ညကြီးအချိန်မတော်မုန့်ဖက်ထုပ်ရောင်းနေတဲ့သားအမိနှစ်ယောက်ကြောင့် မျက်ရည်တွေတောင်စီးကျလာရတဲ့ ချစ်သုဝေ

ပရိသတ်ကြီးရေ အဆိုတော်သရုပ်ဆောင်တစ်ယောက်ဖြစ်တဲ့ ချစ်သုဝေကတော့ ချစ်စရာအမွှာသမီးလေးနှစ်ယောက်ကိုမွေးဖွားထားပြီး နွေးထွေးတဲ့မိသားစုဘဝလေးကိုတည်ဆောက်ထားတာဖြစ်ပါတယ်။မေတ္တာတရားကြီးမားလွန်းတဲ့ မေမေချစ်သုဝေက သားသမီးချင်းလည်းကိုယ်ချင်းစာတတ်သူဖြစ်လို့ ကလေးတွေနဲ့ပက်သက်ပြီးလည်းတတ်နိုင်သလောက်ကိုကူညီဖေးမပါတယ်နော်။အခုဆိုရင်တော့ ချစ်သုဝေက သူမတွေ့မြင်လိုက်ရတဲ့မြင်ကွင်းလေးနဲ့ပက်သက်ပြီး အခုလိုပဲရေးသားမျှဝေထားပါတယ်နော်။

"မုန့်ဖက်ထုပ်ပူပူလေး...မနေ့ညက သမီးလေးတွေသိပ်ပြီးတော့မုန့်ဖက်ထုပ်စားချင်လာပါရော..ယောကျာ်းကရှာဝယ်ပေးမယ်ဆိုပြီး နေတဲ့ သင်္ဃန်းကျွန်းကနေ နေရာစုံ နောက်ဆုံးတရုတ်တန်းလသာထိ ရှာတယ်ပေါ့လေ..မတွေ့..ဒီနေ့ နေ့လည်ကျ သူကမကျေပွဲ..ကိုယ့်ရှေ့ မုန့်ဖက်ထုပ်ပူပူလေး ရောက်လာတယ်..ဒီည သူခရီးပြန်ထွက်တော့ အိမ်မှာကျန်ခဲ့တဲ့ကိုယ်ဟာ အပူအပင်ကင်းကင်းအိပ်ပျော်နေတဲ့သမီးလေးတွေဘေးမှာ..ယောကျာ်းကိုလွမ်းလို့,, မိသားစုအတူအမြဲနေချင်လို့,, အိမ်စခွဲကာစမို့ မေကြီးတို့ကိုလွမ်းလို့,,တစ်နေကုန် အပြင်အလုပ် အိမ်အလုပ် ပင်ပန်းလို့,,,စထားခါစဖြစ်နေတဲ့စီးပွားရေးလေးအတွက်ရှေ့ရေးတွေတွေးပူလို့,,သမီးလေးတွေရဲ့ရှေ့ရေးအတွက်ပူလို့,,,လောဘပေါင်းများစွာနဲ့ မုန့်ဖက်ထုပ်ကိုစားရင်းတွေးချင်ရာတွေး,,ပူချင်ရာပူနေတုန်း..ကိုယ့်ကွန်ဒိုလေးက ရပ်ကွက်လမ်းပေါ်က အသံကြားမိလိုက်တယ်..

"မုန့်ဖက်ထုပ်ပူပူလေး.." အမျိုးသမီးတစ်ယောက်အသံ,,(ဪ ငါ့နဲ့နော်..စဉ်းစားလို့မဆုံးခင်လေး..)နောက်ထပ်အသံတစ်ခု နောက်ကလိုက်လာတယ်.."မုန့်ဖက်ထုပ်ပူပူလေး.." ၅နှစ်လောက်လို့ခန့်မှန်းရတဲ့ကလေးအသံလေးနဲ့...တံခါးကိုဖွင့် လမ်းပေါ်လှမ်းကြည့်မိတော့...မုန့်ဖက်ထုပ်တောင်းလေးကိုခေါင်းမှာရွက်,,သားလေးကိုလက်ကတစ်ဖက်တွဲ သားအမိ၂ယောက်ကို ကျွန်မမြင်တော့.. မျက်ရည်ဟာအလိုလိုစီးကျလာတယ် ကျွန်မလိပ်ပြာကကိုယ့်ကိုယ်ကိုရှက်စေတယ်.."မုန့်ဖက်ထုပ်ပူပူလေး..." အသံက ဝေးသထက်ဝေး..ကျွန်မအတွေးတွေကကျယ်သထက်ကျယ်...သေချာတာကတော့ ကျွန်မပင်ပမ်းတယ် အနာဂတ်အတွက်တွေးပူတယ်ဆိုတာမျိုးတွေညည်းတွားဖို့ ရှက်တတ်သွားပြီ...လူဆိုတာ ဘယ်လိုအနေအထားမျိုးပဲဖြစ်ဖြစ် ဘဝကိုအရှုံးမပေးပဲ ရုန်းကန်နေရတာမှ ဘဝအစစ် ကလေးလေးတွေအားလုံးရဲ့ဘဝတွေဟာတူညီနေရင်သိပ်ကောင်းမယ်..."ဆိုပြီး ဂရုဏာသက်စွာနဲ့ရေးသားမျှဝေထားပါတယ်နော်။

Source:Chit Thu Wai's Facebook