိကြောင်း သိရပါတယ်။ ကြောက်စရာမီးလောင်မှုကြီးတွေထဲက တစ်ခုဖြစ်ခဲ့တဲ့ မနေ့က လှိုင်သာယာ AAအီလက်ထရောနစ်စက်ရုံ၊စက်မှုဇုန်(၃)မီးလောင်မှုဗီဒီယိုဖိုင်လေးကိုချစ်ပရိသတ်တွေအတွက်မျှဝေပေးလိုက်ပါတယ်။

vEDIO - MYANMAR FIRE SERVICE DEPARTMENT