မြန်မာနိုင်ငံကိုပြန်ရောက်လာပြီးမြက်ခင်းစိမ်းတွေပေါ်အမြန်ဆုံးခြေချတော့မယ့်ကျော်မင်းဦး

၂၀၁၄အာရှယူ၁၉ပြိုင်ပွဲကနေပရိသတ်တွေရဲ့ချီးကျူးအားပေးမှုတွေနဲ့အောင်မြင်လာတာကတော့ကွင်းလယ်ကစားသမားကျော်မင်းဦးပဲဖြစ်ပါတယ်။သူကတော့ယူ၂၀ကမ္ဘာ့ဖလားပြိုင်ပွဲမှာလည်းခြေစွမ်းပြနိုင်တဲ့ကစားသမားဖြစ်ပါတယ်။မိခင်ကလပ်ရန်ကုန်ယူနိုက်တက်အသင်းမှာလည်းခြေစွမ်းပြကစားပြီးအမှတ်ပေးချန်ပီယံဆုတွေကိုရယူခဲ့တဲ့ကစားသမားကောင်းတစ်ယောက်ပါ။

အဲ့လိုအကောင်းဆုံးခြေစွမ်းတွေပိုင်ဆိုင်ထားတဲ့ကျော်မင်းဦးကတော့ဒူးဒဏ်ရာကြောင့်ဘောလုံးလောကမှအနားယူထားရတာကြာခဲ့ပါပြီ။သူကတော့ဒဏ်ရာမသက်သာတာကြောင့်ဘောလုံးလောကမှအနားယူမယ်လို့တောင်ပြောကြားခဲ့သူပါ။ဒါမယ့်အဖွဲ့ချုပ်နဲ့ပရိသတ်တွေရဲ့အားပေးမှုတွေကြောင့်ခုမှာဒဏ်ရာကိုထိုင်းနိုင်ငံမှာပြန်ကုသနေတာဖြစ်ပါတယ်။

ခုမှာတော့ကျော်မင်းဦးကခွဲစိတ်မှုအောင်မြင်ပြီးဒဏ်ရာသက်သာလို့မြန်မာနိုင်ငံကိုပြန်လာခဲ့ပြီဖြစ်ပါတယ်။သူကတော့ဒဏ်ရာအလုံးစုံမသက်သာသေးပေမယ့်လေ့ကျင့်ခန်းလေးတွေလုပ်ရင်းနဲ့မြက်ခင်းစိမ်းတွေပေါ်ကိုအမြန်ဆုံးခြေချနိုင်တော့မှာဖြစ်ပါတယ်။ပရိသတ်တွေလည်းအမြန်ဆုံးမြက်ခင်းစိမ်းတွေပေါ်ခြေချနိုင်ဖို့ကြိုးစားနေတဲ့ကျော်မင်းဦးကိုလည်းအားပေးစကားတွေနဲ့အားပေးလိုက်ပါဦးနော်။

Source:Kyaw Min Oo