ဂျပန်နိုင်ငံအားဘောလုံအားကစားနည်းကို သင်ပြပေးတဲ့ ဦးကျော်ဒင်နဲ့ သူရဲ့မိခင်မြန်မာနိုင်ငံအား ကျေးဇူးတင်လိုက်တဲ့ ဂျပန်ပရိသတ်များ

မနေ့ညကတော့ မြန်မာလက်ရွေးစင်အသင်းဟာဂျပန်လက်ရွေးစင်အသင်းနဲ့ ကမ္ဘာ့ဖလားခြေစစ်ပွဲကို ရန်ကုန်မြို့၊ သုဝဏ္ဏဘောလုံးကွင်းမှာ ယှဉ်ပြိုင်ကစားကြပြီး ဂျပန်အသင်းက အိမ်ရှင်မြန်မာအသင်းကို ၂ဂိုး ဂိုးမရှိနဲ့ အနိုင်ရရှိခဲ့ပါတယ်။ အဆိုပါပွဲမှာ ဂျပန်ပရိသတ်တွေရဲ့ လေးစားချီကျူးစရာကောင်းတဲ့ စိတ်ဓာတ်ဟာ မြန်မာပရိသတ်တွေကြားအတော်လေးကိုရေပန်းစားခဲ့ပါတယ်။

မြန်မာအသင်းနဲ့ ဂျပန်အသင်းတို့ရဲ့ မနေ့ညကပွဲမှာ ဂျပန်ပရိသတ်တွေဟာ ဂျပန်နိုင်ငံအားဘောလုံအားကစားနည်းကို သင်ပြပေးတဲ့ ဦးကျော်ဒင်နဲ့ သူရဲ့မိခင်မြန်မာနိုင်ငံအား ကျေးဇူးတင်ကြောင်း ပြောထားတဲ့ ဆိုင်းဘုတ်တွေကို ကိုင်ဆောင်လာခဲ့ပါတယ်။ အဆိုပါပုံရိပ်လေးဟာ မြန်မာပရိသတ်တွေ ပျော်ရွှင်စေခဲ့ပါတယ်။

ဂျပန်အသင်းပရိသတ်တွေကတော့ ကမ္ဘာဖလားပွဲစဉ်တွေ ယှဉ်ပြိုင်တုန်းကလဲ ကွင်းအတွင်းအမှိုက်တွေကိုလဲ ကောက်ခဲ့တာကြောင့် တစ်ကမ္ဘာလုံးက ပရိသတ်တွေရဲ့ လေးစားချီးကျူးမှုကို ရရှိခဲ့ပါတယ်။ မြန်မာအသင်းနဲ့ ဂျပန်အသင်းတို့ရဲ့ ယှဉ်ပြိုင်ခဲ့တဲ့ ပုံရိပ်လေးတွေကို ချစ်ပရိသတ်တွေအတွက် ပြန်လည်ဖော်ပြပေးလိုက်ပါတယ်။

source: MFF ' s facebook