မင်းသားချောလေးတွေ ဝန်းရံထားတဲ့အလယ်မှာ အဖြူရောင်ဝတ်စုံလေးနဲ့ လှချင်တိုင်းလှနေတဲ့ မေမြင့်မိုရ်

ပန်းနုသွေးဆိုတဲ့ ဇာတ်ရုပ်လေးနဲ့ ပရိသတ်တွေရဲ့ရင်ထဲကိုဝင်ရောက်လာခဲ့သူလေးကတော့ မင်းသမီးချောလေး မေမြင့်မိုရ်ပဲ ဖြစ်ပါတယ်။ ရုပ်သံဇာတ်လမ်းတွဲလေးတွေ အများဆုံးရိုက်ကူးခဲ့တဲ့ မေမြင့်မိုရ်က ချိုသာယဉ်ကျေးတဲ့စကားပြောဟန်လေးတွေ ချစ်စရာကောင်းတဲ့ အမူအရာလေးတွေကြောင့် ယောက်ျားလေး၊မိန်းကလေးပရိသတ်တွေအားလုံးရဲ့ချစ်ခင်အားပေးမှုကို ပိုင်ဆိုင်ခဲ့တာပဲ ဖြစ်ပါတယ်။

သရုပ်ဆောင်ကောင်းတဲ့ မေမြင့်မိုရ်က ဇာတ်လမ်းတွဲလေးတွေအပြင် ရုပ်ရှင်ဇာတ်ကားကြီးတွေလည်း လက်ခံရိုက်ကူးနေရတဲ့ မင်းသမီးတစ်လက် ဖြစ်ပါတယ်။ မကြာခင်မှာ ထုတ်လွှင့်ပြသတော့မယ့် " ပျောက်ဆုံးနေသော အမှန်တရား" ဆိုတဲ့ဇာတ်လမ်းတွဲလေးမှာလည်း မေကပါဝင်သရုပ်ဆောင်ထားပါသေးတယ်။ အခုလည်း မေက ပရိသတ်တွေအတွက် သူမရဲ့ပုံအသစ်လေးတွေကို မျှဝေပေးထားပါတယ်။

မေမြင့်မိုရ်က " ဒယ်ဒီ & ကိုကြီး ကိုလေး (Bros for sale ) " ဆိုပြီး လူမင်း၊ ထူးအောင်၊ အောင်ရဲထိုက်တို့နဲ့ပုံလေးတွေကို တင်ထားသလို " မကြာမှီလာမည်နော် Coming Soon On Cinemas !" ဆိုပြီးလည်း မင်းသားချော အောင်ရဲလင်းနဲ့ပုံရိပ်လေးကို တင်ထားပါသေးတယ်။ ကဲ ချစ်ပရိသတ်တွေအတွက် မင်းသားချောလေးတွေရဲ့အလယ်မှာ အဖြူရောင်ဝတ်စုံလေးနဲ့ အလှတွေပိုနေတဲ့မေမြင့်မိုရ်ရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit-May Myint Mo's FB