သမီးလေးရဲ့မေမေဖြစ်တော့မယ်ဆိုမှ အမေတွေအားလုံးကို ပိုပြီးကိုယ်ချင်းစာမိလာတယ်ဆိုတဲ့ စန္ဒီမြင့်လွင်

အဆိုတော်၊သရုပ်ဆောင် မင်းသမီးချောလေး စန္ဒီမြင့်လွင်ကတော့ လက်ရှိမှာ ကိုယ်ဝန်လွယ်ထားရတဲ့ မိခင်လောင်းလေး ဖြစ်ပါတယ်။ ချစ်ခင်ပွန်းနဲ့အတူ သာယာဖြောင့်ဖြူးတဲ့ အချစ်ခရီးလမ်းလေးကို လျှောက်လှမ်းခဲ့တဲ့ စန္ဒီမြင့်လွင်က မကြာခင်မှာတော့ မိသားစုဝင်အသစ်လေးကို ပိုင်ဆိုင်ရတော့မှာ ဖြစ်ပါတယ်။ စန္ဒီမြင့်လွင်တို့ဇနီးမောင်နှံရဲ့ဘဝထဲကို ချစ်စရာကောင်းတဲ့သမီးလေးတစ်ယောက်က ရောက်ရှိလာတော့မှာ ဖြစ်ပါတယ်။

ကိုယ်ဝန်လွယ်ထားရတာ (၃၇) ပတ်ရှိနေပြီဖြစ်တဲ့ စန္ဒီမြင့်လွင်က သမီးလေးရဲ့မျက်နှာကိုမြင်ဖို့ ရက်ပိုင်းသာလိုတော့တာ ဖြစ်ပါတယ် ။ အခုလည်း စန္ဒီမြင့်လွင်က မိခင်ဖြစ်တော့မယ်ဆိုတော့မှ ဖြစ်ပေါ်လာတဲ့ သူမရဲ့ခံစားချက်တွေကို ပြောပြလာခဲ့ပါတယ်။ ကလေးမေမေဖြစ်တော့မယ့် စန္ဒီမြင့်လွင်က မိခင်တွေအားလုံးအပေါ်မှာ ပိုပြီးကိုယ်ချင်းစာမိလာတယ်လို့ ဆိုထားပါတယ်။

စန္ဒီမြင့်လွင်က '' မေမေဖြစ်တော့မယ်ဆိုတော့အမေတွေအားလုံးကိုကိုယ်ချင်းစာမိပီးပိုလဲချစ်လာတယ်လေ ကမ္ဘာပေါ်မှာရှိသမျှအမေတွေအားလုံး စိတ်ချမ်းသာကိုယ်ချမ်းသာစွာနဲ့တရားထူးတရားမြတ်တွေရကြပါစေရှင် ကိုယ်ကတော့အမေချစ်သမီးလေးပါ '' ဆိုပြီး ချစ်မေမေနဲ့ပုံလေးတွေကို တင်ထားတာ ဖြစ်ပါတယ်။ ကဲ ချစ်ပရိသတ်တွေအတွက် မိခင်လောင်းလေး စန္ဒီမြင့်လွင်နဲ့ သူမရဲ့ချစ်မေမေရဲ့ပုံလေးတွေကို တင်ဆက်ပေးလိုက်ပါတယ်နော်။

Source: Sandy Myint Lwin;