ဝေဖန်မှုတွေနဲ့မေးခွန်းထုတ်စရာတွေဖြစ်နေတဲ့အောင်သူ့ရဲ့အပြောင်းအရွေ့

မြန်မာ့လက်ရွေးစင်အသင်းရဲ့အဓိကတိုက်စစ်မှူးဖြစ်တဲ့အောင်သူကတော့ ဒီနှစ်ဘောလုံးရာသီမှာထိုင်းပရီးမီးယားလိဒ်ထိပ်သီးကလပ် မြောင်တောင်ယူနိုက်တက်မှာပါဝင်ကစားတော့မှာဖြစ်ပါတယ်။သူ့ကိုခေါ်ယူဖို့တစ်ခြားထိပ်သီးအသင်းတွေကြိုးစားခဲ့ပေမယ့်လည်း နောက်ဆုံးမှာမြောင်တောင်ယူနိုက်တက်အသင်းကိုပြောင်းရွေ့ခဲ့တာပါ။အောင်သူကတော့မြောင်တောင်ယူနိုက်တက်အသင်းမှာ လေ့ကျင့်ခန်းအစီစဉ်တွေနဲ့ခြေစမ်းပွဲတွေကိုပါဝင်ကစားနေပြီဖြစ်ပါတယ်။

အောင်သူကတော့အသင်းကိုရောက်ရှိပြီးTrainingMatchမှာဂိုးတစ်ဂိုးသွင်းယူနိုင်တာကြောင့်ထိုင်းပရိသတ်တွေရဲ့ စိတ်ဝင်စား စောင့်ကြည့်ခြင်းကိုခံနေရတာဖြစ်ပါတယ်။ထိုင်းပရီးမီးယားလိဒ်ပြိုင်ပွဲဟာနောက်လမှာယှဉ်ပြိုင်ရမှာဖြစ်တာကြောင့်ခုမှာရာသီကြို ဖိတ်ခေါ်ဖလားပြိုင်ပွဲတွေကိုပါဝင်ကစားနေတာဖြစ်ပါတယ်။မြောင်တောင်အသင်းဟာရာသီကြိုဖိတ်ခေါ်ဖလားပြိုင်ပွဲ၂ပွဲကစားထားပြီး မနေ့ကယှဉ်ပြိုင်တဲ့ဗီယက်နမ်ကလပ်အသင်းနဲ့ပွဲမှာတော့(၁-၃)နဲ့ရှုံးနိမ့်ခဲ့ပါတယ်။

မနေ့ကဗီယက်နမ်ကလပ်အသင်းနဲ့ပွဲစဉ်မှာတော့မြန်မာပရိသတ်အချို့က အောင်သူမြောင်တောင်အသင်းကိုပြောင်းရွေ့ခဲ့တဲ့အပေါ် မေးခွန်း ထုတ်စရာဖြစ်ခဲ့ပါတယ်။အောင်သူဟာမြောင်တောင်အသင်းမှာပွဲထွက်ခွင့်ရပေမယ့်အသင်းရဲ့ကစားသမားတစ်ချို့ကတစ်ကိုယ်တော် ကစားနေတာကိုပရိသတ်တွေကိုမြင်တွေ့ခဲ့ရပါတယ်။အောင်သူဆီဘောလုံးပြန်မရောက်တာကြောင့်ပရိသတ်တွေကအောင်သူအသင်း ပြောင်းရွေ့ခဲ့တဲ့အပေါ်မေးခွန်းထုတ်နေခဲ့တာပါ။ခြေစမ်းပွဲတွေပဲရှိသေးတာကြောင့်ရာသီစတဲ့ပွဲစဉ်တွေမှာရောအောင်သူဘယ်လို ခြေစွမ်းတွေနဲ့ကစားမလဲဆိုတာတော့ပရိသတ်တွေစိတ်ဝင်စားနေကြတာဖြစ်ပါတယ်။

SOURCE:Muangthong Myanmar Fan