ဖိလစ်ပိုင်နိုင်ငံမှာ ကျင်းပမယ့် ဆီးဂိမ်းစ်အတွက် စခန်းသွင်းလေ့ကျင့်နေတဲ့ မြန်မာလက်ရွေးစင် ယူ-၂၂ အသင်း

မြန်မာလက်ရွေးစင် ယူ-၂၂ အသင်းဟာ ဖိလစ်ပိုင်နိုင်ငံတွင် လက်ခံကျင်းပမည့် အရှေ့တောင်အာရှ အားကစားပြိုင်ပွဲ (ဆီးဂိမ်းစ်)အတွက် စခန်းသွင်းလေ့ကျင့်နေတာပဲ ဖြစ်ပါတယ်။ စခန်းသွင်းလေ့ကျင့်တဲ့ ပထမဆုံးနေ့ဖြစ်သော (စက်တင်ဘာ ၂၃ ရက်) ညနေပိုင်းက ကြံ့ခိုင်မှုစစ်ဆေးသည့် လေ့ကျင့်ခန်းများကို ပြုလုပ်ခဲ့ကြပါတယ်။

မြန်မာလက်ရွေးစင် ယူ-၂၂ အသင်းနည်းပြချုပ် မစ္စတာပိုပေါ့ဗ်ဟာ အသက် ၂၂ နှစ်အထက် ကစားသမား (၅) ဦးအပါအဝင် ပဏာမ ကစားသမား ၄၀ ဦးစာရင်းကိုလည်း ထုတ်ပြန်လိုက်ပြီဖြစ်ပါတယ်။ ဆီးဂိမ်းစ်ပြိုင်ပွဲဝင် အသင်းများအနေဖြင့် ယခုနှစ်တွင် အသက် ၂၂ နှစ်အထက် ကစားသမားနှစ်ဦး ထည့်သွင်းအသုံးပြုခွင့်ရှိသဖြင့် ပဏာမစာရင်းတွင် (၅) ဦး ထည့်သွင်းရွေးချယ် ထားခြင်းလည်းဖြစ်ပါတယ်။

အသင်းအနေဖြင့် လက်ရှိတွင် ကစားသမား အစုံအလင်ဖြင့် လေ့ကျင့်နိုင်ခြင်း မရှိသေးဘဲ ရန်ကုန်ယူနိုက်တက်နှင့် ရှမ်းယူနိုက်တက် အသင်းမှ ကစားသမားများမှာ ဗိုလ်ချုပ်အောင်ဆန်းဒိုင်း ဗိုလ်လုပွဲပြီးမှ လာရောက်ပူးပေါင်းနိုင်မည် ဖြစ်ပါတယ်။ ဗိုလ်ချုပ်အောင်ဆန်းဒိုင်း ဗိုလ်လုပွဲကိုတော့ ယနေ့ စက်တင်ဘာလ ၂၄ရက်နေ့ညနေ၆နာရီမှာ စတင်ကစားကြမှာပဲ ဖြစ်ပါတယ်။

source: MFF' s facebook