သားလေးရက်(၁၀၀)ပြည့်မွေးနေ့အမှတ်တရအဖြစ် ခိုင်နှင်းဝေရင်သွေးလေးများဂေဟာကို လာရောက်လှူဒါန်းခဲ့ကြတဲ့ အဆိုတော်မိုးမိုးမိသားစု

ယနေ့ထိတိုင်အောင်မြင်နေဆဲဝါရင့်သရုပ်ဆောင် မင်းသမီးတစ်လက်ဖြစ်တဲ့ မင်းသမီးချော ခိုင်နှင်းဝေကတော့ သူမရဲ့ အနုပညာအလုပ်တွေထက် ပရဟိတရေးရာအလုပ်တွေကို ပိုလို့ အားပြုလုပ်ဆောင်နေပါတယ်။ ဆင်းရဲနွမ်းပါးတဲ့ လူထုအတွက် အကောင်းဆုံး တတ်နိင်တဲ့ဘက်ကနေ ထောက်ပံ့မှုတွေပေးနေသူလဲဖြစ်ပါတယ်။ သူမရဲ့လုပ်ရက်တွေဟာ ပရိသတ်တွေသာမကပဲ အနုပညာရှင်များကပါ ချီးကျူးနေရတာပါ။ 

လတ်တလောမှာလည်း " ခိုင်နှင်းဝေ ရင်သွေးလေးများဂေဟာ " ကိုဖွင့်လှစ်ထားရှိထားတာပဲ ဖြစ်ပါတယ်။ ဒါ့အပြင် မော်လမြိုင်ရေဘေးသင့်တဲ့ပြည်သူတွေအတွက် လိုအပ်တဲ့ကူညီလှူဒါန်းမှုများပြုလုပ်နေတာလည်း ဖြစ်ပါတယ်။ သူမရဲ့လုပ်ရပ်များကိုလည်း ပရိသတ်တွေက မချီးကျူးပဲမမနေနိုင်အောင်ကို ဖြစ်နေတာပါ။ 

မနေ့ညကလည်း သူမရဲ့လူမှုကွန်ယက်စာမျက်နှာတွင် အလှူလေးတစ်ခုကို ဝေမျှထားတာပဲ ဖြစ်ပါတယ်။ ဒါကတော့ " ယနေ့ ကျမရဲ့ ခိုင်နှင်းဝေ ရင်သွေးလေးများဂေဟာ ကို အဆိုတော် သရုပ်ဆောင် ကိုမိုးမိုး မိသားစု မှ ကလေး အင်္ကျီများ နှင့် နို့မှုန့် ဘူးများ လာရောက် လှူဒါန်း ခဲ့ပါတယ်ရှင်

အခုလို လာရောက် လှူဒါန်း မှုအတွက် ကျမ ခိုင်နှင်းဝေ နှင့် သားသားမီးမီးလေးတွေမှ ကျေးဇူးအများကြီးတင်ပါတယ်ရှင် " ပဲ ဖြစ်ပါတယ်။ အဆိုတော် မိုးမိုးနဲ့ဇနီးဖြစ်သူကိုယ်တိုင် ကလေးတွေနဲ့ပျော်ပျော်ရွှင်ရွှင် ဆော့ကစားနေကြတာဟာလည်း မြင်ရသူတိုင်း ကြည်နူးစရာကောင်းလွန်းလှပါတယ်နော်။ ပရိသတ်တွေအတွက် ဒီသတင်းလေးကို ဝေမျှပေးလိုက်ပါတယ်။

Photo - Khine Hnin Wai And Moe Sithu Kyaw