ကိုယ်တိုင်ရှာဖွေထားတဲ့ အနုပညာကြေးတွေနဲ့ အမေ့အတွက် ရတနာတစ်ဆင်စာနဲ့ဖိနပ်တစ်ရံ လိုက်ဝယ်ပေးခဲ့တဲ့ သားလေးအိစိကွေး

ပရိသတ်အချစ်တော်လေးဖြစ်တဲ့ အိစိကွေးကတော့ ကလေးဘဝကတည်းက အနုပညာလောကကို ဝင်ရောက်ခဲ့တာ ဖြစ်ပါတယ်။ ကလေးသရုပ်ဆောင်အဖြစ် ပရိသတ်တွေရဲ့ချစ်ခင်မှုကို ရရှိခဲ့တဲ့ အိစိကွေးက လက်ရှိမှာတော့ အဆိုတော်အဖြစ်ရော သရုပ်ဆောင်အဖြစ်ပါ အနုပညာအလုပ်တွေကို လုပ်ကိုင်နေတာ ဖြစ်ပါတယ်။

ဒီနေ့မှာတော့ အိစိကွေးက သူ့ရဲ့လူမှုကွန်ယက်စာမျက်နှာမှာ အမေ့ကိုလက်ဆောင်ဝယ်ပေးခဲ့ကြောင်း တင်ထားတာ တွေ့ရပါတယ်။ အိစိကွေးက ''ဒီနေ့တော့ အမေ့အတွက် ကျွန်တော့ရဲ့ အနုပညာကြေးလေးနဲ့ စိန်နန်းတော်က နားဆွဲ လက်စွပ် ဆွဲကြိုး ရယ် D&C ကဖိနပ်လေးရယ် ဝယ်ပေးဖြစ်ပါတယ် ယုံယုံကြည်ကြည်နဲ့အလုပ်လာအပ်တဲ့သူတွေကိုလည်း အထူးကျေးဇူးတင်ပါတယ် အခုထိအားပေးနေကြတဲ့ ပရိသတ်တွေရောပေါ့ အားလုံးရဲ့ကျေးဇူးကြောင့် အခုလို အမေ့ကို ဝယ်ပေးနိင်လို့ ပီတိလည်းဖြစ်တယ် ကျေးဇူးလည်းအထူးတင်ပါတယ်

အချိန်ပေးပြီးဆိုင်ထိလိုက်ရွေးပေးတဲ့အတွက်လည်း ကျေးဇူးပါ ဒီနေ့ကတော့ ကျွန်တော့အတွက် အပျော်ရဆုံးနဲ့အမှတ်တရအဖြစ်ဆုံးန့လေးပါ'' ဆိုပြီး သူရဲ့အပျော်တွေကို မျှဝေထားတာ ဖြစ်ပါတယ်။ ကဲ ချစ်ပရိသတ်တွေအတွက် အမေ့ကိုရတနာတစ်ဆင်စာနဲ့ ဖိနပ်တစ်ရံလက်ဆောင်ဝယ်ပေးခဲ့တဲ့ အိစိကွေးရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit -Eisi Kway's FB;