ထိုင်းနိုင်ငံရဲ့ နာမည်ကျော်ရုပ်သံလိုင်း Channel 3 က ရုပ်သံဇာတ်လမ်းတွဲတွေကို မြန်မာရုပ်သံလိုင်းတွေမှာပြသလေ့ရှိတာမို့ ပါဝင်သရုပ်ဆောင်တဲ့ မင်းသားမင်းသမီးတွေကို မြန်မာပရိတ်သတ်က မျက်မှန်းတန်းမိမှာပါ ။ ယခုလဲ Channel 3 က နာမည်ကြီးမင်းသားနဲ့ မင်းသမီးတို့ဟာဘုရားဖူးဖို့အတွက် မြန်မာနိုင်ငံကိုရောက်ရှိနေပါတယ် ။ မင်းသား အမည်ကတော့ James Ma ဖြစ်ပြီး မင်းသမီးလေးကတော့ Kim လို့ မြန်မာပရိတ်သတ်တွေချစ်စနိုးခေါ်ကြတဲ့ Kimberly ပါ ။ Kim အတွက်ကတော့ ဒါက ပထမဆုံး မြန်မာခရီးစဉ်မဟုတ်ပါဘူး ။ ယခင်ကလဲ ဘုရားဖူးဖို့လာရောက်ဖူးပါတယ် ။ သူတို့အပြင် အခြား Channel 3 က ဗုဒ္ဓဘာသာဝင် မင်းသားမင်းသမီးတော်တော်များများဟာ မြန်မာနိုင်ငံကိုခဏခဏ လာရောက်လေ့ရှိပါတယ် ။ သူတို့အလုပ်တွေအောင်မြင်ဖို့အတွက် ယုံယုံကြည်ကြည်နဲ့ ဘုရားလာဖူးပြီး ဆုတောင်း အဓိဌာန်ပြုကြတာပါ ... မြန်မာနိုင်ငံလိုပဲ ဗုဒ္ဓဘာသာပေါများတဲ့သူတို့တိုင်းပြည်မှာ ဗိုလ်တစ်ထောင်ဘုရားအကြောင်းက သူတို့နိုင်ငံက သတင်းစာတွေထိ ကျော်ကြားပါတယ် ။ ဗိုလ်တစ်ထောင်ဘုရားက အစ်မတော် မြနန်းနွယ် ၊ ဗိုလ်တစ်ထောင်ဘိုးဘိုးကြီးတို့ကိုလဲ မြန်မာပြည်ရောက်တဲ့ ထိုင်းအကုန်လုံးလိုလို လာရောက် ဦးခိုက်လေ့ရှိပါတယ် ။ Channel 3 ကမင်းသားမင်းသမီးတွေကတော့ မြန်မာနိုင်ငံမှာလဲ သူတို့ကိုအားပေးတဲ့ ပရိတ်သတ်တွေရရှိနေပြီး ကရင်ရိုးရာဝတ်စုံ ၊ ရှမ်းရိုးရာဝတ်စုံ ၊ မြန်မာ ပုဆိုး ၊ မြန်မာ ထမီ တို့နဲ့ ရိုက်ထားတဲ့ဓါတ်ပုံတွေကိုလဲ သူတို့ရဲ့ လူမှုကွန်ယက်တွေမှာ ရံဖန်ရံခါတင်ပေးလေ့ရှိပါတယ် ။ ထိုင်းဇာတ်လမ်းတွဲတွေကိုကြိုက်တဲ့ပရိတ်သတ်တွေအတွက် ယခု မြန်မာနိုင်ငံကိုရောက်ရှိနေတဲ့ မင်းသားနဲ့မင်းသမီးရဲ့ အကြောင်းလေးတွေကိုလဲဖော်ပြပေးလိုက်ပါတယ်နော် ။
Kimberly
Kimberly ရဲ့ အမည်အရင်းကတော့ Kimberley Anne Tiamsiri Woltemas ပါ ။
ပရိတ်သတ်တွေကတော့ Kimmy သို့မဟုတ် Kim လို့ချစ်စနိုးခေါ်ကြပါတယ် ။
ထိုင်းနဲ့ဂျာမန်သွေးနှော ဖြစ်ပြီး ဂျာမနီမှာမွေးဖွားခဲ့သူပါ ။
ထိုင်း ၊ အင်္ဂလိပ် နဲ့ ဂျာမန် စကားသုံးမျိုးစလုံးကျွမ်းကျင်ပါတယ် ။
အရပ်အမြင့်က 5 ပေ ၆ လက်မရှိပါတယ် ။
မင်းသား Mark Prin နဲ့ ချစ်သူတွေပါ ။
သူတို့နိုင်ငံမှာ ထင်ရှားတဲ့ Cele စုံတွဲလဲဖြစ်ပါတယ် ။
မျက်နှာချိုတဲ့မင်းသမီးလေးဟာ ပျော်ပျော်ရွှင်ရွှင်နေတတ်သူလဲဖြစ်ပါတယ်တဲ့ ။
ပန်းတွေကိုချစ်တတ်ပြီး အိမ်မှာ အလှဆင်ဖို့ အမြဲတမ်းပန်းတွေဝယ်နေတတ်ပါတယ် ။
အစားကောင်းလဲကြိုက်တတ်သူပါ ။
သူမပထမဆုံးသရုပ်ဆောင်ထားတဲ့ Thara Himalaya ဇာတ်လမ်းတွဲလေးဟာမြန်မာနိုင်ငံမှာလဲ ပြသပြီးအောင်မြင်မှုရရှိထားပါတယ် ။
ထိုဇာတ်လမ်းတွဲထဲမှာ သူမက အခြားတိုင်းပြည်ကမင်းသားတစ်ပါး
အသက်အန္တရယ်ကြုံပြီး ထိုင်းကဆေးရုံကိုအမည်မသိလူနာအဖြစ်ရောက်ရှိလာခဲ့သောအခါ ကူညီကယ်ဆယ်ရင်း
ထိုမင်းသားနဲ့ချစ်ကြိုးသွယ်မိပြီး မိဖုရားဖြစ်သွားခဲ့တဲ့ ဆရာဝန်မလေးအဖြစ်သရုပ်ဆောင်ထားတာဖြစ်ပါတယ် ။
ထိုင်းနိုင်ငံက Beetalk ကြော်ငြာကိုရိုက်ကူးပေးတဲ့ မင်းသမီးပါ ။
သူမဟာ ကြော်ငြာအများအပြား ၊ Music Vedio များ ၊ ဇာတ်လမ်းတိုများ ၊ ဇာတ်လမ်းတွဲများစွာ ရိုက်ကူးနေတဲ့
နာမည်ကျော်မင်းသမီးတစ်ယောက်ဖြစ်ပါတယ် ။
အတူတူခရီးထွက်လာတဲ့ James Ma နဲ့အတူ Piang Chai Kon Nee Mai Chai Poo Wised ဇာတ်လမ်းတွဲကို ရိုက်ကူးခဲ့ပါတယ် ။
James Ma
James Ma ရဲ့ အမည်အရင်းကတော့ James Assarasakorn ပါတဲ့ ။
ဟောင်ကောင်နဲ့ ထိုင်းအနွယ်ဖွား မင်းသားတစ်ယောက်ဖြစ်ပါတယ် ။
July 3, 1993 မှာမွေးတာမို့ အသက်ကတော့ ၂၃ နှစ်ရှိပါပြီ ။
ဗုဒ္ဓဘာသာဝင် တစ်ယောက်ပါ ။
အရပ်ကတော့ ၆ ပေ ၁ လက်မ ရှိပါတယ်တဲ့ ။
ချစ်သူမရှိပါဘူးတဲ့ ။ Single စစ်စစ်ကလေးပါ ။
မောင်နှမ နှစ်ယောက်မှာ သူက အကြီးပါ ။ သူ့အောက်မှာ ညီမလေးတစ်ယောက်ရှိပါတယ် ။
အကြိုက်ဆုံးအရောင်ကတော့ အပြာနဲ့ လိမ္မော်ပါ ။
သူဟာ သရုပ်ဆောင်မော်ဒယ် တစ်ယောက်အပြင် အစီအစဉ်တင်ဆက်သူတစ်ဦးလဲ ဖြစ်ပါတယ် ။
အသက် ၈ နှစ်အရွယ်ထိဟောင်ကောင်မှာနေခဲ့ပြီး နောက်ပိုင်းမှ ထိုင်းကိုပြောင်းရွှေ့ခဲ့ပါတယ် ။
အစားအသောက်ကောင်းကောင်းကြိုက်တတ်တဲ့ James ဟာ စားသောက်ဆိုင်ကြီးတစ်ဆိုင် ပိုင်ဆိုင်သူ ပါ ။
ဘဲသားခေါက်ဆွဲပြုတ်ကို အကြိုက်ဆုံးဖြစ်ပြီး အခြားထိုင်းစာတွေလဲ အကုန်ကြိုက်ပါတယ်တဲ့့ ။
ကြောင်ချစ်တတ်တဲ့ မင်းသားတဲ့ ယုန်လေးတွေကိုလဲ ချစ်ပါတယ် ။
စိတ်သဘောထား နူးညံပြီး အေးဆေးနေတတ်ပေမယ့် အဖော်ကောင်းတဲ့အခါ အလွန်ပျော်တတ်တဲ့ မင်းသားပါ ။
တရုတ်ကန်တုံစကား ၊ English စကား နဲ့ ထိုင်းဘာသာစကား သုံးမျိုးလုံးပြောတတ်ပါတယ် ။
ယခုသူနဲ့ ခရီးတူတူလာတဲ့ မင်းသမီး Kimberly ရဲ့ ပရိတ်သတ်တစ်ယောက်လဲဖြစ်ပါတယ်တဲ့ ။ မင်းသမီးက သူ့ထက် အနုပညာလောကကိုရောက်တာပိုစောပါတယ် ။ ပရိတ်သတ်တွေကိုပြောပြတဲ့ သူ့ ရဲ့ အိပ်မက်ထဲက ချစ်သူပုံစံကတော့ တတ်ကြွပြီး စမတ်ကျနေရမယ် ။ သူ့အကြောင်းကို ကောင်းကောင်းသိပြီး သူ့ကို ပျော်ရွှင်အောင်ထားနိုင်မယ့်သူမျိုးကို ချစ်သူတော်ချင်ပါတယ်တဲ့ ။ ဘယ်လိုချစ်ခွင့်ပန်မလဲဆိုတော့ ... သူချစ်ရတဲ့ကောင်မလေးကိုတွေ့ခဲ့ရင် ရည်းစားစာ ရေးပြီးပေးမယ် ... ဒါမှမဟုတ် ရေတံခွန် ၊ ပင်လယ် တို့နားမှာ ချစ်ခွင့်ပန်ချင်ပါတယ်တဲ့ ။ သူကဆက်ပြောပါသေးတယ် ... မိန်းကလေးတစ်ယောက်ကို ချဉ်းကပ်ဖို့ ဂန္တဝင်အဆန်ဆုံးနည်းလမ်းက ရည်းစားစာ ပါပဲ ။ Romantic ပိုဆန်တယ်လို့ခံစားရတယ် ။ ခံစားရသမျှ အကုန်စာထဲမှာ ချရေးပြနိုင်တယ်တဲ့ ။ ဒီခေတ်မှာ ဒီနည်းလမ်းကိုသိပ်မသုံးကြတော့ဘူးဆိုတာ သိပေမယ့် ဒါဟာ တကယ့်ကိုဆွဲဆောင်မှုအရှိဆုံး ချစ်ခွင့်ပန်နည်းလို့ ကျွန်တော်ထင်ပါတယ် လို့ ပြောကြားထားသူပါ ။ သူ့ချစ်သူကတော့ ရည်းစားစာကောင်းကောင်းတစ်စောင်တော့ သေချာပေါက်ဖတ်ရမှာပါပဲ ။ မြန်မာနိုင်ငံမှာ သူပါဝင်တဲ့ မင်းသား ၅ ပါးကားလို့ နာမည်ကြီးတဲ့ရုပ်သံဇာတ်လမ်းတွဲ The Gentlemen of Jutathep ကိုတော့ပြသပြီးပါပြီ ။ ထိုင်းမှာတော့ သူခေါင်းဆောင်မင်းသားအဖြစ်သရုပ်ဆောင်ထားတဲ့ Piang Chai Kon Nee Mai Chai Poo Wised ဇာတ်လမ်းတွဲလေးက လတ်တလောမှာရေပန်းစားနေပါတယ် ။
Source : sharerice
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။