မြန်မာ့နိုင်ငံရဲ့ အဓိကပင်မ ပဲ့ကိုင်ရှင်တစ်ဦးဖြစ်တဲ့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့ လှုပ်ရှားမှုတိုင်းကို ပြည်တွင်း ပြည်ပလေ့လာကြည့်ရှု့သူများစွာရှိနေတာ အားလုံးအသိပဲဖြစ်မယ်ထင်ပါတယ်။ နိုင်ငံထိပ်သီးခေါင်းဆောင်များရဲ့ အာရုံစိုက်မှုကို အဓိကခံနေရသူတစ်ဦးဖြစ်ပြီး နိုင်ငံတာဝန်များစွာကို ထမ်းဆောင်နေတဲ့ ရဲရင့်သူအမျိုးသမီးသူရဲကောင်းတစ်ဦးလည်းဖြစ်တာကို အားလုံးလက်ခံကြမယ်ထင်ပါတယ်။ အမေစုကတော့ လက်ရှိပြည်ပနိုင်ငံများစွာကို သွားရောက်လေ့ရှိပြီး နိုင်ငံအတိုင်ပင်ခံပုဂ္ဂိုလ်တစ်ဦးအဖြစ် တာဝန်ထမ်းဆောင်လျှက်ရှိသူတစ်ယောက်ပဲဖြစ်ပါတယ်။
ခတ်ခဲ့ကြမ်းတမ်းတဲ့ ဘဝတွေကို ဖြတ်သန်းခဲ့ရသူတစ်ယောက်ဖြစ်ပြီး သူမရဲ့ ငယ်ဘဝပုံရိပ်တွေကတော့ ပြန်လည်တွေ့မြင်နိုင်ဖို့ အလွန်ရှားပါးတာကိုတော့ အားလုံးလည်း သိမယ်ထင်ပါတယ်။ အမေစုရဲ့ အတိတ်ကလှုပ်ရှားမှုလေးတွေကတော့ အလွန်ရှားပါးပြီး ပြန်လည်တွေ့မြင်နိုင်ဖို့ မလွယ်ကူတာပဲဖြစ်ပါတယ်။ အဆိုပါ အတိတ်ကအမေစုရဲ့ ပုံရိပ်လေးတွေထဲမှာ ကချင်ပြည်နယ်ကိုသွားရောက်ခဲ့ဖူးတဲ့ ပုံရိပ်လေးတွေကတော့ လက်တလောပရိသတ်တွေကြားမှာရေပန်းစားလျှက်ရှိတာတွေ့ရပါတယ်။ လက်ရှိ အမေစုကတော့ ကချင်ပြည်နယ် မနောမြေကိုရောက်ရှိနေပြီး ကချင်ရိုးရာဝတ်စုံလေးနဲ့အတူ ချစ်စရာရိုးရာအကတွေကို ပါဝင်ကပြခဲ့တာတွေ့ရပါတယ်။
လက်ရှိ အမေစုက ကချင်ပြည်ရောက်မှုကတော့ နှစ် ၃၀ ကြာမှတဖန်ရရှိခဲ့တဲ့ ပုံရိပ်လေးတွေပဲဖြစ်ပြီး ရှေးအရင် ၁၉၈၉ ခုနှစ်က သွားရောက်လည်း ရောက်ခဲ့ဖူးသူဖြစ်ကြောင်း ပုံရိပ်အထောက်အထားများနှင့်အတူ သက်သေရှိခဲ့တာတွေ့ရပါတယ်။ ချစ်စရာကောင်းတဲ့ ကချင်ရိုးရာယဉ်ကျေးမှုတွေကြားမှာ ကချင်တိုင်းရင်းသူလေးတစ်ယောက်လို ဝတ်ဆင်ကာပျော်ရွှင်နေတဲ့ အမေစုရဲ့ ပုံရိပ်လေးတွေကို ချစ်ပရိသတ်တွေအတွက် မျှဝေပေးလိုက်ပါတယ်။
Photos - ပိတောက်မြေ
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
