ပရိတ်သတ်များ အားရကျေနပ်စေရန် လက်ရှိခြေစွမ်းထက်ပိုကောင်းအောင်ကြိုးစားနေကြောင်း ပြောကြားလိုက်တဲ့အောင်သူ

ထိုင်းလိဂ်မြောင်တောင်အသင်းတွင် အဌားသွားရောက်ကစားနေသော မြန်မာ့လက်ရွေးစင်တိုက်စစ်မှူးအောင်သူသည် မြန်မာပရိတ်သတ်များနဲ့မြောင်တောင်ပရိတ်သတ်များ အားရကျေနပ်စေရန် ခြေစွမ်းပြကစားလိုပြီး လက်ရှိခြေစွမ်းထက်ပိုကောင်းအောင် ကြိုးစားနေကြောင်းပြောကြားထားပါတယ်။ အောင်သူသည် မြောင်တောင်အသင်းနှင့်အတူ ၂၀၁၉ ထိုင်းလိဂ်အကြို Leo ဖလားရှုံးထွက်ပြိုင်ပွဲတွင် ပွဲထွက်ကစားသမားစာရင်းမှာ ပါဝင်ခဲ့တာပဲ ဖြစ်ပါတယ်။  

“ ဘယ်လိုပဲ ဖြစ်ဖြစ် ခြေစွမ်းကို အားရကျေနပ်မှုမရှိသေးဘူး။ ဒီထက်ပိုပြီးကစားပြချင်တယ်။ လုပ်ပြချင်တယ်။ နောက်ပွဲတွေမှာ ကိုယ်အားရှိသလောက် ပိုပြီးကြိုးစားမယ်။ မြန်မာပရိတ်သတ်တွေရော၊ မြောင်တောင်ထိုင်းပရိတ်သတ်တွေရော အားပေးကြတဲ့အတွက် ကျေးဇူးအများကြီးတင်ပါတယ်။ အသင်းမှာ အသစ်ရောက်လာတာဖြစ်လို့ စိမ်းနေသေးပင်မဲ့ အသင်းနဲ့တစ်စုတစ်စည်းထဲဖြစ်အောင် ကြိုးစားနေပါတယ်။ အဲ့အတွက်လည်း နားလည်ပေးဖို့ တောင်းဆိုပါတယ် ” လို့ ပြောကြားထားတာပဲ ဖြစ်ပါတယ်။ မြောင်တောင်အသင်းသည် ၂၀၁၉ ထိုင်းလိဂ်အကြို Leo ဖလားရှုံးထွက်ပြိုင်ပွဲတွင် ဝင်ရောက်ယှဉ်ပြိုင်ပြီး ၁၆သင်းအဆင့်တွင် ဆာမက်ဆာခွန်ကို တစ်ဂိုး ဂိုးမရှိဖြင့်အနိုင်ရရှိသော်လည်း ကွာတားအဆင့်တွင် ဟနွိုင်းအသင်းကို သုံးဂိုး တစ်ဂိုးဖြင့် ရှုံးနိမ့်ကာပြိုင်ပွဲမှ ထွက်ခဲ့ရတာလည်း ဖြစ်ပါတ

ယင်းပြိုင်ပွဲနှစ်ပွဲစလုံးတွင် အောင်သူဟာပွဲထွက်ကစားသမားအဖြစ်ပါဝင်ခဲ့သည်။အောင်သူသည် ယခုနှစ်တွင် မြန်မာနေရှင်နယ်လိဂ်ကလပ် ရတနာပုံအသင်းမှ ထိုင်းကလပ်မြောင်တောင်အသင်းသို့ တစ်ရာသီအဌားစာချုပ်ဖြင့် ပြောင်းရွှေ့ကစားခဲ့ခြင်းဖြစ်ကာ အသင်းသစ်တွင်ခြေစွမ်းပြသနိုင်ရန် ကြိုးစားလျက်ရှိနေတာပဲ ဖြစ်ပါတယ်။ မြောင်တောင်အသင်းသည် ထိုင်းလိဂ်အသင်းတွင် ချန်ပီယံဆုလေးကြိမ်ရရှိထားပြီး ၂၀၁၈ ဘောလုံးရာသီတွင် အမှတ်ပေးဇယားအဆင့် (၄) နေရာတွင် ရပ်တည်ခဲ့သောအသင်းလည်း ဖြစ်ပါတယ်။

Source - Muangthong United FC