ဒီတစ်ပတ် ပြောပြချင်တဲ့ အကြောင်းအရာလေးကတော့ အလုပ်ချိန်မှာ အိပ်ငိုက်တဲ့အခါ အိပ်ချင်ပြေအောင် ဘယ်လို လုပ်ရမလဲဆိုတဲ့ နည်းလမ်းလေးတွေကို ဖော်ပြပေးချင်ပါတယ်။ တစ်ကယ်လို့ စာဖတ်တဲ့ပရိသတ်ကြီးကဘအလုပ်ချိန်အတွင်း အရမ်းကို အိပ်ငိုက်တတ်တဲ့သူဆိုရင် ဒီနည်းလမ်းလေးတွေထဲက ကိုယ်နဲ့အဆင်ပြေမယ့်နည်းလမ်းလေးတွေကို ပြုလုပ်သင့်တယ်ဆိုတာ အကြံပေးလိုက်ပါရစေနော်။
၁။ တစ်ခါတလေ ကျွန်တော်တို့ဟာ အလုပ်စားပွဲခုံပေါ်မှာချည်းပဲ အထိုင်များနေရင် စိတ်ထဲမှာ အိပ်ချင်နေသလိုကြီး ဖြစ်လာတတ်ပါတယ်။ ဒါ့ကြောင့် ကိုယ့်ရဲ့အလုပ်စားပွဲခုံပေါ်မှာ အကြာကြီးမထိုင်သင့်ပဲ အညောင်းပြေ အညာပြေ လမ်းလေးနည်းနည်း လျှောက်ပေးခြင်းကလည်း အိပ်ချင်စိတ်ကို ဖြေလျှော့ပေးနိုင်ပါတယ်။
၂။ ဘယ်သူနဲ့မှ စကားမပြောပဲ မိမိအလုပ်ကိုသာ တစိုက်မတ်မတ် လုပ်တာ ကောင်းပေမယ့် ရက်ကြာလာရင်တော့ ပျင်းရိသလိုဖြစ်လာတတ်ပါတယ်။ အဓိကကတော့ စကားပြောမယ့်သူမရှိတာကြောင့် အလုပ်ခွင်မှာ တဖြည်းဖြည်း ပျင်းရိလာပြီး အိပ်ချင်စိတ်ကို ဖြစ်ပေါ်စေတတ်ပါတယ်။ ဒါ့ကြောင့် မိမိရဲ့ ရုံးတွင်းလုပ်ဖော်ကိုင်ဖတ်တွေနဲ့ တစ်ခါတလေမှာ ဟာသလေးတွေ ပြောနေခြင်းက အိပ်ငိုက်ပြေနိုင်သလို ရုံးတွင်းလူတွေအကြားမှာလည်း ဆက်ဆံရေးကောင်းတွေ ရရှိစေနိုင်ပါတယ်ဗျ...
၃။ အလုပ်လုပ်နေရင်း အရမ်းကို အိပ်ချင်လာပြီဆိုရင်တော့ အရင်ဆုံး မျက်နှာသွားသစ်တာ အကောင်းဆုံးပါပဲ..ပီးရင်တော့ ကော်ဖီ ဒါမှမဟုတ် လဘ္ဘရည်တစ်ခွက်ဖျော်ပြီး သောက်ကြည့်သင့်ပါတယ်ဗျ...ဒါဆိုရင်တော့ အိပ်ငိုက်တာကို အတော်လေးဖြေလျော့ပေးနိုင်မှာပဲ ဖြစ်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။