ရေစက်ချပြီး အလှူပြုလုပ်ရာမှာ ပါဝင်ခဲတဲ့အတွက် ကချင်ပရိသတ်ကို အောင်လအန်ဆန်း ပြန်လည်တောင်းပန်

မြန်မာစပါးကြီးမြွေလို့ နိုင်ငံတကာမှာ ကျော်ကြားပြီး မြန်မာလက်ဝှေ့ပရိသတ်တွေ သဘောကျခဲ့တဲ့ အောင်လအန်ဆန်းက ခရစ်ယာန်ဘာသာဝင်တစ်ယောက ်ဖြစ်တယ်ဆိုတာ လူအများသိပြီးသားပါ။ ကချင်လူမျိုး OneChampionship(MMA)

ကစားသမားဖြစ်တဲ့ အောင်လအင်ဆန်းက တောင်ဥက္ကလာပမြို့နယ် ရှိ မြင်သာမြို့ဦး လူငယ်ဖွံ့ဖြိုးရေးစင်တာ(မိဘမဲ့ဂေဟာ)သို့ သွားရောက်၍ ကလေးသူငယ်များနှင့်တွေ့ဆုံခြင်း၊ဗုဒ္ဓဘာသာဝင်တို့၏ဓလေ့ထုံးစံအတိုင်း ရေစက်ချခြင်း ၊ သံဃတော်များအားဆွမ်းလောင်းခြင်း ပြုလုပ်နေသော ဓါတ်ပုံများ သတင်းများ Facebook စာမျက်နှာပေါ်တွင် ထွက်ပေါ်လာပြီးနောက် ကချင်လူမျိုးများအကြားတွင် ဝေဖန်မှူများခံခဲ့ရပါတယ်။ 

ဝေဖန်မှုတွေကို အောင်လအန်ဆန်းကနေ သူ့ရဲ့ Facebook အကောင့်မှာ ပြန်လည်ရေးသား တောင်းပန်ခဲ့ပါတယ်။

" ချစ်ခင်လေးစားရပါသော ကချင်လူမျိုးအားလုံးကို ကျွန်တော်တောင်းပန်ပါတယ်ခင်ဗျ။ One FC အစီအစဉ်အနေနဲ့ မိဘမဲ့ကလေးများအား ထမင်းကျွေးအလှူအတန်း ပြုလုပ်တဲ့ပွဲမှာ ကျွန်တော့ကိုဖိတ်ခေါ်ခဲ့တဲ့အတွက် တက်ရောက်ခဲ့ခြင်းဖြစ်ပါတယ်။ဘုန်းကြီးကျောင်းမှာလုပ်တဲ့ပွဲလေးပါ။ကျွန်တော်တို့ကချင်လူမျိုး၊ခရစ်ယာန်တွေဟာ ဘယ်လူမျိုး၊ဘယ်ဘာသာကိုမဆို မမုန်းကြောင်း၊ လေးစားကြောင်းကို  ဖော်ပြချင်လို့ယခုပွဲတက်ရောက်ခြင်းဖြစ်ပါတယ်။

ကျွန်တော်က ခရစ်ယာန်ဘာသာဝင်ဖြစ်တဲ့အတွက် ဘုန်းကြီးတွေကိုတော့ မကန်တော့ခဲ့ပါဘူး။ ဒါပေမယ့် အဓိပ္ပါယ်မသိပေမယ့် ရေစက်ချခြင်းကိုတော့ ပြုလုပ်ခဲ့ပါတယ်။ ကျွန်တော်ငယ်ငယ်ကတည်းက ဗုဒ္ဓဘာသာနဲ့ပတ်သက်ပြီး တစ်ခါမှအတွေ့အကြုံမရှိခဲ့ပါဘူး။ဒီဖြစ်ရပ်ကြောင့် ကျွန်တော်ချစ်တဲ့ကချင်လူမျိုးများအားလုံးကို စိတ်မကောင်းဖြစ်သွားစေတဲ့ အတွက် အနူးအညွတ်တောင်းပန်ပါတယ်။ ကျွန်တော်လုပ်ခဲ့တဲ့အရာတွေအတွက် လည်းဘုရားသခင်ဆီမှာဝန်ချတောင်းပန်ပါမယ်။ အားလုံးမှ အခုလို အကြုံပေး ၊ ဆုံးမ ၊ သတိပေးခဲ့တဲ့အတွက် အရမ်းကျေးဇူးတင်ကြောင်း ထပ်မံပြောကြားလိုပါတယ်။ မကြာခင်ပြုလုပ်တော့မယ် One Championship ပွဲမှာလည်း အားလုံး အားပေး ၊ ဆုတောင်းပေးပါအုံး။ကျွန်တော့သွေးကို ဖေါက်ထုတ် လိုက်ရင် ကချင်သွေး ဘဲထွက်လာမှာပါလို့ပြောရင်း ဒီဖြစ်ရပ်ကို မေ့လိုက်ပြီး ရှေ့ဆက်လျှောက်လှမ်းရအောင် " လို့ တောင်းပန်ပြောကြားခဲ့ပါတယ်။

အောင်လအင်ဆန် သည် အောက်တိုဘာလ (၇)ရက်နေ့တွင် ပိုလန်နိုင်ငံသား pasternak နှင့် ရန်ကုန်မြို့ရှိ ၊ သုဝဏ္ဏကွင်း တွင် ယှဉ်ပြိုင်ထိုးသတ်သွားမည်ဟုသိရသည်။အောင်လအင်ဆန် သည် အောက်တိုဘာလ (၇)ရက်နေ့တွင် ပိုလန်နိုင်ငံသား pasternak နှင့် ရန်ကုန်မြို့ရှိ ၊ သုဝဏ္ဏကွင်း တွင် ယှဉ်ပြိုင်ထိုးသတ်သွားမည်ဟုသိရသည်။

Source : aung la nsang facebook

Alexa